الأم مدرسة إذا أعددتها أعددت شعبا طيب الأعراق

امشي قدام وبس :

تدرين انا دايم اقول كذا اقول اللي مالها خلق تربي وتعلم اطفالها على المبادىء والسلوكيات الصحيحه لاتجيب اطفال لانهم هم المستقبل وحده من جيرانا كذا مالها نفس تربي وتعلم وكل سنه تحمل وتولد وعيالها منتشرين في الشارع اللي يضرب واللي يسرق واللي راسب ومتاخر خمس سنوات في المدرسه واللي جالس له اسبوعين ماتسبح لاحظت الام الحريصه على التعليم اولادها مهندسين ودكاتره والام اللي تحب المظاهر بس كل همها عيالها يلبسون اي براند وكل همها المظاهر الخداعه والهياط واذا جلستي مع اولادها تلقين الشكل حلو بس تافهين لاعلم ولا اخلاق ولا معلومات لا حياتيه ولا تعليميه ولا دينيه نادر نااادر ما اشوف ام حريصه تعلم اولادها على السلوكيات والاداب الصحيحه صرنا نشوف تعليم الاتيكيت اهم من تعليم الصلاه وتعليم الانجليزي اهم من لغة القران ، وينشاء الطفل يتكلم انجليزي وهو في بيئه عربيه ومسلمه مئه بالمئه ترا انا اتمنى ان الامهات ينتبهون لهذي الاشياء وتكون هي حديثنا بالمجالس بدال السفريات والبوفيهات والتفاهات والغباء المستفحل ! اجل وحده مسويه لبنتها عمرها ٤ سنوات حفله ب ٦٠ الف ! ليه طيب يابنت احتفلي مع بنتك واسعديها الله يسعدكم بس بدون هذا الاسراف لان الناس بيقلدونها صارت مالنا شغله الا نقلد بعض ! والستين الف تبرعي فيها للفقراء او اعملي فيها اي شي تطوعي عشان غيرك. يستفيد مو غيرك يرقص ! النعمه اللي ربي عطانا اياها اذا ما احسنا استخدامها ربي راح يعاقبنا وياخذها منا لذالك لازم نحمد ربي ونحسن استخدامها عشان ربي يبارك لنا فيها ويحفظها لنا من الزوال ويديمها

تدرين انا دايم اقول كذا اقول اللي مالها خلق تربي وتعلم اطفالها على المبادىء والسلوكيات الصحيحه...