الاتحاد(وطني إماراتي)

بدأت فكر توحدنا على العز وعلى الإيمان
حقيقة ثابته ما يقدر العالم يكذبها

سنة واحد وسبعين بشهر ديسمبر إلى الآن
وراية الإتحاد تعانق الشمس وتجاذبها

ولا ترحل مع الغايب ولا يجتاحها نسيان
مدير المدرسة يكشف وقايعها لطالبها

في ظل المجلس الأعلى عمود الدولة المنصان
ثقتنا في شيوخ بلادنا محدٍ يعذربها

نحن من عاصمنتا أبوظبي اللي بدون اثمان
أهلها تفتديها بالنفوس ولا تحسبها

إلى ديرة دبي الي من النهضة كأنهالجان
نبي الله سليمان أرسله حتى يرتبها

ومن أم القيوين نبع الطيب وأهل الجود في عجمان
تزف الشارقة روح المكارم من جوانبها

إلى حدود الفجيرة لي تخط بحزومها الشطآن
لرأس الخيمة اللي كل يوم العز يخطبها

شيوخٍ كل شيخٍ له من أهل القدر شآن وشآن
مثل وصف الحرار الي على العليا مراقبها

نثمن قدرهم بارواحنا في كفة الميزان
ويرجح وزنهم فوق الكفوف وفوق مطلبها

وترا ما كل من يصهل صهيل حصان صار حصان
أصيلات الخيول فعولها تشهر مدربها


شعر الشيخ حمدان بن محمد بن راشد آل مكتوم

منقول,,
كل عام وانتي عروس الكون يا بلادي