الأقربون اولى دائما .. حتى بالجروح :)

اممم بصراحه ماعرف من فين ابدا بمشكلتي
الي احيانا استحي حتى اقول عنها مشكله

اول شي انا انسانه احب الاسره جدن
والله يشهد ان اهلي اهم شي عندي
حتى مستعده اترك قعدت صديقاتي بس عشان اهلي
ودائما اتمنى انو لما اتزوج يكونون بناتي حنونات وتكون
عندي عائله كبيره

انا الحمدالله اجتماعيه ولي صديقات من كل المراحل
صديقات الطفوله والثانوي والجامعه الحمدالله

بس مشكلتي جوى البيت

انا عندي اختين وكنت اتمنى يكونون قراب مني
على الأقل الي بيني وبينها سنتين !

انا الاخت الوسط
لكن للأسف
اختي الكبيره تزعل مني على اتفه سبب ومستعده تقعد بالشهوور ماتكلمني
والله انو مره قعدت قرابت السنه ما تكلمني على اسباب تافهه تحصل بين اي اختين
والمشكله انها تعاملني بس انا بهالأسلوب
مع انوو والله يابنات انا حنونه وعاااطفيه لأبعد درجه دمعتي دايم على طرف
حتى صديقاتي يسموني ام دميعه
والله يابنات انو كل صديقاتي لما يجون يشكون لي يقولون مافي احن من قلبك

ااختي الكبيره هذي كنت مستعده اعطيها الدنيا كلها
حتى مره جت شكتلي فموضوع جلست ابكي ووساعدتها بكل ما اقدر
من نصايح وكلام يرضيها ويرفع معنوياتها
بس كان الحل صعب وبأيد ربنا بس
فكنت ابكي انو هي جت شكتني وانا زي العاجزه ما اقدر اساعدها
ورحت زواج وتفكيري كلو معاها

اذا طلبت شي ما اقصر معها اذا احد تكلم عنها سكتو
ما ارضى عليها
حتى ممكن استغني لشي عني واعطيها اياه

بس ماقدر اخذ راحتي معاها لأنو على اتفه سبب ممكن تطقها زعله مني بالشهور

والحين قعدنا فتره ماحصل بينا مشاكل
بس قبل 3 اسابيع كذا طلبت منها ومن امي شي يجيبونه من السوق
ومارضت هي وعصبت انا انو انا ماقد قصرت معاها وعلى هالشي زعلت !
ولليومكم ماتكلمني

بالله هذا سبب منطقي !
وهي مع اختي الصغيره هواشهم يوصل للسب مع كذا يرجعون يكلمون بعض

كذلك اخوي الكبير صارله اكثر من 6 ل7 شهور مايكلمني
عشان مره رجعني من الجامعه وكنت تعبااانه مره كانت علي الدوره وداومنا مرره طويل
من الساعه 8 الصباح لين 4 العصر ياجماعه وانا فيني الدوره والنفسيه دمار
فأول ماوصلنا البيت ودخل السياره القراج فتحت الباب خلاص ماني طايقه نفسي ماصدقت
اوصل البيت قام صررخ علي ليه تفتحين الباب والسياره تمشي
طيب خلاص احنا وصلنا اصلن !
قلتلو ان تعبانه طيب وابغى انزل
ونزل قال لأمي بنت قليلة ادب وليومكم هذا برضو مقاطعني


نجي لأختي الصغيره !
هذي الاخت طايشه شوي اي مشكله تصيرلها حتى لو كنا متهاوشين
احط المشكله بوجهي انا !
واطلعها من اي مشكله زي الشعره من العجين
اذا اشتريت شي اخذ لها
وقبل كذا اسبوع فصلت لها عبايه غاليه جدن من فلوس انا مجمعتها ليا
بس عشان تعجبها لأنو ماعندها عبايه جديده من زماااان ماشرت
وشفت شيلتها انقطعت اعطيتها شيلتي

لاب توبي تاخذو متى ماتبغى بدون استئذان
جوالي تحت امرها

مع كذا تتعمد تهيني قدام بنات خالاتي
وماتحب اقعد مع بنات خالاتي تحب تكون هي بس القريبه منهم
حتى انا صرت اكره خالاتي بسببها
مع انو وررربي ماني حول الانطوائيه واني احب الناس لأبعد درجه
وان عندي صديقات قريبات مني كثييير
وحتى احن على امي تتعرف عالجيران

بس كرهت بنات خالاتي بسبب اختي ولا انا احب جمعت الاهل لأبعد درجه
لكن لما اسافر واقعد مع بنات خالاتي تسوي حركات الا تلفت الانتباه لها
لدرجة مره تويقحت علي قدام بنت خالتي وصرخت
مع اني ماسويت لها شي حتى اغراضي كلها اعطيها اياها ما ابخل عليها بشي عندي

