شفت بنت تسال في هذا المنتدى عن الأنتساب في جامعة الملك فيصل وجتني فكرة اني اكتب لكم بعض المعلومات الي اعرفها عن الأنتساب في الجامعة
جمعتها لكن من منتدى طلاب جامعة الملك فيصل لأني باقي ما سجلت ناوية السنة الجاية ان شاء الله اسجل وادخل تربية خاصة وانا اشوف الأنتساب المطور كما هو في جامغة الملك فيصل افضل من الأنتظام للبنت اذا وجدت التخصص الي يعجبها وحتى يمكن اوفر المحاضرات والشروحات موجودة سواء في الموقع او في المنتدى وتستطيع تتعلم تسال وتناقش الدكتور وهي قاعدة في بيتها يعني لو انتظمت راح تحتاج من يوديها وتحتاج تلبس وتروح كل يوم للجامعة مصاريف وتعب وفي الأخير نفس شهادة الأنتساب
الي تفكر في الأنتساب في الجامعة انا ارى ان جامعة الملك فيصل هي انسب
جامعة للأنتساب في المملكة .
تتميز انكي ممكن تختبري في اي مدينة ومجانا فقط يجب ان يكون
عدد الطلاب الذين سوف يختبرون في مدينتك عدد 20 طالب وليس مثل جامعة الملك عبدالعزيز انه اذا اردتي ان تختبري في مدينتك عليكي ان تدفعي 1000 ريال رسوم اضافية وفقط للفصل الأول واذا رحتي جدة راح تخسرين اقل شئ 5000 ريال سكن ومواصلات .
الرسوم الدراسية اعتقد انها ارخص رسوم لأي جامعة او حتى معهد في السعودية
رسوم الدراسة للفصل الدراسي الأول للطالب في الجامعه ثابتة 2465 ريال لكامل الفصل
أما رسوم بقية الفصول الدراسية تحسب بالوحدات الدراسية (الساعات) المسجلة التي يدرسها الطالب . وقد حددت جامعة الملك فيصل رسوم الساعة بــ 165 ريال للوجدة الدراسية المعتمدة (الساعة) .
مثال لو سجل الطالب 12 ساعة في أحد الفصول الدراسية فستصبح الرسوم الدراسية المطلوب سدادها لذلك الفصل :
165 * 12 = 1980 ريال في الفصل الواحد.
جامعة الملك عبدالعزيز 3000 ولا يوفرون لكي الا قاعة تختبرين فيها نهاية الفصل بعكس جامعة الملك فيصل الي يوفرون لك تدريس عن بعد عبر محاضرات تبث عىل موقع الجامعة ونقاش واتصال مع الدكاترة وغيره.
تخصصات كثيرة ولها مستقبل بإذن الله
كليةالأداب
لغة عربية
لغة انجليزية
علم اجتماع
دراسات اسلامية
كلية التربية
تربية خاصة
كلية الأدارة
ادارة اعمال
شهادة معترف بها جامعة الملك فيصل من اقدم الجامعات السعودية
شروط القبول
موقع الجامعة الرسمي
http://www.kfu.edu.sa/ar/Pages/Home.aspx
ويوجد منتدى رسمي للنقاش تابع للموقع ولكن يجب ان تكوني طالبة حتى تسجلين فيه
يوجد منتدى آخر للطلاب والطالبات
ملتقى طلاب و طالبات جامعة الملك فيصل
مواعيد التسجيل والقبول للعام الدراسي المقبل 1431/1432
وفي الأخير ارجو من الله اني قد قدمت شئ مفيد واي سؤال انا مستعدة اجاوب بإذن الله واذا ما عرفت سالت لكن في المنتدى
واعتذر اذا تأخرت في الجواب لأنه ماهو مسموح لي في اليوم الا 3 مشاركات فقط
بس عندي كم سؤال؟؟
لها مستقبل ؟؟ومعتمد يعني اسجل وان مرتاحه
وكمان الاختبار النهائي يكون عندهم في نفس الجامعه او في المدينه اللي ساكنه فيها
وشو اللي يضمن ان اللي مسجلين عندهم من نفس مدينتي 20 من شان اختبر بنفس المدينة؟؟