الإبرة التفجيرية مع كيس علي المبيض 5 سم

السلام عليكم
ازيكم يا اخوات اتمني تكونو بخير وصحة وسعادة
اول مشاركة ليا معاكم، وسجلت عشان محتاجة رايكم ومن تجاربكم عاوزة استفيد
انا متجوزة بقالي سنة وكم شهر ومفيش حمل من ساعة متحوزت بسبب كيس وظيفي ع المبيض، كل ما ينزل يطلع تاني،. كنت باخد له منع حمل وكان بيروح بس مجرد ما يشتغل التبويض يطلع تاني، عملت تحاليل هرمونات وكانت الصدمة 😔
سن ياس مبكر مع ان عمري 33 سنة
رحمتك يارب، والله العظيم كأني ميت عايش وسط الناس 😣😣
المهم وطبعا fsh عالي 18 وبالتالي التبويض ضعيف ولازم حقن مجهري وبسرعة
سبحان الله من كيس ع المبيض ل سن ياس مبكر وتبويض ضعيف وحقن مجهري سبحان الله
أملي اتعلق برينا اوي وعندي رغبة شديدة مروحش لدكاترة تاني خلاص مشكلتي ان هي دي خلقة ربنا، قررت استسلم لارادة ربنا، بس لازم اذا ربنا أتاني سبب اني اتبع هذا السبب، عملت تنشيط لأول مرة وكبر البويضات ف 5 ايام بس، واحدة 22.9 والتانية 23.5
بس للاسف طلع الكيس تاني بحجم 5 سم
ف 6 ايام بس كان صفر وأصبح 5 سم
ما علينا
اخدت الإبرة التفجيرية وخرجت بويضة واحدة اللي هي 23.5
وبقالي 11 يوم من يوم ما اخدت الإبرة التفجيرية
انا بعمل كل دا ومعنديش امل ف كل اللي بعمله
لا الدكتورة ولا المنشط ولا الإبرة هيخلوني احمل وبردو الكيس وسن الياس المبكر مش هيمنعو الحمل
في رب لو أراد ف كل الموازين هتتقلب
حقيقي تكالي علي الله بمعني الكلمة
مش عارفة بكتبلكم بفضفض او عاوزة نصيحة او تجارب
بس حسيت اني عاوزة اتكلم لان من ساعة معرفت بسن الياس المبكر وانا مبتكلمش مع حد ف الموضوع دا، مفيش غير جوزي بس اللي يعرف
اسفة جدااااا طولت عليكم بس عشان لو وحدة هتجاوب عليا يبقي عندها خلفية عن حالتي
دلوقت وجود الكيس دا هيعطل كل اللي بعمله من محاولة حمل،؟ ولا لا
لو حد حاولت تحمل بالتنشيط والابر التفجيرية وهي تعاني من كيس المبيض، نجحت المحاولة ولا فشلت؟
فيدووووني