الأمهات الخبيرات ...ساعدوني الله يفتحها بوجهكم ...تعبت

للكحه ادهني رجله فكس و لبسيه شراب قبل ماينام
واعطيه كل يوم عسل وسبع حبات حبه سوداء

ضروري تودينه يعطونه اكسجين لا ينكتم ، خليه يرتاح وحساسية الصدر اغلب الاطفال يعانون منه يبيله طولة بال في العلاج واغلب الاطفال اذا كبروا تروح الحساسية ،. واعطيه على الريق ملعقة عسل او زيت زيتون والله يشفيه

يا قلبي ولدك مثل أطفالي معااااناه معهم

بس نصحني طبيب لراحتي أشتري جهاز الأكسجين وأستخدمه في البيت أريح من إنه كل شوي

طايره للمستشفى والغثى .....

فيه بالصيدليات الكبيره أنواع من الأجهزه وكلها ممتازه إشتريه وريحي راسك والجهاز صغير وسهل الإستخدام

وكل مايجيه التعب بس تودينه للطبيب حتى يصرف لك المحاليل المناسبه لعمر طفلك

ويخبرك طريقة إستخدامها وطوالي تستخدمينها بالبيت أريح من المستشفى بكثيررررررر

وماعندي خلفيه عن شئ يقوي المناعه وإنتبهي إذا معه كحه تعطينه عسل الطبيب حذرني

من هالشئً لإنه أي شئ حلو يزيد الكحه

من تجربتي عندي ولد عنده ربو من عمر ال40 يوم
اولا تحافظي على نظامه الغذائي يكون صحي
وتأكلينه كيوي فلفل رومي برتقال حصتين الى 3 حصص يوميا
تحممينه دائما بوقت انه ما يتعرض لتكييف المباشر
قللي من شربه للحليب وقت المرض
اول ما يزكم استخدمي الفكس له
وعالجيه بالموكسلين
لو نزل البلغم على الصدر
تستمرين على الفكس والتدليك لايديه ورجليه وظهره وصدره
وتجيبين عسل اصلي تعصرين فيه ليمونه تكوني طبختيها قبل بربع ساعه وتعصريها على العسل مع بصل مقطع صغير تعطينه قبل النوم والصباح
وتستخدمين مذيبات البلغم
لانه مارح يستفيد من الاكسجين والشعب مسدوده بالبلغم وملتهبه
ولما يتعالج من الربو اطلبي من الدكتور يعطيك البخاخ الاورنجي بخاخ الحمايه تستخدمينه مدة شهرين يأخر الازمه اللي بعدها لمدة 6 اشهر الى 8 اشهر
وكذالك جهاز البخار المنزلي لازم تعرفين انه ما يغنيك عن زياره الطبيب لانه فقط مسعف يعني مالك غنى عن انبوبة الاكسجين
انا استخدم الجهاز لولدي واوديه بعد بساعه هو بس يخفف الازمه
حافظي على اكياس المخدات والفراش نظفيه وابعدي عن الملابس الصوفيه والكومفرت يزيد من حساسية الصدر
وفيه لحاف من البوليستر ومكون من ماده ثانيه تمنع الفراش من الاحتفاظ بالكائنات الدقيقه والغبار حلو للاطفال تشترينه من ات روم او من ايكيا
وتلبسينه بشرشف كذا حتى افضل لك من البطانيه واسهل عليك بالتنظيف
وعرضيه للشمس بالعصريه اطلعي من البيت اجلسوا باي مكان مكشوف لان الشمس مفيده
في ايام الشتاء قبل تطلعين من البيت او من اي مكان دافي لبارد توقفين عند البوابه شوي لحد ما ياخذ على الجو ثم تطلعين عشان ما يتعرض لنوبة الهواء بقوه ثم يمرض
عندك الرشاد حلو بعد اغليه وضيفي له ملعقة عسل ثم شربيه بس قليل يعني يادوب براس الملعقه الرشاد الملعقه الصغيره وصبيه في فنجال وحليه بالعسل واعطيه في الصباح وفي الليل روووعه يقشع البلغم ويخرجه اما عن طريق الاستفراغ او سيولة انف او او اسهال بس انه روعه
وعندك بعد العلاج الطبيعي الطبطبه على الرئتين من جهة الظهر مع تجنب العمود الفقري تبطحين ولدك بحضنك
ثم تطبطبين على ظهره على شكل فراشه تتجنبين العمود الفقري وطبطبي بيدك وهي مقبوضه وارخيها من عند المعصم وتكون اليد مقبوضه لحد ما يعطس او يستفرغ البلغم اللي بصدره هذي الطريقه مريحه جدا لو لاحظتي انه تعب من الكحه والبلغم
والله يشافي لك ولدك وولدي واولاد المسلمين ويعافيهم يارب

فعلا كلام الوحيده ...تماااام
بس بضيف.نص ملعقة عسل كل ليله قبل النوم يعني ماياكل ولا يشرب بعدها شي.يقوي الناعه
وزين للصدر..وربي يشفيه وعيالي والمسلمين اجمعين يارب..