الأكل الصحي

الفطور خبز الشوفان مع بيض وخضروات وعصير ممكن تفطرين بيض مسلوق مع خضروات وخبز صحي او تستغنين عنه

أنا ماافطر بس احيانا اسوي لبنتي كريب بنتي وحيدة الله يحفظها ولازم ادلعها شوي
وهي بعد ماتاكله غير نقطة واصير انا اللي اكله 😁
مكوناته بسيطة .
كوب دقيق + نص كوب حليب+ نص كوب ماء+ رشة ملح+ بيضة+ رشة فانيلا.
تحطينهم كلهم في الخلاط وتدهني الصاج بشوي زيت مرة قليل وبس اول مرة تدهني بعدين ماتحتاجي أهم شيء يكون صاج غير لاصق وتسوي اقراص لين تنضج.
تطويه ع شكل مثلث وممكن تحطي داخله حشوة شوكلاته او زبدة لوتس أنا أفضل دون حشوة عشان سريع سريع واحيانا أحط مركز الذرة خفيف .
وتحطي عليه فواكه أي نوع عندك ..موز فراولة...الخ

واذا مالي خلق وهو الاكثر اكل شابورة يابسة مع شوي جبن واحيانا مع حليب وخلاص.

اسهل شيء بالنسبة لي للغداء رز ابيض مع أي شيء دجاج لحم سمك واحيانا بيض.
وممكن تسوين بطاطس ودجز بدل مقلي .
سباغيتي مع صلصة وعشان تكون لها قيمة غذائية لازم تضيفي معاها بروتينات لحم دجاج قطع.
ممكن شوربة كويكر ..
اشياء واجد بسيطة 🌹

دقيق الشعير او اللوز تخبزينه وتاكليه بالعسل وجنبه سلطه و بيضه طبعا هذا الفطور والغدا رز مع حمسات خضار ودجاج مشوي او سمك او لحم والعشاء مكرونه عضويه بحمسات الخضار كوسه بطاطس طماطم او تخبزين دقيق الشعير مع حمسات خضار طازجه ونوعي 😎

ما هو الفطور الصحي؟ تعرف عليه وعلى أبرز فوائده
https://e3rfaktar.com/?p=1421