http://forum.hawaaworld.com/showthread.php?s=&postid=2061066#post2061066جربوا هالطريقة يللي ساويتها بنفسي

يا جماعة ياريت تشوفوا موضوع اختنا فديتك
رائع بل اكثر من رائع فيه كل الاشكال والافكار الى تبونها وهيفيدكم كتير

انا اقلك فكرة سويناها لمن ماما ولدت اختي

احنا سوينا 3 اشياء

اول شي خيطنا اكياس بالاورجانزا و كان لونو دهبي و حطينا فيلو ورد مجفف و قفلناه بشريطة و ورد.............. هادي للحريم الكبار

الشي التاني : خيطنا مخدات لونها اخضر تفاحي لانو اشياء اختي كانت تفاحي كلها و بعد كدة حطينا فوقها عروسة جالسة ووراها ورد صغير و من قدامها حبتين شوكلاتة مستطيلة صغيرة من شوكلاين حطيناها في شريطة .......... هادا للبنات

الشي التالت : جبنا اكياس عليها شخصيات افلام كرتون و مليناها حلاوة ...... للاطفال

ووحدة اعرفها اشترت الاشياء و ودتها للمحل حق الاشياء هادي و هوا سوالها هيا يعني الاشياء من عندها كلها

و الاشياء حطيناها في سبت كبـيـــــــــــــــرو مزين سويناه عند بارتي لاند على ما اعتقد و هوا يعني ممكن تغيري الوانو فيعني اي وحدة تولد تغير لون السبت للون اللي تبغاه

اتمنى اكون افدتكم

اختكم جنى :27:

بصراحة في باتشي وشوكوا لاين وسعد الدين صحيح الاشياء غالية بس ماعلية حق اول بيبي لي اشتري الكون عشانة
بس خلة يجي ويشوف وشوا راح اعمل لة ادعوا لي بالذرية الصالحة ولجميع المؤمنات:26: :26: :26: