الأعشاب الملينه والمنحفه_ ماذا تتوقعون فعلت بإمرأه متزوجه تطمح وتحلم بالرشاقه .

السلام عليكم
مرحبا خواتي وحبيباتي بنات حواء
طبعا أنا في البدايه خفت أكتب الموضوع لكن لأني أتألم كل مأاسمع موضوع المرأه هذي اللي كانت تحلم بالرشاقه وبسبب هذي الأعشاب وبالأخص الأعشاب اللي تسبب الإسهال كرمكم الله أو الملينه .. فعساس جذا أنا قلت لازم أكتب الموضوع لأن معظم الأخوات يسعون وراء هذي الأعشاب الملينه وطبعا أنا منهم اللي من يومين كنت أستخدمهم لكن من سمعت الخبر رميت العلبه في القمامه كرمكم الله وكرم الله السامعين
المهم نبدأ
بسم الله الرحمن الرحيم
خواتي المرأه هذي مش كبيره بالسن ومتزوجه طبعا وعندها عيال لكن عندها طموح وطموحها شي واحد بس إنها تصير رشيقه وضعيفه هذي الإنسانه ماخلت أدويه ماإستعملتها ومستحضرات وكريمات تخسيس لكن في لجأت إلى الأعشاب الملينه والمنحفه اللي أول ماتشربين منها على طول كرمكم الله إلى الحمام
طبعا إستمرت هذي المرأه على الأعشاب لمدة سنتين وبعد هذي السنه
:(
الفاجعه الكبرى
والصدمه اللي ماكانت تتوقعها هذي المرأه من كثر إستخدامها الأعشاب الملينه
طلعت المرأه مصابه بمرض السرطان والعياذ بالله بعيد الشر عنكم
سرطان في المعده من كثر إستخدام الأعشاب سببت الأعشاب على كشط جدار المعده مع الفتره المستخدمه ألا وهي السنتين
وماأقول إلا لاحول ولا قوة إلا بالله العلي العظيم
والحين المرأه بالخارج والله يشفيها ياربي
بس بغيت أقولكم شي لازم تاخذون حذركم ولازم تقتنعون بالوزن اللي إنتوا فيه صدقوني يابنات أهم شي صحة الإنسان كم تسوى الصحه والحمد لله على كل حال
تبغين تنحفين مارسي الرياضه قللي من أكلج لكن لاتجازفين مثل ماجازفت هذي المرأه
الله يكون في عونها
يابنات إدعولها بالشفاء وإن شاء الله تستجاب دعواتنا يارب وتشفي هذي المرأه
وحبيت أبري ذمتي وأقولكم لأنكم خواتي ومثل ماأخاف على نفسي بعد أخاف عليكم
والله يبعد عنكم الأمراض ياربي
ويساعدكم على تخفيف أوزانكم
والسلام عليكم
:(