أختي أم فوفو بنتي حبيبتي تبكي وقت الخروج والويه يحمر وتعرق مسكينه تتألم حيل ولوكنت بعيدة عنها أسمعها تناديني كأنها تستنجد فيني وأنا أشوفها وتعور قلبي بعد عمري ....مع انها تلبس بعدها الحفاض ساعات آخذها الحمام وهي تحاول تخرج أقعدها تكرمون على الحمام العربي أشوفها تخرج غصب بس تكون السالفة أهون لمن آخذها عالحمام .... يعني معاناة كل يومين أو ثلاثة أيام على هالحالة ....... بس بجرب معاها الكيوي قبل ما آخذها مرة ثانية حق طبيب متخصص ..... ومشكورين كلكم على النصيحة والمساعدة .

والله انا بنتي نفس المشكلة :( وهي عمرها سنة ووديتها الطبيب عطاني تحاميل بس قالي لا تستخدمينه واااايد لانه إذا الجسم تعود عليه ما راح يفيد وياها (قالي استخدميه في الاسبوع مرة ) اذا احتاجت له ،،،

وعن الكيوي مثل ما الاخت قالت بس انا احس الكيوي خطر لللأطفال :( والدليل جربي وحطي نصف كيوية على لحم شوفي شو راح يستوي باللحم والله انه يتفتت وما تقدرين تشوينه فما بالج معدة الطفلة عمرة سنتين ولا سنة

هذي وجة نظر ومن غير زعل

وبليييز إذا دورتيلها حل خبريني به لاني يوم اشوف بنتي تضغط على عمرها وتصيح قلبي يعورني عليها

خواتي الكيوي فاكهه شلون تضر الطفل..وانا ماقلت كثري منه بس نص حبة باليوم..او يوم ورى يوم..وانت اسالي الدكتور عنه..وترى اللي وصفه لنا دكتور كان يراجع عنده طفل من العائلة..وانشالله ما منه ضرر..وارجع اقول خففي النشويات لها لانها اهي اللي تمسك البطن زيادة وهذا عن تجربة..الخبز بانواعة يزيد المسألة..وعموما الخضار والفاكةة تسهل الامور..وطمنينا على بنتك اختي وسلامتها..:27:

مشكورة الغالية على المعلومة :)

وان شاءالله راح اخذها بعين الإعتبار

زجزاك الله خير :) :26:

اختي توته الحلوه

انا عندي نفس المشكله مع عيالي وعندي بنت عمرها 8 سنوات وتقعد الله يكرم عليكم ساعه في الحمام تموت صيااااااااح وتتعب نفسيا

والله اتعب معاها كثيييييييييير ما تقدر من التعب حتى تشرب شئ

بس الحين الحمد لله صرت اييب التمر الهندي الصلب مب اللين الحامض واحطه في الماء ثواني بس شويه اللون يتغير لون الماء واعطيها تشربه ثواااااااااااااااني والله يسهل عليها وعلى الجميع ان شاء الله
بس ماادري في سن ابنيتك ممكن تعطينها ولا لا

وانا عن نفسي بعد امجربه والحمد لله :26: