المتلطمه @almtltmh

عضوة فعالة

الأرز الروسي

المهم نبتدي بالمقادير..
- صحن صدور دجاج مقطعه شرايح
- بصل مقطع شرايح ( يعني نهبده بالنص ثم نقطعه ويصير شريحة نص دائره ) --> الله من زين الوصف :(
- فلفل أخضر رومي مقطع شرايح
- مشروم معلب ونقطعه شرايح ( موب ذاك إلي في علبه زرقا )
- شوية ثوم مهروس
- علبة قيمر
- شوية صويا صوص الحلوه
- شوية فلفل أسود وملح
- ذرة لون صناعي

نجي الحين للرز ...
- كيله ونوص رز وحطو عليه ماء
- بصله مقطع صغير
- ثوم مهروس
- شوية كركم
- ماجي

الطريقه :23: هاه أكمل ولا سعابيلكم كثرت --> هماهم ماشافو شي يالفقمه :29:

طبعا أطبخو الرز طبخ عادي ولما تحسين إنه بدى يستوي حطيه في المشخاله
خذي الحين الدجاج وحطي عليه فلفل وملح وصويا صوص وخليه نص ساعه على جنب ثم إقليه
في المقلى مثل ما نقلي البطاطس ..
وإحمسي البصل مع الثوم ثم حطي عليهم الفلفل الأخضر الرومي ثم حطي عليهم المشروم وإحمسيهم مثل الكشنه ثم حطي عليهم الدجاج بعد ما قليتيه وحطي عليهم شوي فلفل أسود وملح وحطي شوي صويا صوص ثم حطي عليهم القيييمر ثم حطي عليهم ذرة لون صناعي
خذي صنيه بايركس وأمسحيها بزيت شوي ثم حطي عليها الرز وبعدها حطي عليه طبقة الدجاج
ثم دخليهم في الفرن وخلي إلي فوق يتغير لونه بشييء بسييييييط :32:

وبعدييييييين حطيه ودقو وأبلعو وبالعافيه
يخي من جد طعمه خياااااالي :21:

:06: لحد يزلبببببببببببببببن

يلزم عليك تسجيل الدخول أولًا لكتابة تعليق.

تسجيل دخول

مارية7 • 20 سنة

هلا متلطمة
توقعي انا شقاعدة آكل الحين ؟؟؟

أكيد طبقك الخطييير هذا
أنا من شفت الموضوع على طول سويته وطلع روعه مثل صاحبته

بس عندي كم سؤال (الناس يسألوا قبل بعدين ينفذوا بس من حلات الطبق طرت اسويه وتوهقت )

1) الرز ما فهمت شلون اسويه ممكن تكتبين الطريقة بالتفصيل وخلي عنش الكسل
2) القيمر ممكن ابدله بقشطة نستلة ؟

اتمنى تردي عشان المرة الجاية يطلع احلى

وتسلمي

المتلطمه • 20 سنة

هههههههههههههههههههههههههههههههههههههههههههههههههههههههههه
جعلتس للجنه الله يرجتس
يختس عندي مذاكره وكتبته مستعجله
والله يا أني فقيت بوهتي قلت أهب والله إنها سنعه سوت الطبق :23:
الله يرجتس سحبتيني على خشتي

المهم ياحوبي
سوي الرز عادي
إحمسي البصل مع الثوم
ثم صبي عليهم الماء
ثم كبي الرز عليهم وحطي معهم ماجي وشوية كركم ذره موب شويه بعد
وخليه لين يستوي ثم إشخليه بالمشخاله :23:

والله ياخلفهم ماجربت قشطة نستله بس القييييييمر أزين قوشطه :32:

ويالله أنا بطووووووس
وأي حاقه أو محتاقه أنا في الشوفه ياعزردي
أممممممممممطططططططططططططخ لي موب لتس ههههههههههههههه

مارية7 • 20 سنة

يحليلتس يا متلطمة نص كلامتس ما ينفهم
مشكورة على الرد وآسفة اني عطلتس عن المذاكرة (ترى اختكي مثلكي )
يعني علي امتحان ومع ذلك فاتحة النت للمرة الثانية اليوم

الله يوفقتس ويوفقني وياتس

*حبيبة زوجها* • 20 سنة

مشكوره
الله يعطيك العافية

آهات مجروحه • 20 سنة

ههههههههههاااااااااااااااااي ...
الله يرجك ياذالمتلطمه وربي عليك اسلوب يسحر ....
تدرين وشو اللي ازين من اكلتك ..اسلوبك اللي كنه يقول سوها غصب ...ياحبي لك يا شيخه .....
ويسلمووووووووووو على الطبخه ان شاء الله بجربها وهذاني اطبعها بس تدرين فيه شي مضيق صدري ان في الاكله دجاج وانا مانيبحبه ...لكن ان شاء الله اسويها واشوف راي خواتي واخواني فيها ...اوه نسيت امي هي اهم شي رايها يهمني ...<<<<<<< ترقع ...
الله يعطيك العافيه ...
ولا يحرمنا من جديدك يا عسسسسسسسل ..