الأماكن التي تستحق الزياره في عاصمه السعوديه(( الرياض))...

حياك الله حبيبتي في الرياض
بس ما قلتيلنا وين بتسكنين لأن الرياض بحر ماشاءالله يعني جنوب ولا شمال ؟؟وكم يوم بتجلسون ؟؟ وأنتي من اي منطقه جايه ؟؟يعني لو جايه من منطقه حارره بيكون الجو بالنسبه لكم باارد ولو انتم جايين من منطقه باارده زي الباحه وأبها ما بيكون باررد زيكم لأن البرد باقي ما أشتدد مررره ,,بالنسبه لملابس البرد إذا تبغين للبيت عندك سيتي ماكس والهرم والشبلي وأسواق طيبه وألعوده ,,وإذا تبغين للخرجات والمناسبات عندك سنتر بوينت وجميع الماركات موجوده عندك في الرياض ومافيه أكثر من أسواق الرياض بس روحي السوق الي يكون قريب من الفندق أريحلك ,,ولا تنسين تأخذين لفه في المملكه والفيصليه ,,ولو حابين تكشتون روحو الثمامه ,الأيام هذي الكشته فيها جنان ,,وبالنسبه للمطاعم عدي وأغلطي بس المفروض نكون عارفين وين بتسكني عشان ندلك على المطاعم القريبه منك لأن الرياض تتوهين فيها من كبرها ,وعندك مطعم الفخار ,السرايا ,مكاني ,القصر الهندي ,ماريز ,النخبه وغيرهااااااا كثيييير ,, وعندك ملاهي البرجون حللللوه كثيييير للأطفال وهي ملاهي نسائيه مغلقه والدخول للفرد بـ35 ريال واللعب مجانا مع الدخول وفيها أكشاك وسوق ومطاعم وكلش ,,ولو ما تبغين ملاهي نسائيه خاصه وحابه زوجك يكون معك روحي الثمامه ,,
إن شاءالله أكون أفدتك ,,وحياك الله حبيبتي .

نسيت أقلك
لا يفوتك منتزه سلام حلللو مره للأطفال والدخول بـ4 ريال للفرد وفيه بحيره وقوارب وقطار وألعاب عاديه على الرمل والعاب كهربائيه والأرض كلهااا خضراء تفتح النفس ,بس انتبهي يوم السبت يكون مغلق للصيانه ,,بس نصيحه لا يفوتك عشان أطفالك يستانسون

فديتك يالنوامه كفيتي ووفيتي عساني منحرم من الطيبين أمثالك انا جايه من منطقه بارده وبسكن شمال الرياض
وينكم يابنات حواء بس النوامه الي عطتني وجه تكفون رحلتي قريب

شمال الرياض
ضرررروري تروحي الرياض قاليري تحفه صراحه بيحره بالوسط وكوفيهات على البحيره
والدور الاخير جهه مطاعم وجهه ملاهي اطفال بالنسبه لي اموت فيه هالمجمع
والمارينا مول بعد حلوه ملاهيهم
امممم وعندك المطاعم كثيره لايفوتك القريه النجديه مره حلوه وحده من الاخوات منزله عنه موضوع
والهرم عندك هرم العليا مره حلوه ويقولون افضل فروع الهرم خلف اسواق طيبه على طريق العليا
اتنمى اكون افدتك

الثمامه فيها منتزهات روعه زي فانتزي لاند وفيها شاليهات وغرف وخيام اختاري الي يناسبكم
منتزه سلام رووووووووعه وخاصه لو دخلتوا من بوابة المرسى خياااااااااال
المولات كلها متشااااااابهه ماعدا الرياض غاليري
وممكن تطلعين البر ج الفيصليه او جسر المشاهده الي بالمملكه تستحق التجربه
روضة خريم خياااااااال لرحله بريه متميزه
حديقة الحيوان بالملز ممتاااااازه