السلام عليكم
الموضوع نقاشي
بس "" قبل اي شي ترا انا اقصد اطفال التمهيدي مو الحضانه
اللي يدرسون ويتعلمون قبل اولى ابتدائي
. ..." نبداء
بنات انا كنت معلمه رياض اطفال فتره وتركتها
صراحه شفت اشياء وعرفت اشياء ماكنت اتوقعها
اول شي منهو اللي لاعب عليكم ياأمهات وقايلكم عيالكم هناك يدرسون !!!
والمصيبه اذا جت وحده من الأمهات تسالني كيف بنتي بالدروس ؟؟!
مدري هم قصدهم كيف بنتي باللعب ؟؟؟ !!
ترا اليوم اللي بالتمهيدي يروح كله لعب .............
مافيه الا نص ساعه ندرس اول الصبح عن الحروف او الارقام
ونص ساعه ثانيه نجلس نسوي حلقه سوالف
مره نسولف عن الغذاء ومره الملبس ومره الماء
واصلا في الحلقه الاطفال يجاوبون لان معلومات عامه وكاني اسولف معهم
وباقي اليوم لعب في لعب مره برا بالطين ومره بالملاهي
ومره العاب النطيطه ومره كره مطاطيه واشوف البنات يجلسون وينطون وياكثر طيحاتهم بالارض!! < الله يعين البنات اذا تزوجوا صراحه العاب خطره :/
ومرره العاب اركان مره يرسمون واحيان يلعبون بـ المكعبات
واخر شي ... اللقاء الأخير قبل ينتهي الدوام اصير جدتهم
اقولهم قصه من أي كتاب من الكتب اللي قدامي
واللي صفحاتها اقل من عدد اصابعي
موب حراااام تخسرررررون هالفلوس بالالاف على نص ساعه مدري ساعه والباقي لعب باسم " دروس وتشكيل وبناء وإدارك "
وفروا فلوسكم لليوم الاسود
عيالكم حتى بالبرد يطلعونهم برا يلعبون 80% لعب وسوالف
الحين انتي بالام مستخسره تروحين للمكتبه تشترين كتاب فيه حروف منقطه وقلم رصاص
وكل يوم بالاسبوع يكتب لو سطر
واشتري العاب مكعبات فيه حروف وتركيبات والوان رسم
واذا بالليل اقري له قصه مثل مايسون معلمات رياض الاطفال بنفس الوقت وانتي تقرين له
اشرحي له ع الصور اللي بالقصه هذا لون اللبس احمر وهذا يلبس بالشتاء وتحاوري معه ماياخذ ربع ساعه
ليش حارمين نفسسسسكم من احس اللحظات مع عيالكم استمتعوا وانتوا تسولفون معهم وتعيشون جوهم !!!
مدري بعضهم مسجلين بالروضه فشخره ولا ؟؟
يعني قسسم اني جلست مع المديره
قعدت اشتكي لها من ولد ازعجني مو راعي درس كلش ينحاش برا ويطق اصدقائه
قالت اهله دافعين فلوس وش نسوي فيه
خليه يجلس براحته بالفصل ومو لازم يدرس اهم شي احتويه واكسبيه وبس
وتقول الطلاب مو لازم درس وتشدين
اهم شي يتعلمون مسكه القلم !!!!!
>> بالله تتوقعون الأهالي دافعين فلوس عشان اعلم أطفالهم مسكه هالخشب الضغنون : )
خلاصه تجربتي
... اني مستحيل اخلي بكره بناتي يدرسون قصدي يلعبون
انا اولى اعلمهم الركائز الاولى في التعليم واحفظهم السور القصيره واشتريهم العاب تعليميه ....وصلى الله وسلم
شوفوا وش قال احد الأدباء
"" لئن اعلم ابني سوره الفاتحه خير لي من الدنيا ومافيها
لانه سيقراها طول حياته فيصلاته فيكون ذلك في ميزان حسناتي ""
بقولكم وش شفت بعد شيئين لفت نظررري
· احيان تجي امهات وتركض تبي تضم بنتها
احس البنت تطالع فيها والخوف مقطعها
واضح ماتعودت ع الضم ببيتهم او الام صاده عنها ومشغوله باشياء
ويبين البنت مستغربه ومو متعوده او الام شاده عليها بالبيت لان فيه بنات يبكون من لا سبب مره وحده من البنات عندي
اول مابديت الدرس قعدت تصيح وتبكي وجبتها عندي وسالتها وماتبي تعلمني رغم اني مررره حنونه معهم
وبالنهايه جت امها واكتشفت انها فترات تقول كنت اسحبها بالقوه للروضه !!!!!!!! حرررررررام خير
وبعضهم ماينسجمون بالمجموعه ومافيهم ثقه والله في طفله مع تشجيعي لها صارت تتكلم وتغيرت
ترا بيئه الطفل ومعامله اهله مره تاثر على سلوكه
