السلام عليكم اخواتي كيفكم..
انا بدخل علطول في الموضوع من كثر الالم اللي في قلبي..
احنا باختصار عائلة تتكون من بنتين و ولدين وكلنا الحمدلله متزوجين.. اكبرنا عمره 45 واصغرهم 30 وماشاءالله عندنا اولاد ..
اتربينا في بيت ، اب شديد ، وأم ملااااااك الرحمه عالارض.. حنونه وتعشقنا عشق وتخاف علينا وتعاملنا كاننا اطفال.. وتمووت فينا و تدور رضانا ورضا احفادها( احفادها اكبره 13 سنه).. وربي يابنات تشتري لعيالنا ولنا ولااا تفكر في نفسها...والحمدلله ان شاءالله كنا باررررين فيها وهي كانت تفول انا راااضيه عليكم دنيا واخره..
والوي العكس كان شديد معاها ومعانا .. وكنا ومازلتا نحبه لكن نخاف منه لانه شديد وعصبي.. هو جاف وماعنده مشاعر ولا عاطفه معانا ابدا..
اللي صار ان امي الله يرحمها ربنا ابتلاها بسرطان اكلها اكل حسبي الله عليه من مرض، وربي يجيرنا منه..وطبعا توفت بعد معاناه سنه واغلب هالسنه كانت متنومه في المستشفى وطبعا مايخفى عليكم نفسياتنا كيف واهملنا بيوتنا واولادنا والخ.. والخمدلله على كل حال.. الله قدر واتوفت امي .. وطبعا ماصحينا من الصدمه .. إلا يجينا المحروس ابوي بعد 5 اسابيع فقط ويقول ابغا اتزوج وبسرعه شديده وبإلحاح كأنه مراهق ..
احنا طبعا كنا متوقعين زواجه بس مو بهالسرعه.. والمصيبه انه قال لو مالقى وحده مناسبه هنا ، قال راح اخذ وحده من بره( بعني من دوله عربيه) عشان يقول اقدر أشد عليها واربيها على ايدي مو زي بنت البلد تبغا مهر وتبغا سكن وتبغا سواق وشغاله.. من الاخر هو يبغا وحده ماتفتح فمها وتكون متفرغه له وبس تقول له حاااااضر..
واحنا طبعا رفضنا رفض تاااام فكرة الاجنبيه، خايفين يجيب منها بزران وبعدين نبتلش فيهم وفي بلادهم.. وعندنا حالات كثير زي المآساة هذي..
بنات ،، انا موضوعي هذا للفضفضه اعرف مابيدكن شي..
لكن ابغا اعرف هل احد عنده قصص مشابهه زي كدا ؟ وهل لما اتزوج ابوهم نسى عياله من زوجته الاولى؟
وع فكره فيه نقطه تقهههر.. ان البيت بناه هو وامي شاااركت معاه برواتبها .. ورفض رفض تام انه يكتبه بإسمهم الاثنين.. وامي الله يرحمها كانت على نيتها تقول انا شاركت برواتبي في بناء البيت عشان تسكنو وتنبسطو فيه ماكان يهمني بإسمي او بإسم ابوكم.،. يعني الخلاصه لو لاسمح الله اتزوح وحده ماتخاف الله ،، رح يروح تعب امي وحلالها في البيت لوحده غريبه.. حسبنا الله ونعم الوكيل بس..
ام فطيسان @am_ftysan
محررة
يلزم عليك تسجيل الدخول أولًا لكتابة تعليق.
مكنسه سريعه
•
امك الله يرحمه ويغفر له بس معروف ان الرجال بيتزوج يبي له احد يخدمه يطبخ له ويغسل ملابسه وانتي قلتي انكم متزوجين امك ماتت الله يرحمه ويغفر له بس حتى ابوك بالعكس ماقصر معه اكبر دليل انه ماتزوج عليه وحرق قلبه وصبر على مرضه هو بيتزوج بيتزوج لكن مايحق لكم تهاوشونه وتعاتبونه لان امك ماتت الله يرحمه وهو يحتاج من يساعده ويعاونه شوفي عن العروسه الافضل انتو تدورون له كبيره في عمر امك او ارمله او مطلقه اهم شي لايجيب لكم اجنبيه بكره تاكله اكل وتاخذ فلوسه والبيت قولو له احنا راضين على زواجك بس نبيه حق امنا نتجمع فيه اشتر لك بيت ارفضوو يتزوج فيه انتي ادعي لامك اعرف رجال ماجاء له زوجته سنه تزوج لانه محتاج حرمه وعنده عيال مو متزوجين الحين له سنين مدري عن اخبارهم الله يصبركم اللهم صلي على محمد
والله يا بنت الحلال ابوك من الاول انتي تقولين والوي العكس كان شديد معاها ومعانا .. وكنا ومازلتا نحبه لكن نخاف منه لانه شديد وعصبي.. هو جاف وماعنده مشاعر ولا عاطفه معانا ابدا.. يعني بيتغير اذا تزوج يعني كذا ولا كذا يبي يظل مثلما هو وبخصوص زواجه هو متزوج متزوج ولا راح تقدرون تمنعونه بس ادعوا الله انه الي يتزوجها تكون بنت طيبه وبنت حلال وامسكوا بيوتكم بقدر المستطاع مدام هذا هو الحال
امك الله يجزاها الجنه راحت للي ابرك منا ومنكم
وماعاد تهمها فلوس البيت ولا غيره
بس ابوك ترى له حق يتزوج
وهنا دوركم دوروا له وحده من هنا انتبهوا لا يتزوج من برا
حتى لو كان قاسي معكم مالكم حق تمنعونه او تطالبونه بحق امكم خلوه مافي شي يضيع
دوركم انتم الحين بما انكم كبار وعاقلين تدورون اللي تناسبه ولا تغيره عليكم
ولا تصير صغيره مره
اهم شي بروا في ابوكم
وماعاد تهمها فلوس البيت ولا غيره
بس ابوك ترى له حق يتزوج
وهنا دوركم دوروا له وحده من هنا انتبهوا لا يتزوج من برا
حتى لو كان قاسي معكم مالكم حق تمنعونه او تطالبونه بحق امكم خلوه مافي شي يضيع
دوركم انتم الحين بما انكم كبار وعاقلين تدورون اللي تناسبه ولا تغيره عليكم
ولا تصير صغيره مره
اهم شي بروا في ابوكم
الصفحة الأخيرة