صادقة من ناحية مظلمة فهي مظلمة الله لايعيدها ..

انا درست على ايدين مدرسات ......علموني الرعب مره اختي ضاع كتابها الرياضيات وهي في اولى وانافي رابع مادريت الاهي عند باب فصلي تبكي وتقول الابلا تبيك انا رحت معاها وانابموت من الخوف لما وصلت الفصل اسوي نفسي مؤدبه اطق الباب واحصل لي كف محترم عند اولى وانا اللي شايفه نفسي عليهم المهم تقول لي ياويلك لوتجي اختك السبت مامعها كتاب راح اضربك واوقفك انتي واياها واقعد ابكي على ابوي الاربعا ةالخميس ةالجمعه لين راح لادارة التعليم وجاب لاختي كتاب ويوم السبت وحنا في الفسحه جت اختي تقول لقينا كتابي في درج المعلمه مدري هي قاصده تخبيه والا بالغلط موقف مانساه حياتي كلها له يمكن عشرين سنه

والله انكم صادقين والله يا اني حاقده الى يومنا هذا على البغض مش الكل ويا ما انظلمت ومش بس في الابتدائي حتى المتوسط والثانوي حسبي الله عليهم خاصه اللي في المتوسط XXX من اللي سوته فيني والله من القهر ودي اقول اسمها ظلمتني قهرتني كنت الاولى صرت ولا شي........من مواقفها معاي انه مره سألتها عن معنى البلوط لانها كانت تدرسنا جغرافيا والله ما بقى كلمه ولا استهزاء ما سوته فيني ..............كله عشان سؤال ........غير اللي في الابتدائي شي ثااااااااااااااني آآآآآه والله جبتي موضوع على الجرح وكله كوم وبنات المعلمات كوم..........لي رجعه.

انا صارت لي مواقف في ابتدائي كثيير بس نسيت و سامحتهم
لكن حصل لي موقف في متوسط حلفت فيه إني ما اسامح هل المدرسة
كنت اموووووووت بالعربي, و خاصه بحصة النصوص ما انزل يدي ابي اقوم اشرح الأبيات كنت احبببب الشعر
و اشوف نفسي كاتبة هههه, المهم كانت معي وحده نفس حلاتي تحب الشغلة و وتحب تشرح الأبيات بس والله ما كانت مهتمه و تحب الشغلة و ما تنزل يدها زيي لكن وووين الكلام انها تصير بنت بنت خالة مدرستنا العربي
فكانت المدرسة انا ارفع يدي و اموووووووت على القومة وهي ما تتعب حالها و ترفع يدها و المدرسة تشوفني كيف متقطعة و تقوم تقوم نسيبتها و كل ما قالت حاجة مدددددددددحتها و انا مو عاطيتني وجه تقومني صحيح بس تحاول تقلل من نشاطي على شان البنت الثانيه تبرز بس انا مااااااافيه لزززقه فيها و كنت احبها وقتها المهم لما جينا نستلم المستوى
الاقيها منقصتني 5 علامات لييييييييييش ماادري !!!!! انفجعت و رحت كلمتها قلت لها ليش ؟!!! قالت خلاص ما اقدر اتفاهم الدرجة نزلت في المستوى و ما تتغير و كان اسلوبها زفت فما ناقشتها و احتفظت بكرامتي و ما ترجيتها حسبي الله عليها حلفت اني ما اسامحها لأنها كانت تحاول تبرز نسيبتها على حسابي و فووووووق كل هذا تنقصني ظلم مع اني نقصت كثييييييييييييييييييير و ما كنت شاطرة بس هذي كانت جرح بالنسبة لي .

في لي موقف ثاني بالثانوية برضوا حلفت ما اسامح هذي المعلمة و مخاصمتها و ما اكلمها الى الحين اشوفها و ما اكلمها و هي عارفة اني اتجنبها و ما اكلمها بس افكررر اني اكلمها و اقول لها الي مزعلني و اقول لها اني سامحتك لوجه الله بس متردده اخاف جرأتني تخونني .

اولا مشكورة ع الطرح الافضل من رائع

ثانيا كلنا عانينا من التفرقة

ثالثا حتى الاولاد عندهم اخوي كان دوم مظلوم بسبة ولد المدير بس كانو يعطون اخوي الثاني وولد المدير الاول
لا بعد يعطونه الاسئلة