الأم الأنانية السامة ……

السلام عليكم ورحمة الله وبركاته..

اخواتي في موضوع حصل اليوم طويل شوي

الام الانانيه:
الام..
المدرسة التربية والتعليم ، نبع الحنان ، الجنه تحت اقدامنا ، الحنية ، الامان ، الطيبة ، ست الحبايب ، العطف .

كل مشاكل الزمن هذا في كفه و اللي قاعده اشوفه في كفة ثانية انا كأم عقلي مو قادر يدخل فيه اللي شايفته.
الام الانانيه القاسية او تتسمى الامه العاقه السامة بسال انا كل وحده تبيع بيتها عشان مراهقه متاخره وتترك اطفالها صغار زينة الحياة ملائكه تحرمهم منها ولا فكرت فيهم فكرت فقط في نفسها بانانية اعوذ بالله من ام موب قادرة اقول ام شوهت الامومه تخسي تنحسب علينا باعت دينها في المقام الاول وبيتها وعيالها ودنيتها واخرتها شي محزن لما اطفال تتيتم
وامهم ما ماتت ايش ذنب اطفال عارفين امهم باعتهم عشان وسخ دنيا شلون نفسيتهم ياقلبي عليهم والله مع انه موب لازم حلفان اليوم كنت معزومه عند صديقتي و شفت شي قطع قلبي قاعده اصيح من يوم رجعت موب قادره اتحمل زوجي سمع قال كلميهم ناخذهم قلت اتمنى بس ماحنقدر نصلح اللي دمرته العاقه الفاسدة المسمومة اطفال والله زي القمر ياخذو العقل يجننو والصدمة اكبر واحد ٥ سنين موب مصدقة انة في ام بالقسوة والفساد واسال الادمية تقول من يوم رمتهم ولاسالت ولا دورت من شهور الكبير كسر قلبي كان يضحك ويلعب ويتراكض يوم شاف ولدي في حضني نايم اتغير ياعيني هو كبرته وشايل هموم ونفسيه مايقدرون كبار يستحملوها ضيعت الطفوله والبراءه قام يقول بصوت خافت لزميلتي ابي اكلم بابا واللي خلاني ماقدرت امسك دموعي كلم ابوه وجايهم في الطريق وش سوا ياعين ابوي وامي اخذ اخوانه في حضنه وجلسو عند الباب يستنونه ماقدرت اتحمل واعتذرت من صديقتي و مشيت انا سمعت قصص لكن ماقد شفت اليوم بعيني وليتني ماشفت وعزه الله اني اكتب وانا موب قادرة اوقف دموع انا ام مابيع عيالي لو فيها رقبتي لو نتكلم من اليوم على احساسنا من ناحيه اطفالنا ماله وصف ولاحدود اليوم شفت انسانه قاسيه قلبها اسود وباء اعوذ بالله ياويلها من الله مافي اي سبب في الدنيا يخليني ابيع عيالي لو كنت في جحيم شلون اعيش من دونهم شلون انام شلون اكل انا صديقتي ذي من ايام الابتدائي اعرفهم زين تصوره سناب كان واحد مغزول بمعنى مجنن قبل كم شهر مصوره شخص ثاني سالناها غبشت الموضوع اليوم عرفت موضوعهم يالطيف بس يابنات انصحكم نصيحه وانا بعد الزمن ذا اذا الله رزقك برجال طيب محب لبيته واطفاله وكونتم اسرة لاتخلون مشاكل صغيره تخرب بيوتكم او يقلبونكم على رجاجيلكم ولا تسمعون لصديقات السوء المخببات خرابات البيوت مافي اتحدا وحدة فيهم تبيع اهلها وبيتها وعيالها ودينها البنات اللي سمعو كلامهم اصحو وفكرو وشوفو اللي سمعتون كلامهم نفذو اللي خلوكم تعملوه ترى يخربون بيوتكم وانتو اللي تندمون كل وحده فيهم ترجع لبيتها لعيالها اولاهلها واللي خرب بيتها هي اللي متضرره تندم وتتحلطم يوم لاينفع الندم الله لايقسي قلوبنا على اطفالناولا حرمنا ضحكتهم ولا يغشي عيونناوابصارنا ويثبتنا على طاعته ورضاه الله يبعد كل حاسد وحاقد وسوء ومرض ومخرب ومعصية عنا يارب العالمين .
طولت عليكم بس قسما بالله موب قادره اتحمل اللي حصل ارتحت شوي يوم كتبت و قلت انصحكم وانصح نفسي للتذكير وتكون سبب للصواب باذن الله .

اسال الله لي ولكم الهدايه والتوفيق والمغفره عن كل ذنب ومعصية والشفاء من اي مرض ويجعل ايامنا نور و رزق وسعادة.
سامحوني اذا في خربطة في الكلام اكتب والدموع انهار.
🤲