الأستخاره وقصه ولادتي القيصريه

بسم الله الرحمن الرحيم

السلام عليكم ورحمه الله وبركاته ،،

اليوم اكتب لكم قصه ولادتي وتجربتي مع الولاده القيصريه اكتبها لكم واحفظها للذكرى في هذا المنتدى الجميل

انا بكريه وهاذي اول ولاده لي ،،

طبعا الحمدالله مثل اي بنت فرحت بحملي ولله الحمد
ماكنت متوقعه إني احمل لأن كانت عندي مشاكل صحيه سابقه ،،
طبعا عرفت بخببر حملي في الاسبوع الخامس وتعبت في الوحام إلى الشهر الرابع ونص الخامس
كان وحامي قوي بس توحمت على ورق العنب والليمون ،، طبعا كان من سألني توحمتي ع ايش اقول على الحوامض يقولون ولد وطلع الكلام صح طبعا تابعت حملي شهر بشهر ،، ومعاي صديد البول من الشهر الثاني تعبت منه وماراح الا في الشهر الثامن واهتميت وابتعدت عن المنبهات مااشربها الا وقت ماعندي ضيوف وعرفت بجنس الجنين في الشهر الخامس طبعا كانت معاي تقلصات لااني كنت اشتغل كثير واتعب نفسي بالوقفه والقعده وعطتني الدكتوره مثبت فوداستون فتره جلست عليه وقت مااسافر بطياره وحبوب سكوبينال للتقلصات والمغص جدا ريحتني ،،
جلست لشهر الثامن وجلست عند اهلي تغير علي الجو تعبت من الاحتقان والحراره شهر بس اكل المضاد الايام اللي يحددونها لي فقط وفيفادول دايم اكل منه ،، تابعت في مستشفى اخر ومتابعتي كانت اسبوع بااسبوع ،،
دخلت الشهر التاسع وكنت اتمنى اولد بدري وانا من النوع اللي ينفذ صبره ،، وماقضيت اغراض البيبي الا بالشهر الثامن ،، طبعا ماكنت امشي كثير من تورم رجليني والثقل عندي وزياده الوزن من 55 الى 75 ،، الاسبوع اللي قبل الاخير للولاده قالو لي وزن الجنين ثلاثه ونص وحجم راسه كبير قلت يعني ممكن اولد طبيعي قال لي الاستشاري ممكن بس فيه خطوره عليك بما انك بكريه ولا فيه ناس بتولد بس بيكون عندهم ولادات سابقه ،، قلت ابي قيصري خلاص واتفقنا يكون تنويمي بعد يومين لااني تعديت شهري بيومين و زوجي ماكان معاي كان الوالد معاي وقال لا مانبغى عمليه وحاول يقنعني بالطبيعي وقلت طيب وانا من داخلي ماني حاسه باارتياح رجعت البيت وانا محتاره وابكي ومن كثر التفكير ماجاني نوم يومين :( ،، قلت مالي غير (( الله )) هو اللي يفرج كربتي توضيت واستخرت وبعدها حسيت براحه الحمدالله قلت خلاص انا مقرره اصلح عمليه بما ان الطبيعي فيه خطوره ولو واحد بالميه ،، بعد يوم حسيت بمغص زي الدوره يروح ويجي وماخلاني انام وانا خلاص زهقت قلت بروح المستشفى رحت وشافت حالتي الدكتوره وحاولو اثنين من الدكاتره يقنعوني بالطبيعي قالت لي الدكتوره جربي طبيعي ولو مامشي الحال نولدك قيصري رفضت وقلت انا عارفه نفسي ماراح اساعدكم ابغى قيصري قالو طيب ودخلت غرفه التخدير وطلبت تخدير نصفي لااني كنت ابغى اشوف البيبي حاولو يخدروني نصفي مامشي الحال وخدروني بنج كامل وانصح اي وحده اذا بتصلح عمليه تطلب تخدير كامل لاان التخدير النصفي سبب لي صداع رهيب والم في الجهه اليسار من كتفي ،، وبعد ساعتين صحوني وبشروني وفرحت اللهم لك الحمد وكانت من اسعد لحظات عمري لما شفت ولدي ويارب لك الحمد وماخاب من استخار ولاندم من استشار ،،


نصايحي للعمليه القيصريه ،،

1: اذا ناويه تولدين قيصري عادي يصلحون لك العمليه حتى لو مافيك طلق ،، اهم شي تروحين لهم قبل الافرازات والمويه لااني رحت لهم ولا مافيني الا مغص ،،
2: اي شيء تحتارين فيه وتضيعين استخيري الله فيه وبإذنه ماراح تندمين ابد ،،
3: اي الم ماتقدرين تستحملينه لاتسكتين عنه ،، واطلبي بنج كامل النصفي مو زين وبتظطريك كل يوم تاخذين ابره الجلطه في الفخذ كل يوم يوم رجلك يمين ويوم رجلك اليسار
4: اذا فيه فرصه انك تولدين طبيعي وامورك تمام توكلي واولدي طبيعي لاانه تعب يوم وتفتكين بس القيصري ترتاحين اول يوم وتتعبين اسبوع

واتمنى يارب لكل حامل تولد بالسلامه وتفرح بضناها وتنسى الشقى والتعب بشوفته


كانت ولادتي يوم الجمعه 1435/11/3