الأكلات المصريه القديمه والجديده

اولا السلام عليكم ورحمة الله وبركاته
ابدأ بعمل السبانخ بالطريقه المصريه القديمة مش الحديثه

اولا اللحمه تكون من الدوش يعنى تكون مش حمراء قوي
وبصل حوالي 2 بصله كبيره تحمر في ملعقة سمن على زيت وبعد ان تحمر البصله نضع حوالين 4 فصوص ثوم مدقوقه طبعا الكميه دي حسب الكميه اللى هاتعمليها
وبعدين نضع شويه كزبره ناشفه مدقوقه حوالي ملعقتين علشان الريحه ونضع اللحم المقطع حسب الكميه اللى ترغبين فيها وتشوح في البصل والثوم والكزبره وبعدين نضع الطماطم المعصوره المصفاة حوالي كيلو تقريبا وبعد ان تسبك جيدا نزيد قليل من الماء ونضع السبانخ وعليها قليل من الشبت المقطع والكزبره الخضراء المقطعه مع السبانخ وتترك على نار هادئه بس لازم تتأكدي بأن اللحمه استوت ولو كانت اللحمه مش متأكده منها تسلق قبل ذلك او قبل ما توضع مع الصلصه تسلق مسبقا
وممكن ان تضيف اليها قليل من حمص الطبيخ حوالي نصف كوب حمص مسلوق لو تحبي وبعدين تعملي لها تقليه توضع على الوجه وهي عباره عن 5 فصوص ثوم مدقوقه ومعها كزبره ناشفه ملعقه كبيره تحمر وتوضع على الوجه بعد ان تستوى السبانخ في الآخر خالص


وبالهنا والشفا

اول اكله اقدمها علشان بحب السبانخ :39: :39: :(