كملللللللللللي يالغلا

كملي القصه احنا في انتظارك

أم عبـداللــــــه :26:

أنتظرت الوقت الللي ينامون فيه أطفالي ..
ويدخل البيت السكون ..
حاولت أنتظرالسـاعه 12 بالليل <<< لان هذا وقت يكون زوجي متفرق
من عمله ويكون بغرفته ..
لكـــــــن
ماقدرت أصبر ... قعدت أدور شنو اغطي السماعه لجل يتغير صوتي
وخذيت فوطه صغيره ..
ودقـــيت علي زوجـــي
وكان واضح أن بورشة العمل ..كان مره ازعاج ..
أبوعبدالله :ألو ألو ..
خفت ارتبكت.. وقفلت الخط بوجهه ...:09:
قلت : خل انتظربعدين أحسن ..
وبعد 10 دقايق الا يدق أبو عبدالله علي جوالي ..
جمعت كل قواي وتشجعت .. وقلت هذى فرصتي ..
رديــت : بكل ترحيب عــليه وقمة النعومه ..

قلت : هلا كيفك ..
قال : هلا وغلا .. مين معي .. ؟؟؟
قلت : أنسانه معجبه فيك ..
قال : معجبه !!! من متى ؟؟؟
قالت : أنت عارف من متى ..
قال : مافهمت ..
قالت : يعنى أفهم أنك تتغلي ..؟؟؟ خلاص أسفه مع السلامه .. طوط .. طوط

أم عبدالله :26:

جلست أبكي ياربي وش صار علي وش اللي قاعده اسويه بنفسي
ياربي ســاعدني أهديني ...:(
وبعد ساعه من المكالمه دق أبوعبدالله مره ثانيه على جوالي ..
رديت عليه بعد ماغيرت صوتي .. وقعد يسئلني ..؟؟
أنتي منين .. وشنو تدرسين والا موظفه .. ؟؟
وشنو اسمك ؟؟
قال : طيب كيف عرفتي رقمي .. ؟
قالت : وحده تعرفك ومن كلامها عرفت انك رجال تنحب ...

أنبسط حيل أبوعبدالله ..
وقعدت اضحك وأسولف وهو يضحك ويسولف معاي ..
وبعد ماحسيت أن السالفه مشت عليه ..
قلتله : اعذرني أبي أنام ..
قال : راح أدق كل يوم هالوقت عليك .. وش قلتي ؟؟
طبعا أنا وافقت ..

قفلت من عنده ورحت توضيت وصليت الربي ..
حسيت براحه أني أنسانه أعقل منه .. أني انسانه ماني مريضه ..
واستلمت سريري ومخدتي ..
جلست أبكي وأبكي لين ماغرقت مخدتى بدموعي ..

وجا اليــوم الــثاني ..
ونفس المــوال والســوالف .. وماخلى كلامه
من السوالف الجريئه والجنس ..
اللى فاجئني فيهاا وحسيت وأنا أكلمه بغص وبموت من القهر ..:(

وفي مكالمه وأنا قاعده أكلمه .. قربت من التلفون الثابت للبيت
قلت خل أدق عليه بالثابت أشوف شنوراح يسوى وهو قاعد يكلمني جوال..
أتصلت .. الا قفل الجوال بوجهي ورد علي بالثابت ..
وأنا مخليه الامر طبيعي ....
قالي ع الثابت : أنا الحين بنام بكره كلميني ..

دام اتصالي معاه اسبوعين ..
وأنا كل ليله أتعذب , وانقهر ..
غير دموعي اللي تواسيني وهمومي اللي تقتلني ..

وفي آخر مكالمه ..
قالي : شرايك أقابلك
قلتله : وين ؟؟
قال : شقه نقعد نسولف وننبسط سوى ..
قلتله : أفكر ..

الي هنــــا وخلااااااااااص
الى هنـــا قلت : أن أستسلمت التصرفاته وطاوعته بصير مجنونه ..
بطلت أرد على مكالماته ..
ونفسيتي تعبت حيـــــل .. كل ليله أبكي وأبكي لين تجف دموعي ..
تقربت الربي حسيت بذنبي حسيت بغلطى ..
عمري ماتمنيت أمنيه قد ماتمنيت
أنّ ربــي يتوب علي ويغفرلي ذنبي ......:44:
أبي أعيش بس أعبد ربي وأعوض الايام اللى بعدت عن عبادته ..
أبي أعيش لعيالي أربيهم واحطهم بعيوني وادعي ربي مايختبرهم
مثل ماختبرني ..

أسئــــــل نفسي كل يوم ..
وين عقلي يوم سويت كل هذا ؟؟؟
ليش صدمتي بزوجي خلتني اسيئ النفسي وكرامتي ..:(

أم عبداللــــــــه :

صرت ماحب زوجي يقرب منّي ..كرهته كرهته كرهته .. :44:
وأذا أخذ شرع الله منّى .. عيوني تبكي بدون حتى ماافكر بشئ ..
وكنت أدارى مايشوف دموعي ..
ياربي وش داخلي من احساس يخلينى أبكي اذا قرب مني زوجي ..
صارت الليالي ظلمه وقاسيه مااعرف فيها غير البكي
والدعاء .. ربي يغفرلي ..

