ملك ناصر @mlk_nasr

عضوة

الأطفال بعد الطلاق

السلام عليكم

اخواتي بعد الله مالي غيركم .. أقسم بالله تعبت من حياتي وانا يوميا اعيش مشاكل وهموم تعبت تعبت من كل شي حواليي.... أشعر أن الحياة أغلقت أبوابها في وجهي ... كل ذنبي في الحياة أني تزوجت شخص لا تستطيع أي كلمة وصفه وحسبي الله ونعم الوكيل.. انا بسببه اعاني انا وأولادي ..
لأننا بعد الطلاق نعيش هنا في بيت اهلي الكل يتضايق مننا مع اني انا اللي اصرف وانا اللي أجيب وانا اللي اعمل لكن.. أي حركة محسوبة علينا.. يعني لو واحد من اولادي عطس أواجه هجوم من امي وابوي وأختي اني انا غير قادرة على تحمل المسؤولية والأفضل يروحوا بيت ابوهم
ليل ونهار بتفششو فيا وباولادي ولو واحد منهم عمل أي شي يعني مثل ما يعمل أي طفل بالعالم.. يصيرو يصرخو كلهم كلهم .. ويصير ابوي يهدد انه بيطلع من الدار ويتركها بسبب اولادي لأنهم يشاغبون ولا يقدر يرتاح بسببهم
امي تصير تصرخ وتصيح وكل الجيران يسممعو صوتها. .. ولو ولد منهم وقع تصير تغلط وتدعي عليي لانها تعتبر اني انا اهملتهم. .. طيب يا أهل الله مو كل الولاد بيوقعو وبيتعرضو لحوادث أشكال ألوان ولا بس اولادي؟!
ليه الكل مل وزهق .. الكل بيحملنا جميلة .وين اروح فيهم ؟! ما حد يقولي استاجري بيت وعيشي معهم
انا مو قدرتي افتح بيت لوحدي وابوهم ما بدفع النفقة
الحياة عنا غالية جدا والقضاء غير عادل ابدا اشتكيت عليه كثير وما كنت الاقي نتيجة ... كل 7 اشهر بيدفع مبلغ قليل انا أخجل أذكره هووون
انا أحيانا أفكر اخلص من كل المشاكل واعطيهم لابوهم واشوفهم بالويكند
بس ما يهون عليي.. انا مو قادرة اخد قرار
صرت اكره امي وأبوي وكل اهلي من ورا هالموضوع
يا جماعة لو ولد منهم بكى متل كل الأولاد اللي بيبكوا. . يصير والدي يصرخ ويدعي ويقول بدي اطلع من هالدار
طيب انا والله مو قادرة افتح بيت لوحدي ما اقدر ما اقدرررر
بمجتمعنا صار الرجل والمرأة يشتغلوا لحتى يقدروا يعيشوا ويعيشوا ولادهم
استحلفكم بالله ان تشيروا عليي والله قرفت من دعاء امي عليي ليل نهار
ارجوكم اعطوني ارائكم كيف اتصرف

يلزم عليك تسجيل الدخول أولًا لكتابة تعليق.

