حبيبتي احلى من العسل انا بعد مثل الاخت الجونه ام ماجد بعد اربع اسنين من العلاج واخذ احبوب هرمون الحليب حملت
وكان الحمل بكيس فاضي ولا ادري ايش السبب ولا نزل الابعد عملية تنظيف ومعناه نفسية شديدة من كثر المراجعات الى المستشفيات ولكن قدر الله وماشاء فعل وهذي تجربتي مع الاجهاض واتنمى من الله الذرية الصالحة للجميع

الله يرزقك حبيبتي روز بالذرية الصالحه ويرزق كل مسلمه

ممكن حبيبتي انك تستفدين من تجربة الجونه وتشوفين عندك الاجسام المضاده

والله يعوض عليك يالغاليه بالذرية الصالحه اللي تريح قلبك يااااااااااااااااااااااااااارب:26:

السلام عليكم ورحمة الله وبركاته
مشكورة اختي احلى من العسل على الموضوع الحلووعلى مشاركة الاخوات ...بس انا حبيت اذكر تجربتي مع الاجهاض وحبيت انبه الاخوات من علامات لازم ينتبه لها انا عني حملت وسافرت وانا حامل مرتين ,مرة العمرة ومرة تايلند مع ريلي وكنت وايد محافظ وماكنت مخبرة احد غير امي واختي وطبعا وريلي وكانوا الحريم كل مرة يسالون امي البنت حملت ولا بعدها (رزت ويهه)يعني لقلفة وانا كنت اقول لامي لاتقولين ولاتخبرينهم احسن ......لين الشهر الخامس حوالي 20 اسبوع حضرتي كنت جنبية مارتاح ومااجلس مكان واحد كله الروح السوبرماركت واشيل الاغراض بنفسي ولمل كان ريلي يعصب علي اقوله امهات قبل كانوا يشتغلون ومايستويلهم شي .......
لين اهني وانا اوكي مرة كان يوم سبت وانا فكرت اني اسوي حلاوة في المنطقة الحساسة وسراحة سويت وضعية الحمام العربي الله يعزكم....وبعدها بيومين حسيت بالم وثقل ووجع خفيف في الظهر وقطرات دم قلت:08: شو هذا ماعلي وصراحة قلت مااخوف ريلي لين مايرد من الدوام وبعدين رحنا عند طبيبة نسائية كان مفروض ان عندي موعد عشان الاشعة الصوتية وصورنا البنوتة وكان اول مرة ريلي يشوفها تتحرك وتحرك ايدينها ومسكين ريلي طار من الفرحة:42:ولاحظت ان راس البيبي نازل شويه تحت وسكت شفت الدكتورة اللي تصور ماعلقت كل يمكن انا اوسوس :confused: يتبع

ودخلت عند الطبيبة الاخصائي وهي تعرفني اني طبيبة وقلت شوفي كشفت علي من تحت بس مافحصتني داخليني بس ش
شافتني من برة اني مافي اي نزيف وقالت لي اني اوسوس ....:43:
المهم رحت البيت واتحت ورقدت واليوم الثاني وانا ناشة لصلاة الصبح رحت الحمام(الله يعزكم) حسيت ان فتح المهبل تتوسع وجيبت المنظرة (المريا) وشفت منظر غريب كان غشاء الجنين كان ظاهر ورجعت نمت عشان ماافجع زوجي وبعدين قلت له لاتروح الدوام اليوم انا تعبانه وبعدين على رواقة نشيت الساعة 9 وقلت له يلا نروح الطوارئ قال لا نروح نفس الطبيبة قلت لا ورحنا واكتشفت هناك ان الي شفت كان غشاء المحيط بالجنين وان الرحم كان مفتوح 1سم المهم تميت في المستشفي 10 ايام وماعرفو السبب ليش بس توقعوا ان عند ضعف في عنق الرحم ويمكن احتاج الى عملية ربط المرة الثانية لتثبيت الحمل والله يرحم بنوتي الصغيرونة كانت تشبه ريلي
ادعوالي بنات الله يعوضني خير وامهات وبنات المسلين
وماعلي طولت عليكم لكن والله حبيت افيدكم ترى حالة ضعف عنق الرحم ماتتشخص الا بعد سقوط الجنين الاول او الثاني:04:

الله يعوضك يا سلسبيل77 ويرزق كل محروم ،وأنا بعد أجهضت مرتين وكانوا يقولولي مافي سبب وبعدين عرفت ان عندي نزول في الرحم ..الحين أنا حامل بس والله حاطة يدي على قلبي وأقول الله يستر ..مشكورة على موضوعك يا أحلى من العسل..تحياتي للكل