الاثر وش اسوي فيه؟

السلام عليكم ..
عندي سؤال بس اولاً بقولكم السالفه💗..
عندي مشكلة من فترة طويييييلة مرة تجيني احلام مش كويسة ، اشياء ماأفكر فيها واغفل عنها بالواقع ، ودايم الاقيها بحلمي ، دائماً قبل ما أنام اقرأ الدعاء وآية الكرسي واوقات استغفر لين ما انام ، وانا احب الانمي كثير مرات اتابع قبل ماأنام وكذا فجأة انام وانا مدري ولا اقول اذكاري .. واوقات صراحه انسى إني اقولهم وانام .. ولمن انام والله تجيني احلام موب حلوه تخوف ..ودايم بالثعابين والله احلم باأشكال والوان بسريري بالمستشفى بالشارع احلم بهم بأمكان كثيرةوأنا بحياتي كلها ماشفت ثعبان ولا اتابع هالاشياء ومرتين حلمت بالقمل ومرة حلمت ان قطو اسود مرة يخوف يعضني وفسرته والمفسر قال حسد نصحني احافظ ع اذكاري واحصن نفسي ، ومرة حلمت بثعبان كبير ومدري كيف فجأة قعدت من النوم بنص الحلم قمت ع طول اتأكد جنبي الثعبان او لا! ومن فترة حلمت حلم مش كويس ومانسيته ابداً وقلت يلا خلني افسره! ولمن فسرته عند مفسره قالت لي ان وحدة حاسدتني وقالت خذي اثر امرأة بمواصفات الثعبان اللي حلمت به ! طبعاً قلت شكلها ماأصابت التفسير يعني من وين اعرف بذي المواصفات وسحبت ع الموضوع ومرت فترة وبعدها في وحدة تقرب لي علاقتي معها موب كويسة ابداً وسوت لي مشاكل وبعدت عنها عشان تكف اذاها عني .. وبعدها تصالحنا وسوالف وكذا ومرت الايام وقابلتها من جديد وسوالف وضحك معي وامي وخواتي وذي المرأة قالت لي صراحه انا احسدك! حسبتها تمزح قلت لها على ايش ياحسره وضحكت ، قالت والله صدق احسدك ! وتذكررررررررررت الحلم بذيك اللحظه وعرفتها! صدق نفس مواصفات الثعبان صدق مدري كيف الوضع سبحان الله بس تطابقوا !.. انا بالحقيقه ماعندي شيء انحسد عليه يعني وضعي المادي مو مررره والجمال عاديه يعني والصحة دايم تعبانه وبسرعه امرض بس الحمدلله يعني ودراستي كانت كويسه وكنت متفوقه بس عشان كنت تعبانه ولا اقدر انام صدق مااقدر ولمن اداوم مااقدر افهم ولا استوعب وظليت فترة طويله على هذا الحال ونجحت بصعوبه..الفترة ذيك صدق كانت من اصعب الفترات بحياتي صدق ! حتى نفسيتي موب كويسه دايم مالي خلق احد ابداً حتى اهلي ماأحب اقعد معهم ولمن اقعد تصير مشاكل وهوشة احس بس ابغى اصيح ولا ادري ع ايش !وطفشت وتعبت كثيرررررررر من هذا الوضع صراحه وقلت خلاص بسوي زي ماقالت لي المفسره وكلمتها ولا ردت عشان ابغى اعرف كيف اخذه .. وصرت استغفر واقرأ سورة البقره من فترة لفترة والحمدلله صرت لمن اقرأها ماتاخذ مني وقت مع اني قبل كنت اتكاسل كثير عشان ماأقراها وكنت ابي اخلصها بسرعه واللحين الحمدلله صرت حافظه بعض الايات💗.
- السؤال كيف اخذ الاثر؟ ولمن اخذه وش اسوي فيه؟ ..وشكراً على الرد من الآن💗.