الأن زعلان ومايتكلم معاي والسبب

السلام عليكم
سبق ونزلت موضوع
زوجي يبي يحج فيني لاني ماحجيت
بالأول شاورني تبين تحجين قلت ايوه
قال والاطفال قلت عند امي تسكر الموضوع على انه كذا
مختصر القصه لانه سبق وذكرتها قالي انا بحج فيكم بدون تصريح هذي اول نقطه والسكن شقة صديقه بالعزيزه بيعطينا ابلاش نسكن فيها
قلت اذا بدون اطفال اروح لو انام بالشارع اهم شي احج
قالي باخذ ابوي وامي واختي يحجون لكن امي ماراح تحج بس تجي معنا كذا تجلس بالشقه وباخذ اطفالنا هي تجلس معاهم مايطلعون معنا بالرمي والمبيت في منى والطواف تكون امي تمسكهم قلت اوك
تفاجئت من اخت زوجي انه امها بتحج وانه ناوي ياخذ الاطفال بالطواف والرمي معنا
هنا انا ستوووب قلت كنسل انا منب رايحه وكلمت ام زوجي قلت ياخاله والله علط تطاوعونه وتروحون بدون تصريح تعب عليكم واقتنعت مني وكنسلت حتى هي قالت بطلت هي وبنتها وكلهم قالو والله مجانين كيف طاوعناه وبالأخير كنسلو الموضوع
والحمدالله ارتحت
فجئه غيرو رايهم حنا طفشانين ونبي نغير جو وبنروح قلت مع السلامه والقلب داعيلكم لكن انا مو معكم هنا نرجع الزوجي بعد ما أيس ونسى الموضوع رجعو فتحو معه نفس الموضوع ورجع يحن علي ليش ما اروح معاه والحين مكتم لايتكلم معاي ولا يعطين وجه وزعلان
اقوله ترى بدون تصريح ممكن يمسكونك فيها غرامه وسجن يقول اييييه يمه خوفتيني مستهتر بالموضوع مررره ومستهون
قلت انا عادي لو مافيها اطفال رحت لكن انت تبيهم قبلي بالسياره وتبيهم يحجون هذولا بزارين مايتحملون حر ومشي وتعب والله ولا كأني اتكلم مايستوعب هو ماخذها سياحه وفله ووناسه ابلاش
انا قاهرني تنفيسه وزعله الغير مبرر واضح حاقد هلي ليش خربت الخطه
واللي الى الأن مستغربته أم زوجي وابو زوجي كيف طاوعوه مره مستهونين بالموضوع جدا اليوم لا ماراح نحج بهذي الطريقه بكرا خلاص غيرنا راينا بنروح كل شوي برأي
زوجي رجه مو طبيعي مخ مافيه مدري من وين يفكر
لكن اذا بيسافر الحاله دلع وطيران وسفرات صح ووناسه وياويله من ربه اهله بيبهذل فيهم وهم مطاوعينه رافع ضغطي السفر مو كذا السفر تخطيط وترتيب وتصريح وحملات مو خبط ولزق
وأهل زوجي الله يهديهم وش غير رايهم بسم الله شلون يطاوعونه مو فاهمه شي عجزت أستوعب ومن الأساس زوجي نسى الموضوع وخلاص يوم ركد وهجد رجعو فتحو السالفه معاه وانه نبي نحج غيرنا راينا وهذا ماصدق على الله يلقى له سالفه ينفس عليها استغفرالله