روح القصيـــد @roh_alksyd_3
محررة برونزية
الأستخاره + قلبي ضايق !! سبحان الله الرحيم
السلام عليكم ورحمة الله وبركاته
طبعن موضوعي الاخير في القسم كان ( قلبي ضايق )
وفعلاً كان ضايق بشكل محد فيكم ممكن يتصوره
يمكن موضوع النقل من قاعه إلى قاعه للبعض موضوع بسيط
لكن هو في الواقع مش بسيط وله اهمية كبيره عندي
لأني بجلس في الكليه سنه كامله مع ناس مارتاح لهم وقلبي يضيق بوجودهم
والسنه مو يوم ولا شهر سنه كامله
ف شي يضيق بالصدر اذا حسيتي نفسك في هذا الموقف
وللأسف اسمي كان موجود في القاعه الي فيها 4 بنات ما ارتاح لوجودهم ابد
كلهم معاي
ف طلبت نقل للقاعه الي جنبها
ونسيت الأستخاره نسيان تام
فكرت بعقلي قلت دام الاربعه في قاعه وحده مع بعض مستحيل ينتقلون لانهم اجتمعوا في مكان واحد
والحظ كان معاهم في الاسامي
قلت خلاص يا روح القصيد روحي وطلبي نقل وريحي قلبج من ضيقته
وفعلاً رحت وطلبت نقل
وقلت لصديقتي الي بقاعتي اطلبي نقل معاي
قالت لا المكان الي الله حطني فيه انا بجلس فيه مو مغيره
خلاص دام اسمي موجود ف هالقاعه خير لي هذا الي الله كاتبه
طبعن انا انقهرت منها وقلت كيفج الله كتب لج هالقاعه بس ماحرم عليج التغير
مافيها شي لو فكرنا بعقلنا وانتقلنا للمكان الاريح
وفعلاً سرت وطلبت النقل
والأسبوع كامل ماحضرت فيه شي
ووحطيت موضوع بعالم حواء عشان تدعون لي يقبلون النقل شوفوا كيف كنت اتمنى النقل
لين يوم الخميس اكتشفت
ان الأربع بنات الي في قاعتي وطلبت نقل بسببهم
كلهم الاربعه طلبوا النقل للقاعه الي طالبه النقل فيها
وضاقت الدنيا عليه لان هاشي كان في سابع المستحيلات
النقل يتم بصعوبه والنقل كله عشان كل بنت تكون مع صديقاتها وهم مع بعض مو محتاجين
ف كنت شوي وبجن من الي صار قلت انا طلعت لانهم عندي اشوفهم راحوا نقلوا معاي
وماشي اي مجال اني مانتقل او الغي طلب النقل
لاني بديلة بنت يعني هي بتروح مكاني وانا بسير مكانها
والبنت معتمده عليه ونحن متفقات وقاعتي هي المطلوبه ماشي بنت بتطلع منها
القاعه الثانيه كلها تبا تجي عندنا مافي حد احط مكاني يبدل
والوقت متاخر اخر الاسبوع
ف سكت ورجعت البيت وانا قلبي من الضيق بيموت
لا نوم انامه ولا اكل اكله
تذكرت وقتها الاستخاااره
قلت هذي كل مني لو اني مستخيره كان ماصار لي هالشي
كان الله بيشرح صدري وبجلس في قاعتي
لكن اهمت الاستخاره واعتمدت على عقلي وخاااب
لو معتمد على الله كان ماخبت
فعلاً صليت ركعتين في ثلث الاخير بالليل واستخرت
ووكلت امري لله
اذا وافقوا على النقل ف هو خير لي وان كنت معاهم
وان ماوافقوا وجلست بمكاني بعد خير لي
سبحان الله ثاني يوم بعد رحت محاضره لعبد المحسن الاحمد
وتكلم عن الاستخاره بعد وان العباد فقراء والله وحده الي قادر على كل شي
انا قلت الحمدلله ان صار لي كذا
واني نسيت الاستخاره في موضوع زي النقل
مو موضوع اكبر
