اذا ميزانيتك مره ماتسمح و مجبوره كل مره تدفعين معاهم لا تروحين لهم كثير

روحي مره بالاسبوع وتجملي عاد مافي حل الا ان زوجك يزيد لك المصروف وانتي قللي طالعاتك


سبحان الله وبحمده سبحان الله العظيم

اسمعي قول لهم اذا تطلبو من هنقرستيشن اطلبو لحالكو بس انا مامعي بسوي اكل لي ولعيالي بالبيت خليهم يدرو انك مامعك..الله يفرج همك

الله يفرجها عليك يارب

مع احترامي لكم طريقة تجمعكم غلط
لازم تتفقون انه كل يوم تجمع وحده منكم تتكفل بالعشا الرئيسي مع الحلا والمشروب، بكذا كل وحده دورها مابيي الا بعد اسبوع او اكثر وتلحق تريح، واللي دورها وماحضرت عشا للتجمع خلاص هيه تتكفل ب أكل من برع من حسابها😁
مب شرط طبق متعب ف تحضريه
فيه اطباق يحبونها الاطفال وسهله التحضير
مكرونه الفريدو
بطاطا ودجز او شيبس منزلي
ايسكريم منزلي او اي حلا منزلي بسيط
بيتزا ( تقدرين تسوينها بدون عجينه، تييبين خبز سلايس وبس تحطين عليه كتشاب وجبن وشويه خضار وممكن دياي)
دجاج بالفرن مع الخضار( هذي شهيه وماتاخذ وقت)
سلايس الدجاج بالمايونيز لذيذ
مجبوس
الاختيارات وايده ومتاحه البدائل من غير انه اكل منزلي نظيف وتكلفته ربع تكلفة الأكل من برع
، واستغرب سكوتج عند اخواتج عن ضعف ميزانيتج، مفروض مابينكم مستحى فهاذي الأمور
موفقه💕