الإحتياج .... الظلم ..... السكوت

السلام عليكم

بنات مستوعبيين إلي يصير وإلا بس أنا في صدمة

معقولة هذا الإحتياج والله ضحكوا علينا وإحنا سكتنا لهم ايوه سكتنا لهم (ترى للمعلومية أنا ضد المظاهرات والتحريض وما أدعي لها علشان محد تجي تقول إني فتانه وروحوا شوفوا مشاركاتي )

المهم الوزارة ضحكت على الكل يعني دولة مثل السعودية وش كبرها الإحتياج فيها بس أربعه ألف وشويه
سكتونا والله لو إنهم ما نزلوا شيء أبرك لهم
شوفوا الإحتياج حق المناطق 1 و 0 و2 وبالكثير 10 هذااحتياج هذا المفروض الأربعة ألف حق منطقة وحده المفروض مو حق دولة وش كبرها ونفطها مغرق الدنيا وميزانيتها بالمليارات وهذي السنة بيكون ترليون يعني عيب عليهم بس ينزلون 4 ألف وظيفة

بتقولون المدراس مو محتاجه لا والله محتاجه ولو فعلا إكتفوا المفروض يلاقون لنا حل مو إحنا درسنا وتعبنا مثلهم المفروض يلاقون لنا وظايف مثل ما لقيوا للمعاهد ومثل ما هم الآن يحاولون يوظفون الكليات المتوسطة

المفروض ما نسكت عليهم نرفع حملات في مواقع التواصل الإجتماعي تويتر فيس بوك وأنا أولكم بأفتح هاشتاق

وفيه إعلامي قال لو يفتح المواطنيين هاشتاق لمدة يومين هذا يجيب النكد لأي وزير

أنا بصراحة ما أخفيكم تعبت نفسيتي لما شفت الإحتياج حق المناطق

حسبي الله عليهم

المهم أنا بأفتح هاشتاق في تويتر وأتمنى تشاركوني بإختيار اسم للحملة + إلي معاها حساب تشارك معانا

وكفاية ظلم قال ايش قال 4 آلاف والله لو إنا نتشحت