وأبو عبداللـــــه :
لازال يدز مسجات على جوالي ..
فقررت أني اواجهه خلاص منها ارد عليه ..
ان الحاله النفسيه فيه أهوا .. ماهي فيني ..

كان في عمله .. وانا اعرف متى الوقت اللي يكون فاضي ماعنده عمل
اتصلت عليه من رقمي ..
رديت عليه ..
قـــــــال : من من أم عبدالله ؟؟
قلــــــت : اى أنا أم عبدالله أنا اللي بتواعدني بشقه .. لجل تلتقي وياي ..
أنا اللي تسامرني كل ليله والكلام الوصخ اللي تقوله ..
قـــال : لا كذابه .. مستحيل ..هذا اكيد وحده تعرفينها
بس انا ماراح اسكت لها ..
قلــــت : هذى انا أنا ومستحيل بسويها وادزلك وحده .. ليش خبله افضح بيتي ..
بكره وش يقولون الناس لعيالي عن عمايلك السودا .. المهم اثبتلك ان كل كلمه اقولها فيك علي حق .. وأنّ انت المريض مو أنا ... ماادري كيف بربي عيالي وانت ابوهم وجننتنى وخليتني مثلك .
قــال : ماراح اسكت لها أبد اللى كلمتني << ماهو مصدق ان أنا اللى كلمته ..
بس مانفذ شئ من اللي قال ..

أم عبداللــــــــه :

لازلت مع صراع نفسي كل ليله .. بكي .. ودعاء
ليــــن يوم جــا أبوعبدالله من عمله ..
مجــــرد شفته صرخت بوجهه .. :06:
حــــرام اللي سويته فيني .. حـــــــرام
وصلتني طريق ماهو طريقي ... ليـــــــش ..؟؟ وش ذنب سويته لك ..؟؟

وفجــــــــــأه ..
ماصحت أم عبدالله الا بالمستشفي ..
تعرضت لأنهيــــــار عصبي .. قعدت بالمستشفى قرابت اسبوعين ..
ومارجعت بيتــها ..
رجعت الي بيت أهلهاا ..
أمها حست أن بنتها موطبيعيه .. ومحتاجه عنايه
قالت أمها : بنتي تقعد معي ماتطلع من بيتي وترجع بيتها الا لما تسترد عافيتها..

أم عبدالله :26:
أمي ..
ياربي ماقد شفت أمي تحبني كذا وتهتم فيني ... الحمد الله ..

أبوعبدالله..
حسيت أن تغير حيــل تغير .. صار يتقرب منّي ..ويحاول يصلح غلطه..
جاني يعتذر ويطلب اسامحه ..
بفترت مرضي .. خدمني ابوعبدالله وحطني بعيونه .. يسهر علي مرضي
أخذ أجازه لجل يقعد جنبي ويسليني ..
يسهر طول الليل معي بيت أهلي ويقرأ القران علي لين أنام ..
حتى اطفالي يبكون ويدعون مع ابوهم أن ربي يشفيني ..ويرجعون بيتنا ..

جلست بيت أهلي شهرين .. اعاني التعب .. بس الحمد الله الكل حولي..
تقربت اكثر الربي .. الدعاء والصلاه والقرأن مايفارقني ...

لين تحسنت حالتي وتشافيت ..
رجعـــــــت بيتي .
رجعت مملكتي .. رجعت الاطفالي ..
أكنى انولدت من جـــديـــد ..
زوجى أصبح شخص ثاني تغير ماعاد مثل قبل ..
ترك الشات .. ترك الافلام الوصخه ..
صرت كل اهتمامه ... رجع يشتاقلي مثل قبل ... رجع يسئل عني ويناظرني ..
والحمدالله علي كل شئ وماشاء الله ..

بـــــس ..

لازال ... الجـــــوال سايلنت ...
لازلت ..أعاني من شبح الماضي .. ولو ذكر الرحمن يثلج صدري ..
لازلت .. ماني قادره ألبس الزوجي وأتزين له .. مع ذلك ابو عبدالله راضي
والمهم عنده اكون بصحه وعافيه ..
وصلى اللهم على محمد وأله وصحبه الطيبين الطاهرين ..


قصـــــــــتي صـــارت أحــــــداثها في 6 سنــين ..

والان الله هداني وان شاء الله يتوب علي أنا وزوجي ويغفر لنا ذنوبنا
ويبعدنا عن فتن الدنيا ويثبتنا على دين الحق ويحفظنا ويحفظ عيالي ..
ويحفظ جميع المسلمين ويبعدهم عن كل سوء ..

الحمدلله على كل حال ...يارب انك تستر على جميع المسلمين وتهدي ضالتهم وتحجب الفساد والفتن من جميع بلادهم

لا حول ولا قوة الا بالله
اللهم ارحمنا برحمتك