الأوبتي فاست

وعليكم السلام
بحثت عن الاوبتي فاست لاني اول مره اسمع فيه
خلاصته انك تشترين منهم المنتجات اللي هي عباره عن ألواح شوكلاته و شوربه و مخفوق حليب و حلى
وهذي المنتجات عباره عن بروتين وفيتامينات ومعادن سعراتها الحراريه منخفضه تاكلين منها 3 مرات باليوم وتكون على مراحل مثلاً اول مرحله اقل شي 3 شهور ومع كل مرحله تدخلين اطعمه من البيت بكميات بسيطه عباره عن سلطات وخضار غير نشويه الى ان توصلين مرحلة التثبيت وتدخلين اغلب انواع الاصناف لنظامك الغذائي
انا ما جربتها اكيد لكن اذا بتسأليني انصحك تجربينها ماراح اشجعك عليها
لانك ببساطه تقدرين تسوين لنفسك وجبات سعراتها الحراريه قليله بالاعتماد على السلطات الخضراء بكافة انواعها + الخضار الغير نشويه + تناول بروتين حيواني بدون دهون وشحوم + شوربة خضار او دجاج بدون نشويات
وتمنعين السكر والنشويات والحلويات والمقالي
وتمارسين تمارين رياضيه وتكثرين من شرب الماء وراح تنحفين
حتى لو فرضنا كنتي متعوده على اكل الخبز واضفتي مع كل وجبه يادوب شريحة توست اسمر او ربع رغيف خبز اسمر او 3 ملاعق رز او مكرونه مع الغداء واكلتي ثمرة فاكهه وحده باليوم راح تنحفين لان السر انك تختارين اطعمه سعراتها الحراريه قليله واللي هي السلطات الخضراء بكافة انواعها والخضار الغير نشويه والشوربات اللي بالخضار او الدجاج هذول الاصناف لو تاكلين منها الى حد الشبع ماراح تسمنين لانها غنيه بالالياف اللي تملي المعده وتحسسك بالشبع السريع وخاليه من النشويات يعني سعرات قليله تدخل جسمك يعني طبيعي راح تنحفين وتلاحظين الفرق من اول شهر بشرط تلتزمين بالتمارين الرياضيه والاكثار من شرب الماء


اما رجيم التفاح ماجربته لكن انصحك لا تتعبين نفسك بالبحث عن رجيمات لانك ببساطه تقدرين تنحفين بمجرد انك تخففين كميات الاكل لنص الكميه سواء رز خبز لحوم سكر اجبان البان وتستبدلين المقالي بالمشاوي ومع كل وجبه لازم طبق سلطه خضراء وشوي خضار غير نشويه سواء مطبوخه ايدام بدون دهون او مشويه
وكل ماحسيتي بالجوع كلي سلطه او اشربي شوربة خضار
كلها شهر شهرين وبتنبسطين من النتيجه

أسطر عواطف ممتازة اوافقها عليها ..
أهم شيء برحلتك الصبر والاستمرار ..

اول مره اسمع عنها

الله يجزاك الجنه😭💝