أنا ما أعرف بالنسبة للحليب ...
بس اللي أعرفه إن أمي تقول لما تعصروون الحليب لا تخلون حد يشوفه وبالذات الشغالات ..خوفا من الحسد ولا تقولون لحد عن الموضوع ..
لأن مو كل الحريم فيهم حليب ..

انا اشفط بس اخليه الى اليوم الثاني يعني 24 ساعة في الثلاجة ولا اقل واستخدم يدوية والحمدلله احسها وايد زينة واذا يييت بدفية اخلي في وعاء في ماي حار لين مايدفى وهاي الطريقة اللي اتبعها والحمدلله

اختي انا موظفه ومرتاحه وايد على هالطريقه اشفط الحليب لبنتي وترضعه في الوقت اللي اكون فيه في الشغل ولما ارجع البيت ترضع من صدري وفي المستشفى قالولي انه الحليب صالح للشرب 3 ايام في الثلاجه و6 شهور في الفريزر ولكن حاولي انه يكون يستهلك اول باول وانا استخدم شفاط MEDELA وصارلي يومين اعاني من مشكله فيه الا وهي انه الكليب الكهربائي ما يشتغل يمكن انحرق واخذته على المكان اللي اشتريته منهم وقالولي خليه وبنشوف الوكيل وللحين ما ردوا على

أختي أنا ناويى أستعملو بس أولد ورفيقتي عم تستعمل لشفط وسألت بل مستشفى قالو لها أنو 8ساعات بر الثلاجة 3 ايام في الثلاجه و6 شهور في الفريزر
بس فيكي تتأكدي وتسألي الدكتور

هلا اختي..

انا استخدمت الشفاطه الكهربائيه MEDELA.. روعه بمعنى الكلمه.. و استخدمتها بعد ما ربيت ب كم يوم.. لأنه اتعرفين صدر الام ايكون مترووس حليب.. و منتفخ.. و الياهل ما يرضعه كله.. ف كنت اشفط.. و احط شوية كريم مرطب على صدري و ادلكه باصابعي وانا حاطه عليه الشفاطه.. عشان اتأكد انه الحليب ينزل و مافي اماكن ايكون الحليب متعقد فيها..

و بعدين احفظه في الثلاجه.. و يوم اريد ارضع ولدي منه.. احطه في ماي دافي مائل شوي للحراره.. لكنه مب حار و لا يغلي..!! لأنه ايخرب الحليب.. و ممكن ايتم نص ساعه لين ما يفتر.. و بعدين اعطيه ولدي..

و لخصت لج بعض النقاط عشان الافاده :

- ما في داعي اتحطينه في الفريزر اذا كنتي بتستخدمينه في نفس اليوم او في اليوم اللي بعده.. حطي في الثلاجه من تحت.. بس مب في باب الثلاجه.. لأنه البروده في باب الثلاجه اتكون أقل..

- حتى لو كان الحليب محطوط في الفريزر و تبين اتذوبينه لا اتحطينه في ماي مغلي.. حطيه في ماي دافي مائل للحراره و غيريه كل فتره..

- اذا طلعتي الحليب و ما استخدمتيه ارميه و لا اترجعينه مره ثانيه في الثلاجه..

- الحليب بعد ما اطلعينه ايتم صالح لمدة 3 إلى 4 ساعات.. اذا كانت درجة حرارة الغرفه مب مرتفعه..

- اذا كنتي بتشفطين حليب و بترضعين و لدج على طول.. حطي له كميه قده.. و الباقي خليه على جنب.. بدل ما اتحطينه كله و لا ايرضعه.. احسن اتقسمينه وجبات.. و اتشوفينه اذا ما ايريد زياده خلي القسم اللي عزلتيه في الثلاجه..

- عادي انه يوم اتحطين الحليب في الثلاجه يفصل.. مب معناته انه خرب.. يعني اتكونين حاطته في نفس اليوم و اتشوفينه بعد فتره فصل و صار طبقتين.. المهم يوم اطلعينه عشان اترضعين ولدج خضيه زين..

- للامهات اللي توهن مربيات و يبن يرتاحن من صراخ الياهل فلليل.. رضعيه طول اليوم من صدرج.. و فلليل اشفطي له.. و حطيه ف الثلاجه.. و يوم يوعي الياهل رضعيه من المرضعه.. و بالهطريقه بيشبع و بينام فتره اطول.. و بترتاحين من هم الرضاعه.. و بتعودين الياهل في نفس الوقت على الرضاعه من صدرج و من المرضعه..

انا كنت استخدم هالطريقه و الحمدلله كنت مرتاحه.. ولدي يرضع من صدري و من المرضعه.. يعني كنت اذا محتاجه اطلع مكان اشفط و احطه في الثلاجه.. و عمتي اترضعه يوم ايصيح.. و ما كان في داعي اخذه معاي وين ما اروح..


و سوووري على الاطاله.. :27: