الأقمشه الجديده يابنات في الأسواق

:icon28: أختي عندك الحرايرهي اللي دارجه هالأيام والشيفونات بجميع الألوان

السلام عليكم اختي الغالية الخامات اللي نازلة الحين هي الحراير والدانتيل والشيفونات بالنسبة للالوان سوي اللون اللي يناسب بشرتج ولا تاخذين من الموضة غير نوع الخامات اللي دارجة الحين وإذا تبين تصيرين مميزة بالعرس لا تفصلين لون دارج الحين سوي لون بعيد عن الوان الموضة لان اغلب اللي بالعرس راح يكونون مفصلين على الوان الموضة فخليكي انتي متميزة في بدلتك وبلونها هذا اقتراح فقط وانتي وراحتك حبيبتي لاني انا سويت بعرس حماي لون مودارج بالموضة وكان لون بدلتي مميز بالعرس وابتعدي عن الشك الثقيل لان صارت موضته قديمة الحين موضة الكرستالات او الشك الناعم كلش الخفيف المنثور بالقطعة وعن فساتين البنات انا فصلت لبنتي فستان من قطعتين تنورة وتوب وكان شكلها بالعرس اسم الله عليها تجنن وكان فستانها مميز بحركته لان اغلب البنوتات بالعرس فساتين كامله بس بدلتها كانت فخمة التنورة نافشة والتوب من الظهر يكون فيه خيوط على شكل ضرب يتسكر التوب فيهم يعني تقدرين توسعي وتضيقي بالتوب وكان يجي شكله على الكتف مثل فستان الحسناء والوحش او سندريلا يعني يلف على الكتف وفيه وردة ناعمة على الجنب وربطة للشعر نفس لون الخامة اللي لافة على الكتف واتمنى اكون افدتج بشي يالغالية وسلامي لج :26:

مثل ماقالوا البنات الأقمشة اللي دارجة الحراير والشيفونات..
والألوان عندك الألوان الفاقعة الأصفر والأخضر والبرتقالي والأحمر ومثل ماقلت الأخت بنت البلد أنا مو شرط انك تتقيدين بالألوان أهم شيء انها تكون تناسبك وتعجبك..
ولاتنسين أدددددددددددددددعيلي ياويلك لو مادعيتيلي....

كلكم يا بنات الله يوفقكم ويسخر ليكم ازواجكم ويرزقكم ان شاء الله
واختي بنت البلد انا مشكوره ومثل ما عهدناكم ياهل الكويت اهل ذوق بس ياريت تنزلين لي صورة فستان بنتك عشان يوضح لي اكثر او ترسمين الموديل وتنزلينه وياريت تذكرين الألوان
وعس الله يوفقك ويخلي لك بنتك آمين يارب

ما قصروا البنات..
تقبلي تحياتي :)