متى تكبر بنتي ويصير عمرها 4 شهور عشان أبدأ أأكلها

بعد ثلاث شهور يا لك روحي :D
وترا كل مرحله لها طعمها وذكرياتها :)

..

.

مرحبا

كيفكم كلكم من غير عدد مشاء الله

بالنسبة لي .. مثلكم .. ولدي توه داخل الشهر الرابع الله يحفظه

ونفسي اأكله بس قالولي شربيه عصير .. وذوقيه بأصبعك الزبادي والمهلبيه

وأي شي رايب مثل المهلبيه .. تذويق بس لين يكمل الأربع أشهر

ويمص أصبعه .. هذا اكتشفته من نهاية الشهر الثالث .. بس عرفت له زين

أنه كل ما مص صبعه يعني جوعان ويبي حليبه ..

أنا أرضعه صناعي .. عشان عندي شكلة بالحلمة وقله الحليب

بس عطيته في الأربيعين .. وما كان يكفيه .

مشاء الله يتحرك كثير ويتلفت .. وعودته السباحه والرضاعه بعدها .. وينام

ومهما نام بسم الله عليه بالنهار .. إلا أنه يريحني بالليل بعد الساعه وحده خلاص

ينام وعليها للفجر ..

قريت لبعضكم .. ما يشربه مويه ليه ,,؟؟

أنا أشربه بكميات قليله وبعد الرضاعه بربع ساعه أو نص ساعه ..

وبالنسبة للسكر النبات .. ما أعطيه دايم يمكن كل 3 أو 4 أيام وصرت أقلل منه

وأعتمد على الشاي للأطفال و الماي غريب لبطنه واليانسون

وبعد التمر مذوب بالماي زين للطفل يقوي عظامه ويريح بطنه على قولة ماما ..

عندي أستفسار .. أنا أغسل ثيابه بصابون ( بيجون ) المطحون ,,

فيه ناس قالولي أغسليها بالمبشور أفضل .. مع انه ما اشوف على جسمه شي

يقلقني ولله الحمد .. وأضيف منعم للثيابه .. بس إذا تستعملون نوع افضل قولولي

شكلي طولتها وهي قصيره ههههههههه

تحيتي وحبي لكم ,,

رجــــ أم ثامر ـــــاوي

مجتمعين من وراي وأنا ماأدري ، زين لحقت عليكم ،
المهم أعمار توأمي أربع شهور ونص ،
تعبانه معاهم كثير لايمكن يناموا قبل الفجر ،
وما يبغوني أتركهم لوحدهم لازم معاهم على طول
وما بعد انقلبوا لحد الآن بس يغاغوا ويبتسموا ،
بديت أأكلهم زبادي الأطفال ،
وصايرين يبكون إذا شافوا أحد غريب .

صباح الخير للجميع

انابنوتتي الآن ثلاث شهور ونص

تحب تحط يدها في فمها

لكني وراها وراها بها اللقفاز أخاف تتعود وبكرة تمشي مع الأطفال وأصباعها في فمها ههههه

ولأنها تستفرغ مو مكفيه ودها تدخل يدها كلها وأنا اتبهذل الآقيها تستفرغ


الى الآن ماأنقلبت

تحب التلفاز لكن أحاول ماأخليها تتفرج حتى عيونها ماتروح

والله ذكرتوني بالمويه مقصرة معاها بالموية

عودتها بعد الفجر أحممها وتناااااااااااام لكن أحيان ماتنام الا شوي وبعدها تكمل مشوار السهر


أعطيها سيرلاك مع الحليب حتى تكف عن الإستفراغ والحمد لله فادة هذي الطريقة يجعله دوم

والاحظ برازها صاير أخضر

وسلامتكم