دموع المجاريح :

حساب المواطن و ضمان لا تكفي إيجار شقه وتامين سيارة وكذلك موونه للمنزل تسديد فواتير افضل لك ان ابوك يبني لكم غرف في سطح وتجلسين انتي عيالك فوق ولله يكون في عونك

حساب المواطن و ضمان لا تكفي إيجار شقه وتامين سيارة وكذلك موونه للمنزل تسديد فواتير افضل لك ان...

غـــيمة :

اولاً الحمد لله انك تخلصتي من الجحيم اللي كنتي فيه خليك عند اهلك بالغرفه تحملي كم شهر زياده لمن ترتبين وضعك ولدك من ذوي الاحتياجات الخاصه ينزل له راتب خاص من الدوله وسمعت تقدرين تقدمين له عامله باسمه والدوله تتكفل فيها هالمعلومه مو متاكده منها لكن الراتب اكيد وقدمي على حساب مواطن والضمان وخذي نفقة عيالك من طليقك اذا رفض اشتكي بالمحكمه. لا تنازلين عن حقوقهم وبعد ماترتبين وضعك تطلعين بشقه مولازم قريبه من أهلك لكن اذا شايفه انك مو قد هالمسؤوليه وفيه احتمال ترجعين عند اهلك بعد ماتاخذين حقوق اولادك وتقدمين على الضمان ويكون عندك دخل خذي غرفة اخوك اللي على السطح وابني غرفه زياده وخليك فيه لكن قبل كلمي اخوك المبتعث يتنازل لك عن الغرفه ويقول لاهلك انه مو بحاجتها عشان مو تخسرين فيها ولما يرجع يطلعك منها تاكدي منه قبل

اولاً الحمد لله انك تخلصتي من الجحيم اللي كنتي فيه خليك عند اهلك بالغرفه تحملي كم شهر زياده لمن...

سمية@ :

شكرا لكل اللي ردوا على كلام أبوه ولدي حالته بسيطة ماتستدعي دعم من التأهيل أو عاملة اخوي المبتعث مو غرفته اللي في السطح ماجلس فيها ولكن أغراضه موجودة في الغرفه يمدي اهلي يبنون في السطح ولكن رفضوا اهلي البارح أصروا على البقاء في الغرفة اللي تحت في وجه الصالة بكل ظروفها ومساوءها لأن السطح بيكون ازعاج لهم أيضا ، اتمنى اجد حل عشان خاطر عيالي يارب تفرجها وتزينها عشان عيالي فيه جمعية خيرية قالتلي صديقتي ممكن تعطي سنة مجانا للامهات والمطلقات  بس يارب القى مكان نفس حارة اهلي الين ماربي يفرجها أنا ممكن اظطر اكلم ابوهم يوفر لهم شقة صغيرة مرة عشان ياخذون راحتهم وانا الأخوات اللي قالوا الإجارة غالي ساكنين جنوب الرياض يعني أن شاء الله الاسعار مو غالية مرة

شكرا لكل اللي ردوا على كلام أبوه ولدي حالته بسيطة ماتستدعي دعم من التأهيل أو عاملة اخوي المبتعث...

غـــيمة :

لا تاخذين بكلامه تأكدي بنفسك تواصلي معهم شوفي موقعهم او حساب بتوبتر خذي الرقم وكلميهم وتاكدي اذا يستدعي او لا اما سالفة الغرفه خلاص دام أهلك رافضين تحملي كم شهر لين ترتبين وضعك وتطلعين بشقه لوحده

لا تاخذين بكلامه تأكدي بنفسك تواصلي معهم شوفي موقعهم او حساب بتوبتر خذي الرقم وكلميهم وتاكدي...

سمية@ :

الله ييسر الأمر اتمنى الاقي حل عشان عيالي يرتاحون وانا نفسيتي ترتاح يارب مايجي رمضان الا وانا في حالة زينة وعيالي مبسوطين نسمع التراويح والقيام واقرا قران وانا مرتاحة مطمئنة واسويلهم الطبخات اللي يحبونها طبعا أنا أقول اهلي اقصد امي وأبوي اخواني قائلين خذي راحتك من زمان وقرري قرارك ،واخواتي نفس الشيء مايتدخلون رغم أنهم مادعموني في بعض اموري بس على الأقل ماضايقوني رحت اليوم دلة التخصصي لرخصة القيادة مع الاسف مسافة مع انها أقرب من جامعة نورة مع إني تدربت مع مدربة الله يعافيها بس قيمت عند اللي في دلة قالت تحتاجين ١٥ساعة وتبدأ النظري نهاية رمضان كنت اتمنى هالعطلة حقت شعبان أنجز موضوع القيادة لاني مو قادرة اشتري سيارة سعرها مناسب على قدي باسمي الا لين يكون معي رخصة واهلي عندهم سيارة خربانه ودي اتدرب عليها في الحواري بس ابوي قال ماراح اصلحها وتسوقينها الا ومعك رخصة الله يسهل جعلها حلوم ليل يفرجلي ويفرج لكل حوائية وكل من رد علي والله اشتقت لأيام حواء ولمة عضوات حواء يوم كانت الردود بالعشرات والمشاهدات  بالآلاف مافي شيء يقوم مكان لمة منتدى حواء حتى تويتر ماتقدرين تفضفضبن بكلش 

الله ييسر الأمر اتمنى الاقي حل عشان عيالي يرتاحون وانا نفسيتي ترتاح يارب مايجي رمضان الا وانا في...