الإنسان ما يرتاح .....

بعيدة عنكم كل هموم الدنيا ..

بس الإنسان ما يرتاح إلا لما يّحمل نفسه هموم .. حتى لو ما كانت هموم .. مجرد هواجس وأفكار ما تخليه يتهنى في يومه ..

أنا يوم صراحة ضايق خلقي .. ولازم أفضفض لكم حبيباتي بنات حواء يمكن تلاقون حل ليّ (سويتها مشكلة) .. رغم إني أدري إن عليّ أرضى بالواقع وإن هذا زوجي واللي اخترته دونن عن الخطابّ كلهم بس أن صايرة أعاني .. متى بدت معاناتي بصراحة .. لما انخطبت أختي اللي أصغر مني .. والوضع صاير يضايقني لإن الكل قاعد يقارن بين زوجي وزوجها .. رغم إن زوجي يحبني وريال محترم والحمدلله شنو أقول عنه ما أوفي .. وأكرر الحمدلله وأنا عارفه هالشيء .. بس المقارنة صراحة قاعدة تضايقني وأعتقد شعور أختي نفس الشيء .. رغم الكل يعرف إن لكل إنسان عيوبه ومميزاته .. بس أهلي قاعدين يشوفون الأشياء الزينة في زوجي وزوج أختي .. وأنا وأختي اللي نطيح فيها .. حتى لدرجة إن صرنا انا واختي اللي كنا مثل التوأم نتحسس من بعض وايد .. والسبب زوجي وزوجها .. ما أعرف كيف ممكن أفهم أهلي كلهم إن لا للمقارنة بين زوجي وزوجها ؟

وأنا في شيء مضايقني صراحة وهو إن زوجي يضحك ويأخذ الأمور بهزلية زيادة عن اللزوم أكثر الأحيان .. وهالشي دايماً ينتقدوني عليه ويعتبرونه إنه ما يستحي .. مو عارفه كيف أغير طبع زوجي .. ياريت تقدرون تفيدوني ..؟؟

والحمدلله على كل شيء ..