الاثر الطيب لي تركه

السلام
والله امس بالليل قاعدة اتصفح شوي واشوف ولد اخو زوجي المتوفي ناشر على حسابه عن ابوه المتوفي
كاتب اليوم ذكرى ميلاد بابا لو انه عايش كان اليوم عمره ٤٨ سنة ومصور صورة ابوه وقدامها وردة وورقة مكتوب فيها
حسبي من الفخر انك ابي وحسبي من الحزن انك تحت الثرى
مع انه هذا الولد ماوعى ابدا على ابوه لما مات كانت امه حامل فيه بس اثر فيني كثير حنينه ل ابوه دوم ما اشوفه ناشر كلام عن الاب وبعض الاحيان تمني انه ابوه حي طبعا على قد مايسمع عن ابوه من اعمامه وعماته وجده وجدته اكيد تمنى لو انه ابوه عايش
حتى بقية العائلة دوم يطرون ابوه بالخير ويتذكرون مواقفه وشهامته رغم انه يوم مات عمره ٣٢ سنة
سبحان الله تتخيلون يعني بعد ١٦ سنة اثره الطيب لسا موجود بكل جلسة ينذكر طاريه وطاري اخوه بالخير والدعوات لي تجيهم والصدقات لحد الحين العائلة متأثرة على رحيلهم المفجع
بمرة حساب العائلة نشر صورته هو واخوه كنوع من التذكير فيهم واشوف التعليقات عنه وش كثرها يترحمون عليه ويتذكرونه ويذكرون مواقفه ووقفاته
حتى ابوي الله يرحمه كان يتكلم عنه كثير انه كان احسن اخوانه اكثرهم بر ومحافظ على صلواته ودينه حتى اخوي قاله بمرة تمنيت اني قابلته قبل مايتوفى على قد ماتتكلمون عنه بالخير ياجماعة
حتى عيال اخوانه واخواته لي مالحقوه يتكلمون عنه دوم ويفتخرون فيه
وزوجي يموت فيه وب اخوه الثاني دوم يستغفر لهم ويدعيلهم بكل فرض ولازم كل جمعة يزور قبرهم هو وبقية الاخوان
الصراحة والله مدري كيف اوصف شعوري بس اقول ياحظه على السيرة لي تركها بين الناس والله
سبحان الله دوم اقرا انه الناس الطيبة ترحل بسرعة الله يرحمه ويرحم جميع امواتنا