daloo3ahuae @daloo3ahuae

عضوة نشيطة

الأمر عاجل بلييييييييز ردوا

مراحب بنات ،،،

من يومين قام المكيف إللي في غرفة النوم يقطر ماء وينزل على الستارة وعلى الموكيت وتخيلوا الريحة كيف ؟؟؟
بس أبغي أعرف ليش المكيف يقطر ماء ؟
وكيف أتخلص من ريحة الماء على الموكيت ؟
في طريقة أقدر أصلح فيها المكيف بدون لا ألجأ إلى الاختصاصي في هذا المجال ؟
بليييييييييييز ردوا علي يابنات .
وانتوا عارفين أجواء الخليج كيف ؟ يعني دقيقة وحدة ما نقدر نصبر عن المكيف ؟
أخو زوجي قال يمكن الفلتر مب نظيف ، لكني نظفته ورجعت نفس المشكلة ، بعدين قال لي خلي المكيف شغال وافتحي النافذة بهذي الطريقة ما راح يقطر المكيف لكن بدون فايدة ، المكيف رجع يقطر ماء أكثر من قبل .

مع تحياتي
دلوعة الإمارات

يلزم عليك تسجيل الدخول أولًا لكتابة تعليق.

تسجيل دخول

بنت الخفجي • 20 سنة

للريحه لازم تخلين الغرفه مكشوفه وتدخلها الشمس
بعدها سوي بخور وبخري الغرفه على اساس يسحب الريحه

اتمنى اكون افدتك:24:

coconuteey • 20 سنة

المكيف اذا كان الجو رطب طبيعي انه يقطر ماء

فاذا كان ميل المكيف للخارج راح يقطر من الخلف اما اذا كان مائل للداخل فراح يقطر داخل الغرفه

فتأكدي من مكيفك

وانشاالله اكون أفدتك

اسواره • 20 سنة

اختي كانت عندنا نفس المشكله ونظفنا الفلتر وعاد ينقط لكن اذا بتنادي المختص اللي بيصلح راح يحللك المشكله شو صعب يجي؟؟؟؟؟؟؟؟؟؟؟؟؟؟

ام لين القمر • 20 سنة

مالك الا المصلح يصلحه وبعدها نظفيه باستمرار يعني كل اسبوعين مره

daloo3ahuae • 20 سنة

مشكورين يا بنات على ردودكم .
بالنسبة للمكيف أنا نظفت الفلتر ولكن بدون فايدة كان يقطر أكثر وأكثر .
فقمت شغلته على المروحة وفتحت النافذة ، والحمدلله إنحلت المشكلة .
لأن المصلح لو جانا البيت راح ياخذ فلوس على الفاضي .
يعني الواحد بإمكانه إنه يصلح المكيف بدون الإستعانة بالمصلح في بعض الأحيان .
والحمدلله الحين لا في تقطير ولا في ريحة مزعجة .