وراكم نايمين :(
ام حمودي وينك
دلوعه عبودي وينك
غزال مسافره
وجرح عند اهلها
وساكون عند اهل زوجها
ماله طعم الملف بدونكم
=================
يومياتي:
صحيت 10 افطرنا وجلست على النت بعدين رتبت الغرفه حقت الجلوس وكنستها وولدي يجمع العابه ياحبي له يساعدني
وغسلت المناشف ونشرتهم وخيطت بلوزره لولدي فيها شق بسيط وخطت زرار بنطوني وتغدينا برى وتوني راجعه وبس
ودي اغسل الفريزر اليوم إن شاء الله لأن ولدي مع ابوه ومعزومين على العشاء يعني بأخذ راحتي بالتنظيف

النور ذا بدى..
والعطر قد شذى..
لقد عادت ندى..:27:

:22::icon31::22:
_____________

مساااااااااء الخير والاحساس و طيبة والعويس..

الحمد لله وصلت بيتي البارح. ولقيت النمل يرحب فيني ويهلي..

مع اني كانسته كله قبل اطلع عشان لا يلقى عيشة..

للاسف نسيت ارشه بفليت قبل اطلع..



عدت لبيتي..عدت لمملكتي.. عدت للشغل..

عدت للعزلة..عدت للوحدة والاهلي والزمالك..

اول ما سويت..حطيت الشنطة بغرفة بناتي..وكل كيس في مكانه اللي بفرغها فيه..

ومسحت كاونترات المطبخ..لأن زوجي مشتهي يطبخ.. يالله مسا خير..يعني فيه غسل مواعين..

ومسحت مكتبة الصاله والطاولات..وطققت الكنب ونفظت الخداديات..

ودخلت غرفتي مسحت الكومدينات والتسريحة والدروَر و غيرت المفرش..

ونفس الشي لغرفة بناتي..

وتسحرنا ..قصدي تعشينا الساعة وحدة.. وربصت المواعين ما فيني حييييل..

وكنست البيت بالكهرب..

ويبي له تمسيح بس خلااااااص ظهري انقص.. غسلت المواعين وتروشت وخمدت..

يا سلاااااام..يا زين النوم على السرير.. يبس ظهري من نومة الارض!!

واليوم..

روقت الساعة 2 على كبتشينو..

ثم ركبت على القهوة وطلعت الدجاجة..

تقهوينا وقمت وطبخت.. وتغدينا وغسلت المواعين..
وقطو..

___________________
هذي اخباري..انتم وش اخباركم..

ام خطاب..نقلتي والا لسا..

احساس الغريب..اخبارك..ان شاء الله الروح المتفائلة والرايقه مستمره معك..

جرح..اخبار دروس الفوتوشوب..

ام حمودي.. علومك مع الحمل.. طبقتي وصيتي والا..

دلوعة عبودي..اخبارك مع الخدامة..

حلم..كيفك مع الكرشة..ان شاء الله كل شي تمام..

سأكون.. اخبارك واخبار بناتك..عسى انبسطتو في الباحة..

نونا..اخبارك واخبار لطوف.. ماشاء الله وش هالحركات اللي مسوينها بقصركم.. مدخل وحركات..

وفاء.. ما شاء الله..وش هالخبر..حامل؟!! ان شاء الله ما يأثر على حفظك للقران..
سوانح.. ام دودي.. جلكسي.. الامورة.. أنااااااا.. انثى لا تنسى وانثى الاسد.. عبائر..غزال..في ديرتنا وكثير بنات في بالي بس اسمائهم نسيتها.. اخباركم عساكم طيبين..

اشتقت لكم بلحييييل مرة...

طبعا انا داخله شوي وبطلع لان وراي تسميع انقلش بكره وانا ادربي دميجتي ولابعد ذاكرت وابو لطوف سحب علي وطلع للاستراحه ماذاكر لي :mad:<<<خخخخخخخخخخخ


قمت الساعه 8 الصباح تروشت ولبست وقعدت اجهز عدة لطوف من ملابس وبامبرز و دوس على قولة لطوف<<جوس ( عصير) وطلعت كل شي برى عند الخدامه على 11 جاني ابو لطوف ونزلت له طبعا لطوف قامت ورقتها الخدامه للسطح لين اروح مرينا مرة ولد عمنا ومرينا وحده من جماعة ابو لطوف وانطلقنا للمعهد ياربي بعييييييييد ناصل المعهد على 12 نصلي ونبدا ساعتين تسويق وساعه انقلش يعني 3 نطلع نرجع كل وحده لبيتها بعدين ينزلني الاخيره ويرجع لدوامه اجي القى قطيوتي تحووووس اقعد معها شوي واسوي لي اي شي اكله بعدها انوووم لي شي ساعه واصحى عاد اليوم ابو لطوف قال يبي حلى قهوه بياخذه للدوام بكره قمت بعد المقيال وصلحت كيكة التمر وقطعتها صغار وحطيتها بورق بلسيه وسويت سينبون وسويت بسبوسه ومحتاره احط قطايف والا طبعا مع القهوه

انا بديت افرزن لرمضان سويت اصابع جبن وسمبوسه دجاج واليوم او بكره بسوي منتو كذاب << اموووت فيه

ودي افرزن بعد اشياء كثيره قبل تروح خدامة امي << تشتغل حد فيه احد يغسل المواعين:)




ندى المطر انا بخير وبنيتي بخير اخبارك انتي وقطاوتك شفتي قصرنا انا اول مره ادخله بعد ماصلحوه لعزيمة ولد عمتي بس طالع شي كبييييييييير مررره الله يعينهم على تأثيثه< شايله همهم بالتأثيث عسى يجيبون شي زين:laughing::laughing:


انا ابشرك اني داومت من الثلاثاء وحقين الدوره حبيبين من مدرسات و طالبات<< حشى مدرسه مو معهد:39:

السديم والله جد البنقاليه اكثر مننا بالرياض:44:


جالكسي الله يشفي اخوك ويخليه لكم :(


بنت نوره والله ياانا مشتاقه لك ولسوالف وتعليقاتك:icon31::icon31:

بناااات فيه احد اسولف معه قبل اطلع؟:39::39:

:):):)<<<لعيون سوانح

هلا نونا انا فيه..

ابكتب الاشياء اللي ناويه انظفها عشان استحي منكم واسويها..

ابي انظف الحمامات وامسح مكتبة المقلط..


الارضية مسحتها تو مسح كنه وجهي..عن قولة ما مسحته..

غرفة بناتي حووووسة..ودي افرغ الشنط وارفعها بالمخزن عشان تترتب..

وسلات الغسيل غاصة من المفارش.. يمكن الغسيل بكرة..