· لاحظت البنات اللي اشوفهم حوووسه اشكالهم وتداوم والشوشه منفوشه اسالها مين لبسك او مين صحاك تقول الشغاله او اقولها وين ماما تقول تشتغل
والامهات اللي قاعادات بالبيت عواطليه لبى قلبهم
او مشرفات على بناتهم اطفالهم وش حلاتهم يلقون
يبن ع الطفل ترا اذا مرتب ونظيف
وبس تعبت وانا اكتب اتمنى وضحت لكم المقصود
لانه هالكلام في خاطري وابيكم تشاركوني
وانا اعيد واقول ترا لظروف تركت التدريس في الروضه وهاذي اعتبروها خلاصه تجربتي
كونوا بخير ..... " حبيباتي "
** بخصوص اللي ردوا بالصفحه الأولى
^^^
بنات مدري ليش احسكم موظفات فيه رياض اطفال
ترا انا ماتركتها الا قريب يعني السنه قربت تنتهي وبيروحون للصف الأولى
حتى لو يعرفون الحروف ترا نصها ونصها لا مجرد ناقيلنها ماحفضوها صم
مدري ليش مستعجلين على رزقكم ومعلمينهم من بدري طبعا انا اللي اقصده خلوهم يعيشون طفوولتهم ... وانتي خلي التعليم الي في البدايه عليك
ماله داعي خساره الالوووف
انا مسكتهم اقل من شهر فقط وتركتهم قريب
وشفت السلبيات هذا ع الرغم ان السنه قربت تنتهي ويتخرجون
--
+++
مشاركاتي ياصبايا ماتسمحلي ارد واعقب
بس بقول بخصوص الالعاب الخطره اساسا حتى وانا جالسه اقول لصديقتي هالععب خطره ع البنت
الا تقول صديييقتيي اييييييييييييه ملاحظه
مثلا كره مطاطيه وبنفس الكوره مسكتين يتمسكون فيها ويجلسون ينطووون ع الكوره وهم متمسكات واحيان يتعدون الارض الاسفنجيه
ويياكثر ماييطيحون ع الارض البلاط
واحيان بالزحليقات يتدافعون ويطيحون ع الجنب والحواف
طبعا الغالبيه امنه بس اقصد يعني الحذر واجب انا عني كلش مارتحت لروضه ولا رح اخلي بناتي فيها
انتم شراااايكم
ياليت نشوف اراء اكثر
i miss you 2012 @i_miss_you_2012
عضوة فعالة
يلزم عليك تسجيل الدخول أولًا لكتابة تعليق.
عزيزتي هذا تعلم بالترفيه المفروض كذا
لازم الطفل في السنين الاولى يتعلم باللعب وكيف الاختلاط بالمجمتع موشرط انه يصير كل شىء ع اكمل وجه
لازم الطفل في السنين الاولى يتعلم باللعب وكيف الاختلاط بالمجمتع موشرط انه يصير كل شىء ع اكمل وجه
والله انك صادقه مااشوف فيه اي فايده منها غير الانسجام مع الاطفال وبدال ما يزعجونا في البيت يروحو يزعجو المعلمات بفلوس خخخخخخخ
لا والله ماانكر بنتي تعلمتت الاذكار والسور القصره ماقصرت معلمتها جزاها الله خير
لا والله ماانكر بنتي تعلمتت الاذكار والسور القصره ماقصرت معلمتها جزاها الله خير
saraااا
•
حبيبتي الطفل يتعلم بالترفيه والعب ويصير اجتماعي ويلعب بالاركان هذا ينمي التفكير الادراكي والحسي وطبعا معروف نظام كنت سوري نظام يعتمد علي التعليم باللعب والترفيه وهذا نظام امريكي واصلا معروف الطفل في اول ابتدائي اذا كان متخرج من رياض اطفال افضل من الطفل الذي لم يدخل رياض اطفال من خلال فهمه واستيعابه وتعاونه وحبه للمدرسه
الصفحة الأخيرة
لكن الروضه مش بس تدريس الزامي مثل المدرسه..
الروضه تخلي الطفل اجتماعي لتعايش مع اطفال مثله ..لان بعضهم انطوائياً
اسلوب الحواار وخاصة المعلمه مع الاطفال تخليه ينطلق ويتكلم ويتعلم ويصير مهيء للمدرسه ..
بدل مايروح اول يوم مدرسه وهو يبكي ويبي امه لانه ماتعود يرح بروحه ...
بصراااحه انا ولدي بالروضه وماشاء الله تبارك الله حفظ السور وتعلم الحروف الارقام وانا اذاكر له واخوانه يعلمونه،،
لكن صدقيني مو كل طفل تقدر عليه امه تعلمه وتدرسه بالبيت يصير مزاجي ..لكن لصار مكان تعليمي مثل الروضه راح يكون نظامي والزامي ويحس باهتمامه للمذاكرة
والدليل انك كنتي تدرسين في الروضه واحتويتي البنت اللي تقولين عنها وتغيرت طباعها واديتي دور فعال !!
هذي نظريتي
والله يعطيك الف عااافيه