❤الإستغفار يابنااااات لاتتركونه❤

بنات انا ماصارلي استغفر الا شهر واحد بس وأقسم بالله تحققتلي اشياء ماكنت اتوقعها بقولكم بعض الأشياء اللي تحققتلي
❤قصتي الأولى❤
اول شي كنت ابي فلوس وكنت اقول يارب ارزقني بمال حلال من حيث لا احتسب ونسيت من هذي الأمنيه وجلست استغفر ماعدا اسبوع الا وامي جات عندي وانا اغسل مواعين في المطبخ وتقول خذي 100 ريال عشانك نظفتي المطبخ أووول مره امي تعطيني فلوس وبعدين كم سنه صارلي اشتغل ايش معنى هذا اليوم بس اللي عطتني فلوس واليوم الثاني اقسم بالله اني كنت ارتب البيت كنت طفشانه وكل اخواتي نايمات وجت امي عطتني 130 ريال بنااات احس ربي مرسلها لي تعطيني فلوس وانا قمت اضحك زي المجنونه وقلت لأمي بالسالفه وقامت تضحك ..
❤قصتي الثانية ❤
وحدة من الدكاتره اللي تدرسني بالجامعه شدييييييدة جدا وقالت نسوي بحث واخر موعد يوم الاربعاء المهم انا مرضت لوز وسخونه وداومت يوم السبت يعني خلاص راح الموعد وكنت خااايفه واستغفرررررر وجيت عندها وعطيتها البحث وربي انها اخذته وجالسه تضحك وتسولف معي كأننا حبايب 
❤قصتي الثالثة❤
قبل امس كنت جالسه افكر في وحده من صديقاتي اللي كانت تدرس معي ايام المتوسط وافترقنا في الثنوي ولقيتها معي في الجامعه وجلست اقول نفسي اجلس معها واسألها وش عد صار معها لأن هي كان فيها عين شديدة وكانت تتعب المهم وانا جالسه استغفر ودخلت الباص حقي طبعا الباص كبير وما يمديني اعرف البنات اللي فيه وانا استغفر الا وحده تناديني والتفت لها لقيتها صديقتي اللي كنت اتمنى اجلس معها واكتشفت انها معي بنفس الباص سبحان الله 
❤بنات تكفون رتبو أمنياتكم ❤❤وأستغفرو ❤❤ وهالحين تحققت لي اغلب امنياتي وبقي لي امنيتين وهي :
1-انحححف 
2-اتزووج 
وواثقه بالله انها راح تتحقق ...
❤❤سيفتح الله بابا كنت تحسبه من شدة اليأس لم يخلق بمفتاح❤❤

أستغفر الله اللذي لا إله الا هو الحي القيوم وأتوب اليه