عواطف تركي .
عواطف تركي .
انا من الاشخاص اللي اقدموا على محاولة انهاء الحياة والحمدلله ربي نجاني منها واستغفر الله من هذا الشي
وكذلك كان عندي تفكير متكرر بإنهاء الحياة وإيذاء النفس
وبس احب اوضح انه في فرق بين محاولة الانتحار وبين التفكير بالانتحار وتمني الموت
لان التفكير او تمني الموت يبقى مجرد افكار ورغبات محبوسه داخل النفس
لكن محاولة الانتحار هي افعال حقيقيه تم تنفيذها على ارض الواقع لكن لم تنجح
وللاسف محاولة الانتحار بالنسبه لي صارت بدون تخطيط مسبق ولا تفكير وهذا الشي المخيف فيها
هي لحظات سريعه جداً لحظات يأس وسواد وظلام ورفض شديد جداً جداً للواقع بطريقه يصعب تحمل ثقلها وبدون وعي صرت اتخبط وانفذ اول شي جاء في بالي عشان انهي كل اللي قاعد يصير واوقف هذا الألم
واقدر اسميها لحظات غياب العقل
واذا في احد بيقول ضعف وازع ديني هو السبب ابشركم هذاك الوقت كنت اكثر فرد في العائله مطوعه صغنونه مكاني مجالس العلم والتحفيظ وكثيرة صلاة وقيام وعباده ودعاء وقران وصيام فإذا ماخضتوا التجربه لا تطلقون احكام من برجكم العاجي احكام حفطوكم اياها الاخرين وترددونها من بعدهم بدون تفكير
واللي عندهم افكار انتحاريه انصحكم تطلبون المساعدة من شخص مختص ثقة وخبرة في هذي الامور
وتسعون في حل جذور واساس المشاكل اللي وصلتكم لهذي المرحله لانكم لو ماحليتوها ممكن توصلون لمرحلة محاولة الانتحار
وختاماً اقول ان هذا ماضي وانتهى الحمدلله لا تهدرون مشاعركم لاني بخير وصحه من فضل رب العالمين
وشكراً جزيلاً يا جميلتنا الالماسه على طرح هذا الموضوع اللي يدغدغ الافكار والمشاعر والذكريات
🇸🇦السعوديه🇸🇦
اعتبريني اتدرب عليكم😂😂💎
هههههههههههههههههه
يعني كشاكيل حنا😥
🇸🇦السعوديه🇸🇦
خذي راحتك 😂😂 تذكريني لمن كنت اقرأ المقالات في الجرايد ويكون العنوان مثير ومشوق ماشاء الله...
ياربييييييي
ساعه وانا افكر وش تقصدين بالعنوان مثير ومشقوق ههههههههههههه
قريت مشوق مشقوق🤦‍♀️
🇸🇦السعوديه🇸🇦
تذكرت وحده من صديقاتي عندها بنت عمرها ١٤ سنه
كلمتني مره الساعه وحده الظهر عشان اروح لأطفالها بالبيت ماعندهم احد.
وفهمت انها بتروح المستشفى
مع بنتها.
ضنيت الموضوع سهل.
لما طولت قلقت كلمتها وكانت منهار تماما.
أخذت اولادها ووديتهم لبيتي ووصيت الشغاله عليهم ورحتلها المستشفى كانت في الطواري.
أول مادخلت دخت من ريحة الكلوركس💔💔💔💔
البنت شاربه كميه من الكلوركس تبي تمووووت.
وصلت المستشفى وهي تستفرغ سوولها الإسعافات اللازمه.
المهم طلعت بتنتحر لأن المديره نقلتها من صفها لصف ثاني😐😐
مرت أيام صعبه ع البنت وأهلها بس عدت على خير والحمد لله.
.DIAMOND
.DIAMOND
انا من الاشخاص اللي اقدموا على محاولة انهاء الحياة والحمدلله ربي نجاني منها واستغفر الله من هذا...
لا تطلقون احكام من برجكم العاجي احكام حفطوكم اياها الاخرين وترددونها من بعدهم بدون تفكير

بارك الله فيكي لا تطلقين احكام انو الكلام حفظناه من الاخرين ونردده بدون تفكير !

يعني اللي ايمانه وثقته بالله كبيره راح يقدم على الانتحار ؟!

واللي مؤمن ومسلم مو عارف انو قتل النفس اللي الله وهبها له حرام ؟!

​وخوفه من الله وين ؟!

هذا الا اذا مريض بالاكتئاب لازم له علاج ولا راح يقدم على خطوات ماتسره

وليش يكثر الانتحار بدول الغرب اكثر من الدول المسلمه الشخص اللي يقدم على الانتحار عنده اعتقاد انو ربي بيسامحه وماراح يحاسبه على قتل نفسه ويدخله جنته على طول عشان كذا اخلص حياته لله وقام ينتحر عشان كذا ضعف الوازع الديني هو الاول بعدها تجي اسباب مرضيه اذا مو مو عشان الوازع الديني تلقين من هب ودب انتحر خلاص ورييح