الأسلوب يفرق .. !!

السلام عليكم
بنات مره كنت بروح انا وخواتي عزيمه وامي كانت رافضه رفض شديد انا نروح بدون سبب كذا ، المهم أنا الكبيره واخواتي حاطات امل علي اني راح اقنعه المهم جلست معه فتره طويله بس بدون فايده وكل شوي تعصب علي تقول لاتخليني أحلف إنكم ماتروحون أي مكان ثاني مو بس العزيمه هذي , انا كنت مصرّه جداً لكن بدون فائده، ورحت لخواتي قلت للأسف ماما رفضت وقالت لاتخليني احلف انكم ماعاد تطلعون ابددد ، وخلاص فقدنا الأمل
المهم كذا بعد وقت قصير جتني اختي قالت امي وافقت قلت تكذبين قالت والله توها عطتني الموافقه قلت شلون قالت رحت جلست عندها بعد ماصلت المغرب وحبيت على راسها وقلت لها يمه تكفين نبي نروح طلبتك يالغاليه ، وقالت روحوا بس كذا

بنات والله أنا مصدومه من نفسي ليش انا ما وافقت معي وافقت مع اختي الصراحه انا كنت اناقشها وصوتي كان عالي مع اني اترجى فيها كنت بس مو بأسلوب أختي وهدؤها

ليش اقولكم القصه لأن أحيانن يكون العيب فيك وانت ماتدري بأسلوبك بطريقتك تخلي الي قدامك يرفض وتصير المشاكل ،،
وبس والله وبعدها تعلمت صرت أجي بهداوه حتى مع زوجي
أبي تعليقكم !!