زي ما استفدت منكم أبغى أفيدكم بالأشياء اللي جربتها
كريم مرطب لبشرة الوجه من كلين آند كلير
ممتاز في البيت بعد ما تنظفين بشرتك .. وقايته من الشمس مو قوية .. يفتح شوووي بس .. ترطيبه ممتاز
مقشر صابوني متحكم باللمعان لبشرة الوجه من كلين آند كلير
ممم كمقشر ما عجبني مره .. يمكن يناسب اللي بشرتهم دهنيه أكثر.. بس صح صح يشيل اللمعان
غسول لحب الشباب من نيتروجينا خال من الزيوت
ما شال الحبوب نهائيا .. يجفف
(كريم) مو غسول لأ .. كريم تنظيف عميق لمسام الوجه من كلين آند كلير
رووعه .. أول شي أغسلي وجهك بصابونة البابايا عادي بعدين وزعيه على الوجه و العنق ودلكيه زين بعدين مرري الليفه المغربية الناعمة على وجهك رح تحسين بحراره مثل معجون الأسنان بس شوفي كيف النظافة والنعومة والوجه المنور بعد ما تغسليه أحسن شي جربته لتنظيف البشره
فيزبلي كلير غسول وقناع يومي للوجه من نيتروجينا
بصراحه ولا كأنك مسويه شي
الأصفر اللي ع اليسار .. مرطب للوجه من كلينيك
ممممممممتاز جدا جدا أروع مرطب شفته أحطه قبل الاساس يصير ولا كأنك حاطه أساس بصراحه وبدون مبالغة يجننننننن بس عيبه سعره غالي شوي بالنسبة لكريم مرطب
شامبو لوريال مغذي
اتخيله مناسب لجميع انواع الشعر ويخلي الشعر نظيف و لين مو يابس وجاف و ريحته حلوه وفعلا مغذي
لوشن برائحة الكب كيك للجسم
هاذا أحللللللللى مرطب ( ما يدبق ، حتى لو ما تتروشين اليوم الثاني ما يروح تأثيره ، يعطي لمعه بس بدون مايدبق ، قوامه كأنه كريمة كب كيك ودك تاكلينه ، ريحته واااااااااااو تدوووخ زي ريحة الكب كيك على حلاوه ) ناويه حتى اذا خلص بشتري منه مره ثانيه و الأحلى انه صناعه u.s.a سعره رخيص تلقوه بسنتر بوينت و بأسواق التميمي.
صابونة البابايا المعروفة للوجه
تمااااااام أحلى صابونة جربتها أحسن من الكركم بكثير .. وترا يا بنات ما تفتح بس تنظظظظف مررره ومع الوقت تشيل حب الشباب بس عيبها تنشف لازم بعدها كريم
اسكينول البابايا الأخضر .. كحول معقمة للبشرة
ساعدني مع صابونة البابايا في التخلص من حب الشباب .. ضروري للتعقيم
كويس جدا لما تتروشي وما تبغي تستشوري و تبين تجعيد مرتب ولين استخدميه بدل الجل و الرغوه الضارين بالشعر .. طريقة الاستخدام : وشعرك رطب و مفكك من التشابك حطي منه بيدك وادهنيه على شعرك و لفلفي فيه بشكل عشوائي
الليفة المغربية .. مزيلة للخلايا الميتة بشكل فوري و رح تشوفينها تطلع معاك
ما يحتاج تسوين حمام مغربي كامل عشان تستخدميها .. يكفي مويه دافيه تجلسين تحتها 10 دقايق و بعدها أفركي بالليفة وهي رطبه بشكل دائري ورح تشوفين الخلايا تطلع معاك
لايف بوي .. شاور جل للجسم مضاد للبكتيريا
بالنسبة لي أفضل من ديتول لأنه يروح بالماي بسرعه .. و من رأيي أنه لازم نستخدم شاور جل مضاد للبكتيريا أفضل من اللي مهمتها التعطير بس
فازلين بزبدة الكاكاو .. لوشن مرطب للجسم
حلو .. لطيف .. خفيف .. ريحته حليوه .. تمتصه البشرة بسرعه
فاتيكا .. حمام زيت للشعر
حلووو يرطب ويلين الشعر ويغذيه بشكل عجيب و فيه قطع زي العسل .. تحسيه طبيعي
نفس اللي فوق
أخف من اللي فوقه شوي
الغامق اللي ع اليمين شامبو و الثاني كونديشينر من ذا بودي شوب
الشامبو ما ينظف و الكونديشينر بعد ما تغسليه و لا كأنك كنتي حاطه شي
ذا بودي شوب .. كريم للشعر بالجوز البرازيلي
يخلي الشعر كأنه أسلاك
وبث اذا تذكرت شي بقول لكم