الأمهات العاقلات واللي يعرفو يتصرفون مع اولادهم المراهقين >>ابي فزعتكم الله يعافيكم

ياأختي والله مااعرف وش اقولك
بس لاتعصبون ولا تكبرون الموضوع المراهقين دايم تصير معهم هالسواليف

والحل دائماً يصير بالاقناع والحكمه وليس بالشد والأمر

على سبيل المثال خلي امك تقول لاأخوك بينها وبينه وبدون ماتحسسه أن الموضوع متصل فيه او انها تعرف شي عنه
وش رايك في بعض الشباب اللي من كثر ماعندهم فلووس صارو يحرقونها ويرمونها في الزباله !!! وبعضهم من كثر ماعنده فلووس صارو يشترون فيها أمراض على سبيل المخاطره
وبعضهم ماعندهم فلووس كفايه وصارو يعملون مثل عملهم وش رايك ياولدي..!!!
اذا هو مااكتشف الموضوع وصار يجاوب انهم مهابيل او مبذرين او اي شي امك تقوله ياولدي هذا حالهم مثل حال اللي نزغ عليهم الشيطان واشترو دخان وصارو ينفخونهااا ومنها بيضرون صحتهم ومنها بيحرقون فلووسهم بدون سبب وهذا يعتبر من التبذير
واذا صار يبرر لكم خليها تقوله انت رجال وانا افتخر فيك ولك الحق انك تسوي كل شي بس انت فكر بينك وبين نفسك انت اللي سويته صح ولا خطأ لو تشووف اختك تدخن وش موقفك منهااا!!!
ولا تفكر ان الدخااان بيضر البنت ولا راح يضر الولد لااا الضرر واحددددد انت فكر بعقل وقوولي الدخان صح ولا خطأ
صحيح انه انتشر وصرنا نشووف كثير صارو يدخوون بس ياولدي هذا كله والله من وسوسة الشيطان وهو اللي يخلي الدخان للبعض انه عادي ولا هو بالاصل مش عادي وحرام واذا قال مش حرام قوليه شووف كل شي فيه ضرر حرمه الدين الاسلااامي
واكبر دليل ان فيه ضرر مكتوب عليه سبب رئيسي لسرطان يعني كأن حنا ندووس الشر بأنفسنااا

واكبر دليل انه بعد أن الدول الاجنبيه رغم انها متطووره لما اعرفت بااضراره منعت بيعه في بقالاتهم او بيعه لشخص صغيررررر وانا بكذا مااقول انك صغير بس انت رجال وتوزن الامور بنظرك وتخيل تشووف اخووك الصغيرررر يدخن وش بتسوي بتسكت له اكيد ماتبي له الضرر وبكذا حتى على تفسك ماتبي الضرر تعوذ من الشيطان واتركه

وخليها تقوله فكر بينك وبين نفسك وشوف وش تقرر عشان يقتنع

في هالسن خصوصا الأولاد يبي يثبت نفسه وكيف يصير رجال بنظره انه يدخن ويسوق سياره ويرفع صوته ويغازل بنات خلق الله وهذا مايدل ان تربيته غلط في عوامل مشتركه المدرسه والأعلام والأصحاب وخصوصا الأصحاب تلقينه أحد عزم عليه بسيجاره ورفض وقام يقوله منت رجال واتحداك ومن كلام هالمراهقين

الحل في نظري ان أحد قريبه له ويمون عليه يكلمه ويعرفه انكم عرفتو وامه ويحاول ينصحه ويفهمه ان المرجله موب بالسيجاره ويشوف يمكن عنده مشكله ويحاول يحل له يمكن معرض لظغط بس السكوت لااااااااااااااا ولا العقاب لازم بأسلوب مساسيه وتتعاملون معاه ان فعلا رجال وبيتزوج ومايرضى أن اولأده يدخنون من هالكلام

والله المستعان

تسلمون حبيباتي الله يوفكم يارب

المشكله انه تصرف مستغرب عليه هو رجال واحنا معتمدين عليه

ما ادري هو صادق اصحاب جدد او عنده مشاكل احنا ما ندري عنها


ما اقول غير دعواتكم له

يكلمه ابوه واذا مااقتنع وهذا الاكيد بيشرب من وراكم ياخذه لجمعية مكافحة التدخين وحاولوا تخففون عنه وتوفرون له سبل ترفيه بالبيت لان من كثر الضغط اصحابه يعطونه لاززززم يوقف هنا لاااازم