ضيعت روجي ما قلت لها شي ضيعت مناكيري سكت
تلبس فساتيني جزمي

يعني اختي ماببخل عليها بشي بس ليه تعاملني كذا
تروح تنادي بنات خالاتي وتسفطني

تحب تبين انو انا ما احبهم ولا احب قعدتهم
مع اني افرح اذا قعدت اسولف وانا من النوع المزوحي
والي احب السوالف والضحك حتى لما اقعد معاهم اطقها سوالف 24 ساعه

لدرجة اكتشفت انو اذا قالو لها سالفه تقول لا تقولون لنورا الي هي انا
كذا مره بنت عمي تقولي سالف بس تقول امانه لا تقولين لديمه اني قلت لك
هي وصتني ما اقول لك
تقول انا اعلم واخرب عليهم

مع ان هالصفه ابعد مايكون عني
انا انقهر اقول ليه تسوي معاي كذا ؟ بأيش اذيتها ؟

قدام صديقاتي وامهات صديقاتي مرحه اسولف وارقص واضحك
بس قدام خالاتي ثقتي بنفسي مهزوزه بسببها :)
ماقدر اسوي شي بس اقعد اتفرج وابتسم :)


حتى مع الجارات او صديقاتي احب الاطفال بدرجه جنونيه
واختي الصغيره يوم شافتني اعشق الاطفال
قامت قدام خالاتي وبنات خالاتي تسوي انو هي عشقها الاطفال
وهي اصلا ماتتحملهم !
بس عشان تبين انو هي السنعه
فجت بنت خالتي ومعاها ولدها
الصغيره ابغى امسكو والعبو ماخلتني اول ما اشيلو
اتركي !! ازعجتيه !! ضايقتيه !خلاص ابعدي عنوو
دائما لما اشيلو تسحبو مني وتلعبو
وقدام امو تأكلو تقولها امو شكرن ياديمه تقول اصلا انا اعشق الاطفال
انا اقول من متى !!

الاطفال يحبوني مرره حتى لما اجي امسكهم والعبهم يجلسون معاي
فتقولي عمتي دايم انتي اذا جوك اطفال بتكونين احن ام
انا اختي كانت زيك تعشق قعدت الاطفال ولما تزوجت وجابت عيال
صارت تخاف عليهم من الهوى

تمووت تشوفني قاعده لحالي وهي معاهم

حتى تناديهم بالأسم وانا لا

طيب انا وشو انا اختك !

والله اني اشكي لكم وانا مستحيه
طبعا اختي الصغيره فيها وقاحه وعلى بالها طولت اللسان وعدم الاحترام
يعني قوه وشخصيه جذابه
اذا طلبت منها شي بحكم اني اختها الكبيره ردت علي
او سفطتني وما ترد علي
تتعمد تهيني اذا كلمتها بشي تعطيني نظرات غريبه

بس اختي الكبيره دائما تهزأها ماتخيلها تمسك اغراضها
والله ان اختي الكبيره تتمنذل معاها بشكل وساعات تفضحها لا
سوت مشكله

مع كذا تحترمها وتموت اذا زعلت منها وكل شي الا اختي الكبيره تزعل

ليه لازم اكون وقحه وقايسه عشان يحبوني ؟

مره يابنات حصلي موقف للحين ما انساه مع ليلى اختي الكبيره
كنا بالسوق وكان لي صديقه من الطفوله لنا قرابت ست سنوات ماشفنا بعض
لما شفتها طررت من الفرحه كانت اقرب صديقه لي
المهم انو اختي ليلى طلعت فوق المطاعم
وانا نزلت اودي صديقتي عند اهلها لانها ماتعرف هالسوق وتخاف تضيع

فدقت اختي قالتلي اطلعي فووق عند المطاعم
انا احسبها تبغاني اطلع اطلب لها
قلتلها طيب بودي صديقتي وبجيك على طول
وانا اودي صديقتي رجعت دقت تصرخ تقولي اطلعي فوق
انا ماقدرت اقولها لا
قلت لصديقتي روحي لحالك اختي معصبه

تدرون يابنات وانا رايحه فنيتي ان اختي تبغاني اطلع اطلب لها
واقول فقلبي وش عندها ليلى بتطلعني لين فوق عشان اطلب لها
وهي اصلا عند المطاعم

يوم طلعت اثاريها تبغاني اجيب لها اكياسها من محل لانو بيقفل

وزعلت ورجعت لأمي قالت بنتك وقحه ومصلحجيه يوم شافت صديقتها نست اختها
طيب انا على نيتي
وربي تركت البنت وجيت رككض بس عشان اطلبلك هذي جزاتي يعني ؟

والمشكله مارضت تسمعني ولا رضت تفففهم انو انا ماغلطت والي صار سوء فهم وطقتها زعله

عاد انا من النوع الي مايتحمل
رحت اشتريت لها هديه شغلات كثير
وكتبت لها ثلاث اوراق اعتذار ورضت