لان هذا درس لي طول العمر اني ماوكل نفسي لعقلي ولا قلبي ولا اي مخلوق غير الله
وان الله هو المدبر
والقادر على كل شي
ورحت الدوا اول الاسبوع ماكذب عليكم اني قبل ماطلعقمت ارجع (اتقيء ) من كثر الضيق
بطني يعورني واحس بتعب
لاني اذا اضيق تجيني امرااض من الضيقه
لكن داومت وقلت موكله امري لله
وانا سايره خلاص عارفه ان مصيري انتقل خلاص ماشي امل
دخلت قاعتي الاولى وسلمت على البنات
كلهم صحاباتي شي بنات غير صديقاتي في القاعه الي طالبه نقل فيها
لكن هذي القاعه فيها اكثر صديقاتي
سلمت عليهم وقلت لهم اني طلبت نقل واتوقع اليوم النقل اذا مب اكيد
وسألت سؤال اجابته اعرفها في حد يبغي ينتقل بدالي
طبعن قالوا مستحيل تلقين
قلت ادري وقلت لهم انا متحسره على نفسي اني ماستخرت وهذي نتيجة غلطتي
الحمدلله على كل حال الحمدلله جت في هالموضوع وهذا درس لي
والله
ثم والله
بس رجعت اجلس مكاني
ماشوف الا بنت جايه لين جنبي وتقول انا ابغي انتقل قاعه الي جنبنا مو مرتاحه
انا لا اعرفها ولا هي تعرفني
شو جابها جنبي انا ماعرف
هذي لو اي بنت تسمعها في القاعه غيري بتلقى له 100 بديله مو وحده
شو جابها عندي سبحان الله
من قالت جذي
شليتها ونزلنا بدلت اسمي باسمها عشان البنت المتفق معاها
ورجعت
هذا الله عطاني اياها
هالبنت وهي جايه فوق 4 بنات جوها قالوا نحن بنبدل معاج
والبنت تقول خلاص بدلت
كيف جت عندي الين جنبي وقفت قدامي وتكلمت هذا الكلام شلون
كيف تقولي هي مو مرتاحه وانا ماعرفها ولا تعرفني اول مره في حياتي اشوفها
كيف تجي وتبدل اسمها ب اسمي بسهوله
وكيف الاداره تتقبل تغير الاسامي وماتعترض بعد اسبوع من النقل
هالأشياء في العقل مو معقوله
لان قاعه اسبوع كامل فيها للنقل والبنات خلصوا
والي يبغون ينتقلون 7 اياام يدورون ومالقوا
والي لقى قدم الطلب من اسبوع
وانتهت المده
شو يجيب هالبنت الي ماشفتها في حياتي عندي وتطلب مني طلب انا مانام عشانه وتستعجل بالطلب والاداره توافق
غير رحمة الله
لان ربي عارف الخير لي سهل عليه
ويعلم اني ندمانه اشد الندم اني ماستخرت سهل عليه
سبحان الله
فعلاً سبحاااان الله والحمدلله وحده لا شريك له
ان ربي على كل شي قدير
بنات نصيحه من قلب مجرب
لا تيئسون من رحمة الله
ولا تعتمدون على عقلولكم وقلوبكم والناس
الأعتماد على الله وحده
الأستخارة الأستخاره
بعد ماتستخيرون اعملوا الي بجهدكم والله بييسر لي فيه الخير
الأستخاره اهم شي في حياتنا ولكن نحن تركنا الخير كله يوم تركناها
:)
وهذا الي صار لي
دعواتكم لي بأن الله يرضى عليه
7
620
يلزم عليك تسجيل الدخول أولًا لكتابة تعليق.
بيتي منتزه
•
بورك فيك
الله يسسسسعدك ياشيخه. والله صاااادقة مافيه زي الإستخارة في الكبيرة والصغيرة.الله يسسسسعدك ياشيخه. والله صاااادقة مافيه زي الإستخارة في الكبيرة والصغيرة.
حياااتي انتي مشكوووره فديتج وفعلاً ماافي شي مثل الاستخاره
:)
:)
الصفحة الأخيرة