اسألك بالله ؟!!
ياحـــدود وبالــوفا مـالك حـــدود .......... وين أبهرب منك فيني يابعـدي
كل ماهب الشعر .. لك فاح عــــــود ................. وكل ماجيت أنتهي فيك أبتدي
أنتي أصدق من سكن هذا الوجود ......................... وأنتي أغلا من تسّبب بجـهـدي
الليالي يالعيون السـود .. ســـّـود .............. تـشـبه أحـــلامٍ تـجـيـبك وتغدي
الـقـمر واللـيل ونـجــومـه شـهود .................. أني أسـهـر فيك حـتى بمرقدي
جـيـت عـنـدي أسـئله تـبغى ردود .............. يانظر عيني ترى طال أسـهـدي
اسألك بالله وش مـعـنى الـصـمـود ................ لاغـدى (مـي الـبـحر) جـمر بيدي
واسألك بالله وش مـعـنى الـصدود ................... لاغـدى مـوتي يـساوي مـولـدي
دام حتى الـنـقـص صار الـيـوم زود ................. ماألـومـك .. لانـسيتي مـوعـدي!!
ياســحـابه مــزنـها دايـم يـجـود................ .......... كيف أبروى والثرى خان أبْردي
ياأول حدود الوفا وآخـر حـــــدود ................... لو يـغـيب سـهـيل وش ذنب الجدي
جيت شاعـر ضـايــقٍ فيه الـوجــود ................. جـيـت أكّـحـل فيك عـيني بْرمدي
جيت أبقطف لك من أغصانك ورود .......................... جـيت أظـلك تـحـت ظـلك وأهـتدي
يـحـرسـك ربي من عـيون الحـسود ................... ولـعي نـارك بـصـدري وأرقـــدي
داخلي صيحه كما ( صـيـحـة ثمود ) .......................ورث من جـدي وأبـعـطـيه أولــْدي
والله أني مـاني أنـسـانٍ جـــحــود ................... لكـن هـمـومي حـــدتــني لك حــدي
وياحدود ((المـسأله)) ماهي حـــدود ..................... الـبـلا.. لاضـعــتي وأنـتي في يـدي
الشاعر/ مـنـصـور الــرويـلـي
وهذا اقل شى يمكن تقدمه للام ازاء مافعلت لنا ..
فشكرآ لك حبيبتى ..