الإستغفار ... ياما حير ناس كتير

ليه بنستغفر ومش بتتحققلنا النتائج المبهرة للإستغفار اللي ربنا ذكرها في كتابه ذي👇 :
🌟 { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }
🌟 { وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ }
🌟 { وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ }
بفضل الله لقيت كذا سبب ممكن يفسروا لينا عدم فاعلية الإستغفار بتاعنا وعلى اساسهم هنعرف إذاي نستغفر صح ..تعالوا معايا كده واحدة واحدة
الأهم من إننا نعرف اذاي نستغفر هو إننا نعرف ليه بنستغفر لإن النية لازم تسبق الفعل
✨ أولا : لازم تسأل نفسك☆ دور الإستغفار إيه بالنسبة لي ؟ أنا باستغفر ليه ؟ نيتي بتكون ايه ومشاعري بتكون ايه وقت الاستغفار ؟☆ بتستغفر من باب الذكر ؟ ولا بتستغفر لما بتحس بجد إنك عملت حاجة غلط وندمان عليها ؟☆ بتعد على صوابعك أو على السبحة كام مرة استغفرت ؟ ولا ممكن تستغفر مرة واحدة بس بتبقى حاسسها أوي أوي وبترتاح بعدها ؟
✨ ثانيا : لو تأملت جميع الآيات اللي ورد فيها الإستغفار هتعرف إن ☆ الاستغفار دوره ووظيفته الأساسية 👈( التطهير مش التحصيل )
التطهير هو إن الذنب إتمحي لكن التحصيل هو إنك أضفت لنفسك حاجة وحققت مكسب معين المشكلة بقا اللي ممكن كتير مننا بيقع فيها بدون وعي .. هي إننا بنستغفر بنية التحصيل مش بنية التطهير بنستغفر بنية الطلب ، بنستغفر عشان عايزين حاجة ، عشان ربنا يمددنا بأموال وبنين وقوة ووفرة وجنات وانهار وغيرهم غير منتبهين إن دي كلها إضافات ونتائج وحقوق بتتحقق تلقائي كفضل من الله .. والفضل يعني الزيادة المفتوحة بدون طلب وبدون توقع وبدون حساب ولا انتظار
☆ مثلا ربنا لما يقول ( استغفروا ربكم يمددكم قوة الى قوتكم ) مش معنى كده انك تستغفر بنية إمدادك بالقوة أو عشان عايز ربنا يمدك بالقوة ؛ لإن الامداد بالقوة دي نتيجة مش هدف والفرق بين النتيجة والهدف ان الهدف بتكون انت محدده وعارفه لكن النتيجة انت مش بتكون محددها ، بتكون مفتوحة ومتروكة لعلم الله بما يتناسب معاك ومع اعمالك
الغلط إننا بنستخدم الاستغفار لما لم يخلق له الإستغفار خلق للتطهير مش للطلب والتحصيل الإستغفار خلق لفتح الابواب بس أما السير والحصول على النتايج ده شئ تاني
☆ التحصيل ده حق مكتسب ونتيجة طبيعية إضافية بيحفزك عشان تشتري ؛ لكن مش هو السلعة الأساسية الغالية المفيدة اللي هتعيش معاك وتكمل معاك وهتنفعك .. السلعة اللي المفروض تحط عينك عليها وانت بتدفع الاستغفار هي ( رضا الله )
☆ ذي لما يكون فيه عرض مغري على سلعة معينة .. مش صح إنك تشتري السلعة عشان العرض المغري لكن الصح إنك تشتريها عشان انت محتاج السلعة دي و لإنها هتفيدك .. العرض الاضافي ده شجعك وأغراك وحمسك مش أكتر
☆ كوب مثلا وعليه عرض ملعقة هدية هل هتشتري الكوب عشان الملعقة ولا هتشتري الكوب عشان إنت محتاج الكوب ؟!
