الأصلي من التقليد تكفون اللي تعرف تقول؟

السلام عليكم ورحمة الله وبركاته

أهلين بخواتي وحبيباتي بنات حواء

أنا أحب قسمكم هذا مدري ليش قريب مني

وعشان كذا ودي أطرح موضوع لا حظت على كثر ما أدخل النت ما شفته

تعرفون كل وحدة منا في الأغلب هي اللي تشتري متطلبات البيت من أكل ومنظفات وملابس وغيره لكن تتفاجئين

عند وصولك البيت بأن المنتج اللي أخذتيه مهوب الأصلي يعني تقليد.. و أنتي ما فرقتيه عن الأصلي نهائيا
( هذي شطارة تجار التقليد و يا كثرهم )

وتنصدمين وتروح فلوسك خسارة .... وتقولين وشلون أفرق بين التقليد والأصلي

لذا خلونا نتعاون هنا وكل وحدة تعرف منتج معين وتقدر تفرق بين الأصلي والتقليد منه تقولنا و إذا حصل صورة ياليت

يعني مثلا: شامبو الشعر الأحمر القديم الأصلي حق الشعلان أكيد تعرفونه ... عليه صورة حرمة رافعة رأسها والتقليد

لا صورة الحرمة عادية .... وهكذا

يالله خلونا نكشف راعين التقليد .... وروني شطارتكم في المكافحة ... و عشان حفظ فلوسنا بعد

و اللي ما تعرف ترفع الموضوع للفائدة