تسجيل دخول

Vous Jamais • 7 سنوات

لا اله الا انت سبحانك اني كنت من الظالمين
ولا حول ولا قوة الا بالله صعبه جدآآ قسوة الاهل على بناتهم وكانهم اجرموا بطلاقهم طيب ياختي خصصي لك غرفه بنفس البيت ولا تخلى اولادك يطلعوا منها يلعبوا ويجلسوا فيها وحاولى تهديهم عشان ماتصير مشاكل مع انه صعب لانهم اطفال وطالما انت اللي شايله حملهم ليش اهلك زعلانين ؟ اسال الله العلي القدير ان ينصرك على الظالم ابوهم حسبنا الله ونعم الوكيل في بعض الرجال بيعملوا كدا عشان تنجبر الوحده وترجع له ذليله مكسورة ويكمل عليها ظلم وقسوة واذيه يارب وحق هاليوم الفضيل انك تجبر بخاطرها وتفتح لها ابواب الخير وتستجيب لدعائي ودعاء كل من يدعو لها بالخير وترفع عنها هالظلم والقهر وتريح قلبها وتطمن بالها وتعوضها كل خير يارب امين يارب العالمين .. ما املك لك غير الدعاء ياقلبي وراح تفرج بإذن الله ودائمآآ رددي الايه الكريمه " ومن يتقى الله يجعل له مخرجا .. ويرزقه من حيث لا يحتسب .. ومن يتوكل على الله فهو حسبه .. ان الله بالغ امره قد جعل لكل شي قدرآ " صدق الله العظيم .. مع الاستغفار والعبادة ولا تحاولى تجادلي اهلك ولا تنسي كبار بالسن ربي يهديهم ويعطيهم الصحه والعافيه ورددي " رب اني مغلوب فـ انتصر " ولك من الدعاء بالفرج ولا تنسيني من دعواتك وتصدقي ولو بالقليل راح تنحل امورك بقدرة قادر .. موفقه ياعيني

Nadine Abdulaziz • 7 سنوات

لا حول ولا قوة إلا بالله العلي العظيم
صعبة إذا كان أبوهم إنسان عاطل وغير سوي
إنتي الكبيرة ماقدرتي تتحمليه كيف هنن رح يتحملوه
إلا إذا كان منيح معهم وبيحبهم ورح يكونوا مرتاحين وبأمان عنده اعطيه إياهم
الله يعينك ويحمل معك
ويفرجها عليكي ويسخر لك أهلك
ويكتبلك ولأولادك الخير

ملك ناصر • 7 سنوات

ابوهم يحبهم جدااا لكن هو متزوج وحدة ما تعرف الله اصلا هي سبب كل الي احنا فيه .. حطته تحت الأمر الواقع لأجل يتزوجها. . هو كان على علاقة معها قبل ما يتزوجها واتورط معاها واضطر يتزوجها .. وهو الآن لسة بيعيش معها .. والأولاد بس يرجعو من عند ابوهم بعدالزيارة بيقولوا أنها صرخت فيهم وضربتهم

قمر😍 • 7 سنوات

انا بحكيلك ليش اهلك هيك بصرخو عليكي لما يصير، فيهم اشي
لانو اذا مرضو او ولد، فيهم لاسمح الله، صار في، اشي جوزك بحط الحق عليكي وزي نابتحكي هاد مابخاف الله
بروح بشكي عليكي وبيسحبو الحضانه منك ومابتقدري تشوفي ولادك الا ساعات معينه ومش بعيده يروح يحبسك تصيري خريجه سجون من ورا اهلك مو كره فيكي ولا كره في ولادك بس همه بيعملو هيك خايفين عليكي خايفين يصير فيكي اشي من ورا ولانو كمان راح تربي ولادك وتتعبي عليهم وهو ع البارد المستريح بروح ياخده بس يصير عمر البنت 13سنه ابوها بيجي وبياخدها عندو وانتي بس بتشوفيهم ايام العطل ولولد ع سن 18 هو بيختار و يين يعيش
اهلك مابعملو هيك كره فيكي ولا كره في ولادك لما كنتي متزوجه وتيجي عليهم ماظنيت نفس المعامله كانو يعاملوكي صح ولا غلط كل هاد خوف عليكي انتي اهلك بحبوكي

منيـــرة • 7 سنوات

مالج خيارات ثانية يا تتحملين اهلج يا تتحملين توفرين سكن خاص .. حاولي تشتغلين فالبيت غير الوظيفة يعني تبيعين ملابس اكل شي بيساعدج وايد فالربح .. ومو لازم تسكنين فمكان كبير يكفون غرفتين او حتى غرفة وحدة بيكون اريح لج من بيت اهلج دام يعاملونج بهالطريقة .. ولو في مجال حد يساعدج فالدفع طلبي منهم او كلمي اللي بتستاجرين منهم عن حالتج يمكن يخففون لج المبلغ