☆ فانت لما بتستغفر انت بتشتري رضا الله عنك ؛ بتشتريه باستغفارك وتوقيرك وتعظيمك وتكبيرك له سبحانه ، بتشتريه بشعورك الصادق بالندم وبعزمك على عدم العودة وبتاخد الرزق والمال والقوة والوفرة كهدايا مجانية جانبية إضافية
✨ ثالثا : مهم نعرف يعني إيه إستغفار ؟
☆ ربنا سبحانه وتعالى أمرنا وقال استغفروا ربكم لو احنا قلنا ( استغفر الله ) احنا كده لسة ما استغفرنا الاستغفار في المقام الاول هو شعووووور ونية ورغبة صادقة بتتجلى وبتظهر وبتتجسد ممكن في صورة حروف وكلمات ودعوات ، و ممكن في صورة بكاء وعبرات هي مشاعر ندم بتاخد اي شكل هي عايزاه المهم تكون صادقة
☆ الشعور بالندم لازم يكون لحظي ما يطولش لاني لو فضلت منغمس و قاعد كتير في الشعور بالندم مش هاعرف أشوف الفرص والاشارات اللي هتدلني على العنوان الصحيح اللي هاعدل فيه مساري و هامشي فيه صح
☆ ملاحظة : لو الشعور حب يطلع في صورة دعاء ، الدعاء مهم يكون بصيغة ( رب اغفر لي ) وليس ( أستغفر الله )كما هو الحال مع الأمر ( استقيموا ) {¡قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ #فَاسْتَقِيمُوا إِلَيْهِ #وَاسْتَغْفِرُوهُ وَوَيْلٌ لِلْمُشْرِكِينَ }هل ينفع عشان ننفذ الأمر نقول ( أستقم إلى الله .. أستقم إلى الله .. أستقم إلى الله ) ؟؟! ولا الاستقامة بتكون قلبية شعورية قبل أن تكون قولية أو فعلية ؟؟ نفس الشي مع الاستغفار ( أستغفر الله ممكن تكون ذكر وليست دعاء )
✨ والملاحظة الاهم إن كل الافعال اللي بتبدأ ( بحرفي السين و التاء ) بتوحي بالطلب واللجوء و الإستعانة بالدعم الخارجي ولا مجال فيها للاعتماد على الذات
- أمثلة لأفعال مشابهة من القرآن : يستبدل : معناه يستعين بشئ لكي يبدل به شئ يسترضع : أي يطلب من أحدهن أن ترضع ابنه يستغيث : يطلب من أحدهم الاستغاثة يستتر : يستخدم ساتر ليستره يستعين : يلجأ لأحد لكي يعينه يستمع : يستعين بقلبه لكي يسمع بوعي وانتباه وحصور يستمتع : يستخدم شي ليمتعه يستأنس : يلجأ لأحد لكي يشعر بالانس معه يستفتي : يطلب الفتوى من احد تستخفونها : تستخدموها لكي تخفف وتيسر عليكم وغيرها أفعال كثيرة مثل :تستقسم يستكبر يستعجل يستفتح تستكثر تستخرج تستقدم تستجيب
ومنه نستنتج إن الفعل يستغفر معناه يطلب المغفرة من الله لكي يهديه لعمل الصح
بنطلب من الله أولا ان يهدينا للصراط المستقيم فيهدينا .. ثم نذنب فنخرج من الصراط .. فنستغفر حتى يعيدنا مرة أخرى للصراط إذن ( الإستغفار هو سبيل من سبل طلب الهداية )
☆ لتبسيط الصورة أكتر تعالوا نعرف الفرق بين الإستغفار والتوبة : الاستغفار هو طلب العنوان أو الموقع ، ربنا غفر إذن سمح بإعطائنا العنوان .. أما التوبة هي السير الفعلي في الطريق الصحيح وصولا الى هذا العنوان انا في السيارة شغلت الجي بي اس ظهرلي الموقع ( هذا هو الاستغفار = الهداية لعنوان الطريق )اذا لم اسير بالسيارة تتبعا للموقع الذي اتاني عن طريق الاستغفار لن اصل = اذا لم اتوب بعد الاستغفار لن يفيدني الاستغفار ) التوبة ان انا امشي في الطريق اذن الاستغفار هو طلب العودة الى الطريق الإستغفار نور يرينا الطريق و يزيل الغشاوة ويمسح الضباب ويبدد الضلال
☆ هما خطوتين متتاليتين ✌ استغفروا 👈 ثم 👈توبوا .. يعني اطلبوا المغفرة والسماح والهداية و امسحوا وطهروا وبعد كده طول ما انتو ماشيين في الطريق اعملوا أعمال تصلحوا بيها الخطأ
ولذلك أتى ( الإستغفار ) كخطوة أولى تسبق خطوة ( التوبة ) في أكتر من آية : 🌟 { وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ }
🌟 { وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ }
🌟 { وَإِلَى ثَمُودَ أَخَاهُمْ صَالِحًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ هُوَ أَنْشَأَكُمْ مِنَ الْأَرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُوا إِلَيْهِ إِنَّ رَبِّي قَرِيبٌ مُجِيب }
🌟 {ٌ وَاسْتَغْفِرُوا رَبَّكُمْ ثُمَّ تُوبُوا إِلَيْهِ إِنَّ رَبِّي رَحِيمٌ وَدُودٌ }