الأمهات النظيفات واللي يهتمون بالتعقيم انتهبي للهشيء الخطير ..

السلام عليكم

اسمع كثير من البنات يتساؤون عن المعقمات وش افضلها وكيف تستخدم
وانا كنت مثلكم ابغى معقمه ومحتارة وحايسه

بس قريت كم مره مواضيع تحذر من التعقيم الزايد اهم شيء النظافه يعني تغسلين الرضاعه قبل تعطينه اياها

مولازم تعقمون صدقوني ترى التعقيم بيخلي اطفالكم مناعتهم ضعيفه وعرضه للامراض ..


حتى اذا توسخوا خليهم شوي بوساختهم >>اقصد الملابس مو الحفاظ

لأنه كثرة النظافه تخليهم مناعتهم ضعيفه

انا كنت مهوسه بالتنظيف خصوصا ان طفلي صغير واول واحد بس لما قريت هالاشياء قلت صحت ولدي اهم من ان الناس يقولون ولدها مو نظيف او ماتهتم هم وش يدريهم ومافي احد راح يصير احرص من الام على طفلها ..
تدرون بعد انا اقصد حتى نظافة البيت يقولون الام اللي تكنس فرشتها كل يوم وماتخلي الغبار فيها شوي
طفلها اذا دخل المدرسه وجاءه الغبار راح يتاثر وممكن لاسمح الله يصاب بالربو
ماتلاحظون انه كاثر بين الاطفال هالسنوات الاخيره .. مع ان هوسنا بالتنظيف لايعلى عليه ..


وحتى انتي أقلمي نفسك .. واذا كنتي بداية بالتعقيم ومعودة طفلك ابدئي من اليوم خفيفة لا تقطعونه فجاة ويمرضون اطفالكم وتلصقونها فيني ..:32:

يعني مثلا لو كنتي تعقمين كل يوم >>> مع انه مره مضر كل يوم
ابدئي هالاسبوع خليها كل يومين اللي بعد كل 3 ياام
والاسبوع اللي بعده كل اربع ياام
لين توصلين مره بالاسبوع وبعدين صيري كل اسبوعين .. وبعدين مره بالشهر وبعدين اقطعيه ..

حتى طفلك يتعود تدريجياً..

بنات المقصد ان اجسامهم تتعود على هذي الاجسام الضارة من الصغر ترى اذا جاءه اسهال مو معناته بذاك السوء اللي تتخيلونه
بالعكس ممكن شيء جيد انه جسمه جاء جسم ضار وحاربه ونزل على شكل اسهال الله يكرمكم
وعلى قولت الكثيرين احنا مانقول لاتصيرون نظيفين .. لكن كل شيء له حدود
وانا قصدي باللي لاتغيرين لهم بسرعه مثلا لين صرتوا طالعين استراحه .. ووسخوا بالطين او التراب خليهم شوي مو علطول هواش ومنافخ .. لأنهم اذا تعودا على التراب من صغرتهم .. ان شاء الله مايتعرضون لداء العصر الربو..



وعلى العموم الدنيا من حولكم واحكموا شوفوا الامهات اللي دايما تعقيم شلون صحة عيالهم ضعيفه واقل شيء تلاقينهم تعبانين
والعكس اللي يهتمن بااعتدال ..
لأن اكيد عاد اللي وصخه بزيادة نفس النتجية لأنه لاافراط ولاتفريط ..


تدرون انهم يقولون بعد بالموضوع اللي قريته الافضل انك تعودينهم على الاستحمام بماء يميل للبروده
لأنه يخلي اجسامهم قوية .. ومقاومة للبرد..
حتى قد شفت اطفال بروسيا يحمممونهم بموية بارده بالثلج برى وهم ماعليهم ملابس ..

انتي هاللحين في صغرته تحافظين عليه على قد ماتقدرين بكره اذا كبر ودخل المدرسة انتي ظامنه المدرسة وخلينا قبل مايدخل المدرسه شوي .. خصوصا لو كنتي موظفه تظمنين الناس اللي تخلين البيبي عندهم؟
يعني انتي منتي عايشه بمجتمع لحالك انتي عايشه مع الناس ومو كل الناس حاكمتهم بقواعدك النظافية والتعقيمية..
خصوصا الدراسات اثبتت ان اغلب الاطفال اللي يتعرضون للربو من عمر 6-13 سنه
ليه طيب ماتعرضوا قبل؟؟
لأنهم عند امهاتهم اللي يخافون عليهم وكل شوي معقمينهم .. ومنظفينهم ..
لكن مساكين لما دخلوا المدرسه وتعرضوا لغبارها .. يعني ميحتاج تذكرون كيف لما كنا نروح المدارس خصوصا اول السنه غبار يروع .. طفلك راح يستنكر جسمه هالشيء لأنه ماتعود على الغبار ابدا دايما ماما مخليته نظيف ..
وماقد خليته بمكان فيه تراب او غبار لو شوي ..


يعني المقصود من كل هذا ان جهاز طفلك المناعي يتطور وينمو بشكل اسرع حتى يستطيع التغلب على كل مايواجه من امراض او ميكروبات وجراثيم .. واللي يطول مرضه لازم ينعرض على طبيب ..


وهذي مشاركة لأحد الأخوات تلاقونها بالصفحة الثالثة قد تزيل اللبس عن البعض




مع تمنياتي لي ولكم بأطفال أصحاء وسعداء...:04: