الإستديو التحليلي ..مجلس الأم وبناتها 👩‍👧‍👧

صباح الخير .. احترت كيف أبدء الموضوع لكن زي ماهو في بعض العوائل ...بس يجلسون الأم وبناتها يبدأون مجلسهم التحليلي
يستدعون من يخطر على بالهم ويحللون مواقفه ..وش قال
إش يقصد .. ويبدأون فت في الخلق
بنات اللي تقدر تنبه أمها من خطورة هالعاده ..لاتقصر
يعني أنا شفت وأكيد بعضكم شاف هالعينه
عجوز داخله الثمانين بس ينعقد هالمجلس مع بناتها ترجع نضارتها
وحيلها ويرتفع صوتها
بنات غير إنه هالعاده تحرق الحسنات ..والله تحرق بيوت
لاتكونون عون على أمهاتكم ..بعضهم
عن جهل بعضهم تعود .. وجهوهم يعمرون أوقاتهم بالمفيد
حسابات مفيده ..مقاطع توعية ..لاتضيع باقي أعمارهم في ملاحقة خلق الله
والله وباالله مااأعرف أحد يلاحق خلق الله بغيبتهم وينم ويشتم ويتشمت وينتقص ..إلا والله مافي أتعس من حياته شماتته ترجع عليه بالمللي ..ولاتنقص شي
نصيحه للكبار ولمن يجهل ..
إللي تجمعهم هالعاده والله أعلم وحسب المشاهد تفرقهم أبشع الظروف
دمتم بسلام