الإخصائيات النفسيات او من مر بمرحلتي او يفهم يدخل😔

صباح الخير جميعا

بدخل دغري على الموضوع واتمنى احد يسعادني ماسجلت ب هالمنتدى الا من شيء بقلبي ولاعندي لاصديقه ولا اخت


الموضوع ومافيه انا متزوجه ولي 4 سنوات وكانت ايامنا سمن على عسل وبيننا من الموده والحنان ونفهم بعض
اللي حصل بعد ماجبت اول ضنى تغير علي شكل صادم وكانه مصيبه حلت عليه اهمل نفسه بعد اول اسبوع ولاده وحاولت ارقع انه لسى بيتعود على المسؤليه وكنت معاه اول ب اول لمين تعدل لكن

اللي صار بعد النفاس انه كل الاهتمام صار للنونو بشكل غريب
واللي اتعبني زياده كنت ضاغطه على نفسي بالنفاس فيني اكتئاب واهملت نفسي وصرت اداريه واداري امي اللي تعبت معي لمين وصلت مرحله الحين اني اوسوس ب علامات يوم القيامه ووصل نوبات خوف وهلع وبكاء متواصل حاولت ما احسسه لكن صار يبين وهو كله مو لمي لمين سال وعلمته
تعدل يومين بعدها رجع لعدم الاهتمام وصلت مرحله انه على مدار الاسبوع يومياً يطلع مع اصحابه فقط او اذا كان فيه حاجات للبيت اخذني نخلصه
و وقت النوم وقليل يصير علاقه لمى احاول انا ابادر احيانا يقبل واحيانا يفضل ينام
صرت بصراع مابين مسوليه الجديده ونوبات الهلع وتصرفاته معاي شكيت بنفسي اني ممكن مضيقه عليه وازيد اهتمام

حاولت ابتعد نفسال شيء
يحس لكن يسال من باب الفضول ويزن يعرف وبعدها يروح
تعبت وصلت مرحله الوم نفسي اني السبب

اهتم بشكلي ونظافته وملبس كل شوي شكل واهتمام فيه هو
حتى وقت القهوه على جواله واذا تركه التفت للنونو صار حتى السلام مايسلم بالدخول والخروج
البس قمصان نوم مايغريه شكيت اني متوسعه وفارقه معاه
لكن ما احس لانه قبل كانت العلاقه قليله وماكنت افضله كنت اتالم وعندي تشنج لكن بعد الولاده لاول مره عرفت معنى العلاقه واللي فهمت انه اللي متوسعه قليل ماتحس

وحاولت ابين له اني مبسوطه لانه لاحظت صار عنده ارتباك ويكذب علي انه خلص وانا عارفه انه ما ارتاح ( ممكن انه يكون عنده ارتباك بسبب انه يكون التنزيل برا لانه ما اخذ مانع ما اعرف)
بعدها شكيت اني انا السبب وانا النفسيه
لكن لا
هو كلامه معاي جدي بشكل يخوف حتى سواليفي يقلبها جديه ومزحي واستهبالي مايفهمه ويستنكر وكانه شخص اخر

توقعت فيني مشكله لكن اذا رحت لاهلي استوعب اني انا هي هي ماتغيرت يرجعوني طبيعيه وانسى همي
لكن هو صار مايفهمني زي اول وصار يتعبني اكثر ويبيني جديه والكلام بحدود لكن بس يجيه مكالمه من اصحابه يرجع زوجي ذاك الاولي اللي اعرفه يمزح وبضحك على اشياء تافهه ماتضحك صرت اتجرع الغصات وانا اسمعه وش هالجفاء المؤلم

تعبت تعبت زي الحين كنت طول الليل مع النونو مانمت بعدها اشتغلت على البيت انظفه طلع يقول مع السلامه وهو صاد ولا انتظر اني ارد سكر الباب كانه صفعه يمكن ماتسوى بنظركم لكن تراكمات تعامله صارت تهد صدري من الالم
ماعرف وش الحل وسمعت عن الطلاق العاطفي ممكن يكون هو ؟

ابي حلولكم وش اسوي معه