اللهم يا ما لك الملك ويا واسع العطاء
يا حي يا قيوم يا ذا الجلال و الإكرام
إني أسألك في هذه الأيام المباركة ..
وبعدد من سجد لك في حرمك المكرم،،،
من يوم خلقت الدنياإلى
يوم القيامة أن تعافي قارئ هذا الدعاء،،،
وتحفظه،وأسرته، وأحبته وأن تبارك عمله،
وتسعد قلبه وتفرج كربه،,،وتيسر أمره ،،
وتغفر ذ نبه..
وتبلغه رمضان وهو في أحسن حال
اللهم آمين يا رب العالمين..
أختكم / أم باسل

حلومه
وش هالقصه تضيق الصدر باربي الله يرحم حالها
ندو
منوره وإن شاءالله تكونون وصلتو بالسلامه
ديوم
عزالله طلعتي وخليتي الشغل:)
احساس
يوووووووومه وش طلع الغنم بالحوش عاد اصواتهم مهيب مزعجه ابداً
ام باسل
مشكوره ياقلبو
======================================
يومياتي:
صحيت 10 افطرت انا وولدي وبديت انظف دواليب المطبخ تنظيف عميق بمويه وصابون وافرش فيهم جرايد عشان ارتاح من المسح الدائم خلصته قبل شوي ولله الحمد يتبقى لي الدواليب من فوق مغبره مره واتنافض وانا على الكرسي وولدي ماقصر كل شوي صادمني بسيكله يبي يطيحني الله من البر بس ويتبقى لي الفريزر الله يسهل علي
واعدت ترتيب المواعين بالدواليب واكتشفت اني مااعرف احط المواعين زين ويوم طلعت كل المواعين ورتبتها من جديد صار فيه اماكن فاااضيه مدري وش احط فيها
وسويت سباغيتي بالتونه غدانا وتغدينا وغسلت مواعيني
ودي اكنس البيت واكمل كوي واريح ظهري شوي

اهلين بالغوالي اليوم وبكره عندي غداء رجال الله يعين بس 00
حبيت اسلم عليكم ولا مافيه جديد غير افلونزا الله يعديها علي خير داع وتعريق والالم بانفي0

لسلام
هلا فيكم اخواتي
هلا ندوش عساك استانستي بالاجازة
حلم الحرير
والله القصة تقطع القلب
لا جديد يذكر مع هذي الدروة الله يلطف بالحال والله روعتني بنت عمتي اشكي عليها الحال وش تقول يمكن حمل لانها كانت حامل في بنتها وما درت عن نفسها الا بعد شهرين من النزيف هذا
صحيت الظهر ما لي نفس في الفطور
صلحت الدا رز ابيض مع جريش في الكاتم
وطريقته / ابغى نورة بنت النعم تعلق عليها وهي في القدر 4 اكواب ماء مع 3ارباع الكوب جريش وربع الكوب جريش وبصل مقطع ارباع ووملح ثم تركته يغلي على نار هادئة لمدة نصف ساعة ثم فتحت الكاتم وضعت نصف علبة زبادي وزيت وكمون ثم سكرته مرة اخرى لمدة نصف ساعة وطلع حليو مو مثل حق امي امي احلى بكثير هل هو نفس طريقتك ام فيه تغيير
تابع اليومياتي
رحت لاهل زوجي مسيان ورجعت تسع بعد العشاء وجلست على الذبيحة وخلصتها اخيرا قبل رمضان من همها الحمد لله تقريبا على عشرة ثم بديت في مسح المطبخ بكلوركس ومطهر برائحة البخور وغسلت المجلى ثم تعشنا وخلصت اشغالي
وبس هذي يومياتي لا جديد يذكر تعب من الدرو ة والنفسية زفت

صباح الورد والفل ..
الساعة عندي 1 ونص صباحا ..العيال توهم راقدين ..وزوجي يحضر فلم وانا اراجع على كمبيوتري ..
اليوم كان كسل وتعب ودوخة وكملت بنزيف الله يستر ..اول مرة بحملي ينزل علي دم ..قلت لو تواصل لبكرة نشوف الدكتورة ..
انجازاتي لليوم ..ترتيب البيت على السريع واي حاجة في اي حتة ..المهم اني مانشوف الفوضى ..لكن من برة هالله هالله ومن جوة يعلم الله ..!!!!!
جاب لي زوجي 6 كيلو بصل ..اليوم العالمي للبصل ..
قطعت منه جوانح وقليته في الزيت ..وحطيته في علب وعلى الفريزر..نحتاجه مع الرز والحشوات ...
وعملت منه صلصة بيتزا ونفس الشيء في علب وعالفريزر ..
وشويت منه للفرن علشان السلطة المشوية بكرة نكمل اعدادها ..
وغسلت الحوسة عالسريع وريحت ..والان حطيت الملابس البيضة في الغسالة ..
كنت ناوية اني هالاسبوع نكمل تعزيل البيت والمطبخ وناوية نغير غرفة الاولاد ونسكر باب البلكونة اللي فيها لانه تدخل برد قوي في الشتاء وانا مش محتاجته لان البلكونة لها باب ثاني يفتح بالصالة ..
ان شاء الله نكون كويسة علشان نكمل هالحوسة قبل رمضان ..لاني لو طلع عندي مشكلة رح يتلغى كل هذا لين نتحسن ..
ربي يستر ..دعواتكم ..