وكذا دائما اضطر بالنهايه اعتذر عشان ما اخسرهم

مع ان ووربي ما قد غلطت غلط كبيير كلها مشاكل تحصل بين اي اختين
ماقد توقيحت ولا قد تصرفت بخبث

بالعكس على نيتي لأبعد درجه

والحين اليوم هي ماتكلمني وكان تدور لجزمتها وانتو بكرامه
قلت لأمي انا شفت جزمتها تحت
طلعت خدامتنا حاطه جزمتها بغرفتي

طيب انا وربي ما ادري ان جزمتك بغرفتي
لو ادري كان ماقلت لأمي انو انا شفت جزمتها تحت

نزلت تسب وتقول في ناس ماتعرف تتتكلم مترت البيت ادور على جزمتي
وطلعت فغرفتها وتسب وتسب

انا سكت يعني وش اقول وش ارد ؟
انا ما احب اتسرع واظلم الناس
دائما اخذ الامور بحسن نيه لكن تعبت

خمس اخوان ما اكلم الا اثنين منهم

وانا اشوف الاخوان بينهم وبين بعض يتهاوشون وفنفس الوقت يتراضون

اما انا لازم اعتذر على كل كلمه اقولها
انا بشر ولي اغلاط وساعات اعصب

انا اتحمل اغلاطهم ووقحاتهم ومزاجهم وما احاسبهم
بس انا لازم اكون اله ماتغلط

تعبت اشتري هدايا واكتب رسايل وابرر كل غلط اسويه

وهم يزعلون حتى بدون ادنى سبب

قولو لي وش الحل ؟!

حتى امي لما تشوف وضعي ماتحاول تساعدني تحط اللوم علي

مع اني دائما ادعي نكون عائله سعيده
ودائما احرص اقعد مع اهلي بعكس اخواتي

بس وربي مافي شي يثمر لدرجة صرت افكر اعتزل نفسي بغرفتي ابرك

رجاءا لاحد يقولي اعتذري
انا دست على نفسي بما فيه الكفايه الف مره اعتذر
وهم على اتفه غلط يقاطعوني

مع العلم انو تصير بينهم مششاكل اكبر وهواشات اكبر بس يرجعون يكلمون بعض
فنفس اللحظه

والله يشهد يابنات ان مشكلتي الاولى والاخيره هي ان قلبي طيب وضعيف
ما اقدر اقسى

حتى مره اختي الصغيره نفخت علي وقالتلي بطلي اسلوب الحقاره
هي دائما قدام العالم لازم تبين انو انا الحقيره الخبيثه النفسيه
وهي الطيبه المظلومه

رحت قعدت عند جدي
وكأنه حس فيني والله طالع فيني وقالي انتي حنونه
انا مسكت دمعتي
وقلت بقلبي اصلن هذي مشكلتي الوحيده !

ابي الحل انا تعبت يابنات
ودي يكون لي اخوات زي الخلق والناس
مو اخوات يبغوني ملاك يبغوني بس بحسناتي
اما سيئاتي يحاسبوني عليها بالمقاطعه

لا اختي الكبيره تكلمني ولا الصغيره ولا اخوي :)


بنات صرت اوسوس ساعات واقول ياترى العيب فيني ؟
انا صحيح عصبيه وما احب احد يغلط علي ويأذيني والي بقلبي على لساني
لكن على نيتي وحنونه وطيبه

وما اظن في مخلوق بالدنيا مافيه عيوب

حتى اخواتي ما اقول انهم ماقد ساعدوني لكن اغلاطهم تغطي ومقاطعتهم لي بهالشكل
ضعف ضعف مساعدتهم

حتى لما اجي اقول لاختي الصغيره انا ماقد قصرت معاك بشي
تقول تمنين علي ؟

مره اخذت جوالي لما انسحب جوالها
كانت تاخذو ويقعد معاها طول الليل
وكانت تجي غرفتي تقولي زهقانه واخليها تجلس وتقعد عاللاب توب

لما رجع جوالها واستغنت
صارت تطلعني من غرفتها
لما تشوفني قاعده فغرفتها تقول خير هو احتلال !

طيب ما انا كنت اخليك تدخلين وتطلعين براحتك !

كانت تحلم تشتري كاميرا احترافيه
وكنت اجمع عشان افاجئها واشتري لها
بس اكتشفت انو ما تستاهل ليش اهين نفسي اكثر
وانا ادري انها لا حمدن ولا شكورا :)

الله يشهد اني ماكتبت الا لما وصلت لدرجه عاليه من اليأس

كنت اقول اختي الصغيره بتكبر وبتقرب مني وبتفهم لكن ابد ماهنا احد

اختي الكبيره كنت اقول ماعاد بتقاطعني على ادنى سبب لكن ماهنا احد

اخوي كنت اقول بيرجع يكلمني انا بالاخير اخته لكن ولا هو حولي

وش الحل طيب :) ؟