الإتصالات السعودية ـ بنك الراجحي ـ عالم حواء وش وجه الشبه ؟؟؟؟

السلام عليكم



أخباركم ياحلوات



الإتصالات السعودية ـ بنك الراجحي ـ عالم حواء


وش وجه الشبه بينهم ؟؟؟؟

ماراح أنتظر إجابه


أختكم مافيها صبر


بالله مو كل هالثلاثة

دايم اللي مشتركين معهم يسبونهم


ودايم يتكلمون عنهم وعن الموظفين والموظفات والمشرفات فيهم ثلاثتهم وعن تعاملهم


ودايم الإتصالات حرامية

ودايم بنك الراجحي معقدين وتعاملهم زفت

ودايم عالم حواء المشرفات بس يحذفون وكل مواضيعه هواش


بالله ماقد إلفتتكم هالشغلة

لا مو هذا بس وجه الشبه

لا فيه نقطة ثانية


كل المشتركين يسبون وبنتركهم

بس وقت الجد مابه أحد


أعطيكم مثال على كل واحد


الإتصالات

كثير هنا عضوات سبوهم وبنتركهم وبنحول موبايلي

بعد شهرين ينزل موضوع ثاني سب في الإتصالات تلقين نفس الأخت ترد وتقول والله صادقين وبحول لموبايلي

طيب أنتي قبل قلتي نفس الكلام ولا نفذتي

ليش ؟؟؟؟؟؟؟؟؟؟؟


بنك الراجحي

كثير عميلات شفتهم لما جيت أفتح حساب >>> أيام المكافئة الله ياحلو ذيك الأيام :06:

تخيلوا وش يقولون

وش هالتعامل وش الحاله ومافيه بنك مثله كله تعقيدات

طيب الفلوس فلوسك وش مصبرك عليهم

ودي أعرف ؟؟؟



عالم حواء

من فتره يمكن سنه وكل فتره نازل موضوع عالم حواء متغير

صاير ممل

بترك المنتدى من هالعضوات

عالم حواء كله هواش

بنات حواء فيهم مشرفات حواء فيهم

مواضيعنا تحذف

واللي أعظم اللي تقول بنترك المنتدى


وبعد فتره تلقينها موجوده

وين اللي بتترك ؟؟؟؟



يعني مدري من وين جاني هالطاري

يمكن من الفضاوة مابه وظيفة تشغلني :22:

قلت خل أعلمكم بمايجول بخاطري

وجهة نظر

ردوا باللي تبون بس الله يرحم والديكم بلا تجريح

خلنا حريم سنعات مانسب ولا نغلط