^^^^^^^^^^^
يعطيك العافية اختي عفوية صريحة قالت كل الي في خاطري اوافقها100%
نفس ما قالوا البنات بسس فييه سؤال لازم نسسال ام الخاطب اذا ولدها خاطره في بنت من العائله او غيرهم والبنت رافضته ؟؟!
الصفحة الأخيرة
و عليكم السلام و رحمة الله و بركاته
* ف ما هي الأسئلة التي تسألون عنها عن الخاطب ؟
اهم شي الدين و الاخلاق و تعاملو كيف يكون مع اهلو و اصحابو و المجتمع اللي عايش فيه
بعدها تجي الوظيفة و العمر و الامراض اذا كان يعاني من شي معين
* ماذا ستسألون الأم و الأب + الأقارب و الزملاء عنه ؟
الام و الاب الافضل تسأليهم عن العمر - الوظيفة - المستوى التعليمي
صراحة اخلاقو و دينو ما اعتقد انهم راح يقولوا الحقيقة اكيد راح يطلعوه باحلى صورة
فكثير بنات انغشوا بسبب هالشي
انا افضل يسألوا عن اخلاقو و دينو من الجيران و زملاء العمل و الحي اللي ساكن فيه
و يكون السؤال بطريقة غير مباشرة عشان يكون اقرب للحقيقة
و عادي لو الفترة طالت لانو هذا زواج مو لعب
* إلى أي مدى تصل أسئلتكم ؟ و كم تكتفون بعدد الاشخاص الذين تسألونهم ؟
عادي يمكن توصل لاشياء دقيقة لاني زي ما قلت هذا زواج و ما راح اكتفي بعدد معين اسأل في كل مكن عنو الين القى جواب لكل الاشياء اللي ابغى اعرف عنها
* ما هي الفترة الكافيه للسؤال عن الخاطب ( هل مدة شهر كافيه ؟ )
لا ما تكفي لانو على حسب الاسئلة في اسئلة تلاقي لها جواب بسرعة و فيه اسئلة تاخذ فترة يبغى لها تدقيق فلافضل تكون فترة اكثر من شهرين و ما يحق لهم يزعلوا ابدا
* هل تؤيدون متابعة الخاطب شخصيا لملاحظة مواظبته على الصلاة في المسجد ؟[/SIZE
عادي ما فيها شي لانو البعض منهم وقت الخطبة يدعي الصلاح الين يتم الموضوع و يرجع لوضعو الطبيعي فالافضل واحد من اقارب البنت يتاكد من هذا الموضوع بدون ما يلاحظ الشاب
* كثر الطلاق بسبب العوامل الشخصية و النفسية لدى الرجل ف كثير ما سمعنا عن كونهم اكتشفوا بعد الزواج انه مريض نفسيا !! ف بمثل هذه الحالات الحرجة كيف لأهل الفتاة معرفة الحالة النفسية للخاطب و وضعه الصحي !! أيضا شخصيته و مدى انفعاليته و حدتها؟
هذي تدرين ايش حلها انو يكون لها كشف مثل كشف الامراض الوراثية
* الشذوذ الجنسي و ما أدراكم ما هو ! للأسف انتشر في زمننا هذا بشكل مريع !! و هذا أيضا من الأمور الدقيقه الحرجة التي كيف لأهل الفتاة معرفتها عن الخاطب !!
هذي احس ما ينفع يعرف عنها الا اخوان الفتاة بحكم انو الشباب يعرفوا بعض و اكيد من خلال جلوسهم مع بعض يقدروا يميزوا و يعرفوا الشاذ من الطبيعي
لانو هذا الشي مرة اخواني تكلموا فيه مع امي و قالوا لها انهم يعرفوا يفرقوا بين الطبيعي و الشاذ
* كيف لكم عدم جعل الامر يكون كأنه تحقيق أو استجواب ! لأن هناك تفاصيل دقيقه قد يسأل عنها ؟
اساسا الشاب ما راح يخطب الا و اكيد مهيئ نفسو انو راح يكون في استجواب و تحقيق من اهل البنت
* هل دقة السؤال من أهل الفتاة قد يؤدي لصرف نظر الخاطب ؟ أم من حقهم ذلك فهو قرار مصيري لمدى الحياة !
من حقهم يسألوا اللي يبغوه لانو هذا زواج مو لعب
و المفروض الشاب ما يزعل لانو اهل البنت ما يبغوا يزوجوا بنتهم لاي كان
مثل ما هوا يدور على بنت صالحة حتى البنت من حقها انها ما تقبل الا بالشاب الصالح
* ما هي وجهة نظركم حول ما انتشر حاليا و بكثره كون النظرة تكون للخاطب فقط , فلا الأهل و لا غيرهم ينظرون للفتاة الا بيوم زواجها أو بعدهـ ! ( بحجة أن النساء متطلباتهن كثيرة و نظرة الرجل غير نظرة المرأة ) ؟
انا مع هذا الشي و بقوة لانو هوا اللي راح يعيش معاها
غالبا النساء تكون عندهم غيرة من بعض فيمكن بسبب غيرتها من البنت تطلع فيها عيوب عند ولدها او اخوها و بالتالي يرفض البنت
* أم هل تؤيدون أن تتم النظرة الشرعية من قبل الخاطب أولا و من ثم اذا تمت الموافقه بين الطرفين يستطيع أهل الخاطب القدوم للنظر للمخطوبة ؟
اصلا مين اللي راح يتزوج البنت مو الشاب !!
انا ماني عارفة ليش عند عوايل معينة ما تتم موافقة الشاب الا بعد ما تشوف امو البنت
هوا اللي راح يعيش معاها ماني عارفة ليش تدخل الام و الاخوات او الخالات في موضوع زي هذا
الرجل معروف نظرتو للبنت تختلف عن نظرة المرأة لوحدة زيها عشان كذا فيه شي اباحو الاسلام
اسمو نظرة شرعية
للاسف بعض العوايل تقول لا ما ينفع الرجال يشوف بنتنا قبل الزواج!!
الحمدلله ديننا دين كامل و لو هذا الشي يضر بالبنت ما كان شرع في الاسلام
جزاك الله خير على مناقشة هذا الموضوع