الأم المثاليه

الي تنوم عيالها بدري
استغرب من الامهات الي اشوف عيالها سهرانين!! النوم اهم شيء لاعمارهم

صحيح السهر تعب عليهم

الي تصلح نفسها وتأدب نفسها قبل ماتأدب عيالها.. 🙂 لان التربيه بالقدوه قبل النصح.

اللي تبني أطفالها للحياة
تبنيه بناء سليم اساسه قوي وجذره عميق ،،،اذا انفصلت عن طفلها لأي سبب كان
يملك سلاح يواجه فيه الحياة فكر حقيقي ونفسية ثابتة تهزم كل الصعاب ....
اللي تهتم بفكرهم قبل اكلهم
تعلمهم امور دينهم ولو كانت مقصرة
تعلمهم هذا حلال وهذا حرام
هذا صح وهذا خطأ
و ان الصلاة ماتتفوت مهما كانت الظروف
تعلمهم ان الغش حرام والخداع مرفوض
تزرع بنفوسهم النبل
تعلمه اذا اخطأ يعتذر
وان الاعتذار شجاعة
ويعترف بالخطأ ولو على نفسه
تزرع داخله روح جبارة يحارب فيها الدنيا
اذا انظلم تاخذ حقك،،، اذا اخطئت اخذ الحق منك ..
ماتكون سبب في انانيته وتدافع عنه مصيب ومخطي
تبني فيه الصلابة النفسية ،الهشاشة النفسية نتاج تصرفات امومة غير مضبوطة ..
تعلمه،اذا سامح يسامح لله لاخنوع ولاضعف
واذا اخذ حقه ياخذه باعتدال ودن تعدي
و زي ماله حق لغيره حق وزي مايراعي حقوقه يحرص على حقوق الاخرين
تزرع فيه الرقابة الذاتية يغيب الموجّه وتتغير البيئة ويبقى ثابت على مبادئ مايحيد عنها ....

تعلمه زي ممنوع احد يتعدى عليه هو ممنوع عليه التعدي ع احد
تثقفه كيف يواجه الناس اذا تعرض للتنمر كيف يواجه المشكلة
تزرع فيهم روح التعاطف والاحساس بالاخرين ، ولاتخلي هدفهم مادي ومو كل تصرف لازم له من مقابل ...
التربية اصعب مسؤؤلية يواجهها الانسان ،ماتنحصر في اكل وشرب ونومة ومدرسة ... رغم ان لكل جانب اهميته

المثاليه ماشوفها بترتيب ونظافه لان هذي اشياء اساسيه
المثاليه ان يخافون الله قبل مايخافون مني
ان قلوبهم تكون نظيفه ويحبون لغيرهم مايحبو لانفسهم